اقتباس المشاركة الأصلية كتبت بواسطة se_coralsea مشاهدة المشاركة
يا جماعة بلاش الجري ده
النهاردة رايح المطار الصبح و الدنيا بتمطر و الارض مزحلقة و لسه داخل الملف اللي بيودي علي الصالة الجديدة و أذا بميكروباص تويوتا مقديها حركات بهلوانية مع أنه ماكانش بيجري و هوب ...... طاااااااااخ حضن شجرة

انا كنت داخل الملف علي 60 كم/ساعة و طبعا شوفت المنظر كبست فرامل و شغلت الانتظار و الحمد لله
الألنترا طلعت أصيلة و العربية كلبشت في الارض المبلولة دي

المشكلة بقي في اللي ورايا ...
عربية بيجو داخل بمنتهي السرعة و الغرور و اتفاجئ باللي بيحصل و أتفاجئ بأني بأهدي سرعتي خالص
طبعا الافندي أعتمد علي أنها أوروبي و راح كابس فرامل راحت العربية معرضة منه و هاتك يا حركات و كان هايلبس فيا

ماصدقت أن الميكروباص الشجرة وقفته علي الشمال و عملت كيك داون و طلعت من اليمين و نفدت بالالنترا من البيجو اللي وقف قبل مايخيش في التويوتا

علشان بس ماحدش يقول أصل الاوروبي و الياباني أحسن من الكوري
الفكرة أننا نستهدي كده بالله و نمشي بالعقل
معاك حق والله يا بشمهندس فى الكلام ده وياريت فعلا الناس تستهدى بالله كده
وياريت برضه ان الناس تقتنع انه ربنا اللى بيسترها مع الواحد عشان فيه ناس بتقول انا سواق عشرة على عشرة وبتاع ف الاول والاخر ربنا هو اللى بيسترها