معلش انا مش فاهميا أعضاء المنتدي الكرام ممكن نفكر مع بعض لو سمحتم ........ في أعلان بييجي علي معظم القنوات وبيتكرر بشكل ملفت من كام شهر و هو المفروض بيتكلم عن برنامج للموبايل يخليك تبعت صور وفيديوهات من موبايل لأخر والفكرة عصابة بتخطف( لامؤخذة) كلب وبتطلب فدية !!!!! ولاحظ الانتشار المريب لحوادث الأختطاف اللي بتحصل فعلاً لأولاد ناس مقتدرة مادياً وبنفس السيناريو لطلب فدية !!!! ياريت لو حد يوصل ندائي ويطبقو الرقابة علي النوع المريب والهدام ده من الأعلانات واللي بيستغل حاجة الفقير ويشجعة علي جرائم غريبه علي مجتمعنا بأفكار جهنميه من كتر تكرارها المريب تدفعهم لا شعوريا بارتكاب جرائم من النوع ده ...... وكمان الغريب ان برامج فاشلة من النوع ده مين اللي مسئول عن حملة الدعاية وفلوسها منين ؟؟؟ وهل تفتكر البرنامج ده بيجيب أرباح أكتر من الاف الألاف اللي بيصرفة لبث ألأعلان علي كل القنوات دي يومياً ... فعلاً أشك وده يخليني أفكر أن ممكن في حد بيدفع بسخاء لانتشار الأنفلات ألأمني وعلي حوادث الخطف خصوصا في الفترة دي علشان يصور البلد مفيهاش أمان حتي علي أهلها لكن طبعا بطريقة غير مباشرة وبدون مسئولية وهي غسيل دماغ بالتلفزيون الموجود في كل بيت والفكرة مجرد أعلان !!!
انا مش عايش حاليا في مصر لكن ياريت لو حد يقدر يدلني أعمل أيه علشان أوقف أعادة الأعلان ده وأمثاله علشان في مليون طريقة ممكن يعلن بيها لكن مش لازم تكون كدة.
تحياتي من مكة.
الاعلان بيتكلم عن اختطاف كلب وطلب فدية ؟؟؟
انا عمري ماشوفت حاجة كدة
ياريت توضح اكتر
المفضلات