استشارة فى الابيزا 98

**mdk_26** · 18-03-2012 07:15 PM

السلام عليكم يا جماعة انا قدامى عربية ابيزا 98 و العربية فيها موتور 1600 بالتكييف من غير الباور... و فيها شوية خبطات خفيفة....العربية مش متهانة بس انا عمرى ما ركبت ابيزا و عندى 3 اسئلة اتمنى اللى راكبين الابيزا يجاوبونى
1. ممكن اركب لها باور عشان الدركسيون تقيل شوية لما سوقتها و تكلفته اد ايه
2.الدبرياج تقيل ده ليه حل ولا لأ
3.سعرها تعمل كام

شكرا ليكم يا جماعة

**magdy_momo** · 18-03-2012 09:04 PM

أبعد عنها يا باشا الابيزا 99 بتبقي نازله يا أما 1000 سي سي أو 1400 أنما المكنة دي متسقطة و بتاعه الموديل الاقدم منها
شوف واحده فابريكا أحسن و بتكون نازله بتكييفها و قولنا معروضه عليك بكام

**windofchange** · 18-03-2012 10:42 PM

اعتقد تعمل من35 لو فابريكة دواخل يزيد السعر او يقل والعربية انت بتقول 1600 لو موتور انجكشن يبقي الموتور حديث وبيبقي راكب فيه عادة طرمبة الباور,فهو صاحبها احتمال مسقط الموتور من غير الباور كطرمبة ومشتملاته من علبة دركسيون باور وخزنة زيت الباور والخراطيم وكده ودول مش هيكلفوا كتير ان شاء الله ممكن تقول 1000 جنيه او اكتر شويه والدبرياج تقيل شويه وده له كذا احتمال ممكن سلك الدبرياج او طقم الدبرياج او الدواسة نفسها عايزة تتظبط والله اعلم

**mdk_26** · 18-03-2012 11:04 PM

شكرا يا جماعة على ردودكوا و انتوا فعلا افادتونى... هو الراجل قالى انه مسقط فعلا مكنة 1600 انجكشن بالتكييف و هى فعلا الراجل بيتكلم فى 35 زى ما الاخ Wind of Change بيقول بس انا حاسه كتير شوية... على فكرة الراجل ده جارى و مش عامل حوادث ولا حاجة فى العربية و كمان اول يد ...انا بس عايز اعرف اتكلم معاه فى اد يه مع العلم فى رفرف مخبوط فيها و فيها بعض الخبطات و قصة الباور ديه و تقريبا فيها كوبلن بيطقطق...انتوا شايفين ان سعرها مناسب ولا ايه؟

**windofchange** · 18-03-2012 11:24 PM

والله اول يد ده شيء ان شاء الله يكون كويس وجوز الكبالن عموما ب400 جنيه كورام ايطالي جديد والعربية فيها سنتر فابريكة وانذار فابريكة وريموت فابريكة تبقي كاملة و يبقي كده السعر ماشاء الله كويس انا شايف كده والله اعلم

**mdk_26** · 18-03-2012 11:48 PM

ربنا يخليك يا Wind of Change هى مافيهاش انذار بس سنتر ولا ريموت انا لما فتحت كان عادى مفتاح كدة بس شكرا يا باشا للافادة

**magdy_momo** · 19-03-2012 12:45 AM

انتا لو زودت ألفين ع ال35 هتجيب الموديل اللي بعده السعر ده عالي شويتين

**mdk_26** · 19-03-2012 07:01 PM

انا مش بشترى اى عربية انا عايز اشترى بتاعة الراجل ده عشان عارف انه معملش بيها حوادث .....عشان كده بدرس حالتها بس قولى طيب انتا شايف ايه السعر المناسب ليها من وجهة نظرك

**magdy_momo** · 19-03-2012 08:24 PM

31 ألف جنيه بالكتير أنا بتكلم معاك في سعر السوق

**mdk_26** · 19-03-2012 09:54 PM

31 الف دول بالكتير يجيبوا اكسل انا شايف انه قليل شوية

الموضوع: استشارة فى الابيزا 98

LinkBack

أدوات الموضوع

عرض

-

-

المواضيع المتشابهه

زيت الابيزا

Qq ام الابيزا

رش الابيزا

جنط الابيزا

الى كل محبى الابيزا : بوادر الابيزا الجديدة

الكلمات الدلالية لهذا الموضوع

المفضلات

المفضلات

ضوابط المشاركة