يا خبراء نايل موتورز لو محدش ردع عليا هانتحر

**OlaOsman** · 06-06-2008 06:03 PM

المشاركة الأصلية كتبت بواسطة Chicco

يعني يا أخ ميرو هددت بالانتحار و رد عليك الخبراء و الناس الغلابة اللي زاي حلاتي و في الأخر اختفيت و ما ردتش على حد ......يا تري يا ميرو إنت فين ؟!!!!!!!!!!!!!!!!!!!!!!!!!!!!!!!!!!!!

أحسن يكون افتكر ان ماحدش رد عليه و نفذ تهديده بالانتحار

**Chicco** · 06-06-2008 06:13 PM

^^^^^^^
أنا رديت بعد ٥ دقايق بالظبط من سؤاله ...ما لحقش يعني :)

**mero5005** · 06-06-2008 09:02 PM

الله يكرمكم يا جماعه انا منتحرتش انا اهو بس الاراء متضاربه ما بين الاتنين انا بس عايز اقول حاجه ان السيتى انا ركبتها لمده سنتين وهو ده كان سبب اعجابى بها وانا شايف ان تقفيلها 700 مليون مره احسن من اللانسر اللى انا ركبتها برضوا
الموضوع ان مفيش حد افتانى فى موضوع قطع الغيار ده

**mero5005** · 06-06-2008 09:07 PM

انا عارف ان اصعب حاجه موضوع الاختيار ده بس والله الحيره صعبه موووووووت انا كان عندى اتجبر على عربيه احسن ما اختار واعيش الموقف ده
السيتى اتوماتيك وكفاءه وراحه دمااااااااااغ
اللانسر دى مانيوااااااااااااااااااال بس انتشارها يديك الثقه العميااااااااااااااااء
ممكن طلب محرج من العضو اللى قالى ان معاه السيتى 2008يجيبلى صوره الفوانيس الورانيه بتاعتها لان اللى ركبتها قبل كده كانت موديل 2005 ويقولى ايه اخبار الساوند سيستم؟؟؟؟؟؟؟؟ يعنى فيها 2سماعه بس؟؟؟؟؟؟؟؟؟ وكفائتهم ايه ودى مش تلكيكه والله الله اعلم انا بحب العربيه دى قد ايه

**Xpert** · 06-06-2008 09:09 PM

المشاركة الأصلية كتبت بواسطة nahla

بص يا شاب يا مصري

لو بابا يدفع في الأول و بعدين تعيش مع نفسك (و مظنش ان ده الي هيحصل) يبقى خليك في الانسر
لكن لو ماسورة الامادات و المعونات هتفضل مفتوحة على طول يبقى الهوندا اكيد و لو اني مش بحب شكلها خالص لكن مواتير الهوندا معروفة و ال1300شدها حلو

موضوع السماعات ده حاسة انه تلكيكة للهوندا علشان متجيبهاش متركزش في الحاجات دي و تقريبا مفيهاش سماعات ورا اصلا

نييييييييهعهع .. جامد الرد ده و مافيش قواله بعديه .. غير ان انا رأيي خليك في حاجه استعمال نضيفه نمره واحد ...

**شاهين - بنز** · 06-06-2008 09:10 PM

نصيحة من مجرب إبعد عن الانسر ده كفاية إنها حريقة بنزين صاحبي معاه 1300 بتهبر البنزين هبر
عدي على موضوعي
للي مقدم على شراء لانسر الشكل القديم دي عيوبها بكل صراحة وبدون تعصب !!

**Hassan Khalil** · 06-06-2008 09:11 PM

لغاية ما اصحاب السيتي يردوا عليك .. حقولك.. ان فوانيس السيتي 2005 غير ال 2008 ..فوانيس ال 2008 زايد عليهم الجزء اللي في الشنطة .. زي السيتي ال1500.. و زي اللي موجودة علي السايت ..
باختصار .. شكلها حلو .. مش زي ال 2005

**modux** · 06-06-2008 10:38 PM

المشاركة الأصلية كتبت بواسطة nahla

بص يا شاب يا مصري

لو بابا يدفع في الأول و بعدين تعيش مع نفسك (و مظنش ان ده الي هيحصل) يبقى خليك في الانسر
لكن لو ماسورة الامادات و المعونات هتفضل مفتوحة على طول يبقى الهوندا اكيد و لو اني مش بحب شكلها خالص لكن مواتير الهوندا معروفة و ال1300شدها حلو

موضوع السماعات ده حاسة انه تلكيكة للهوندا علشان متجيبهاش متركزش في الحاجات دي و تقريبا مفيهاش سماعات ورا اصلا

بص يا باشا نهله جابتلك من الاخر

و هوا دي اللي حصلي لما كنت في الجامعة

حسب الامدادات من الوالد
مع اني افضل الانسر
او 1600 كسر زيرو

**medo_2060** · 07-06-2008 12:20 AM

انا راي ابعد عن اللانسر خالص دي منتشره بشكل يجيب الشللكان الناس بتروح تشتري قلبظ وتفتح الكيس يلاقوا كوبون مبروك كسبت لانسر 2007
ومش معنى انتشارها انها كويسه

خليك في الهوندا احسن 100مره وانت قاعد تتكلم على السماعات كانها بمليون جنيه طب ما السيتي فيها سي دي وكماليات تانيه كتير مش موجوده في اللانسر

وانت شكلك ميال للهوندا صدقني لو جبت غيرها هتتلكك لو حصل لها حاجه وتندم انك ماشتريتش اللي انت عايزه

**ysalah** · 07-06-2008 03:23 PM

ياباشا توكل علي الله وهات السيتي قطع غيرها كويسة مش مميتة وفي فرق كبير جداً بين العربيتين كفاية انك راكب هوندا كمان المتسوبيشي بقت شعبية قوي هات الهوندا علشان تحس بالتميز