لسه شاري لانسر 2007

**lancer07** · 06-06-2008 03:04 AM

انا لسه شارى عربيه لانسر مستعمله 2007 - 1600 - اتوماتيك وملاحظ فيها كام حاجه مش عارف طبيعيه والا لا لانى ما مرتش بالتجربه دى قبل كده :

اولا : هيا المفروض انها سوبر اكشن بس فى ناس قالتلى دا متركبلها كسوه اعرف ازاى انها سوبر اكشن فعلا ؟

ثانيا : العربيه شاريها حالتها فوق الممتازه مفهاش اى حاجه متبهدله بس فى حاجه فى المكنه اولا بحس ان ال Rpm مش ثابت وهيا على السلانسيه ياعنى متذبذب كده طبعا يادوب شرطه تحت شرطه فوق مش حاجه كبيره بس بتعمل زى رعشه هل دا عادى ؟

ثالثا : لما بدوس على البنزين فجاه بتعمل صوت الكهربا بتسك ياعنى حتى لو انا مش مديها D ياعنى لو واقف على N وقمت دايس بنزين فجاه تقوم سكه ؟؟؟

رابعا : هيا داخله على 30 الف كيلو يتغيرلها بوجيهات والا لا ؟

سورى يا جماعه على الرغى دا كله

**bemocarlo** · 06-06-2008 04:04 AM

معلهش انا موش هاقدر افيدك.لو موش هاديقك اشتريتها بكام؟
bemo,ire

**Abdo_Eldesokey** · 06-06-2008 04:18 AM

بص يا باشا أنا هجاوبك على أول سؤال ... السوبر أكشن بتفرق عن غيرها بالاسبويلر وفتحة السقف والأعتاب والجنوط الاسبور ... وتحلية أبانوس في التابلوه

وبالنسبة لموضوع الـ rpm ده متهيألي إنه عادي لأنك لو مثلا ً حركت الدركسيون الـ rpm بيتحرك لأنك استهلكت الماتور

ثالثا ً ورابعا ً بقى معنديش فكرة الصراحة

**hazem_khidr** · 06-06-2008 04:34 AM

الف مبروك العربيه :)
روح التوكيل و اعمل صيانه هناك و العربيه حتتظبط و اكيد حتغير البوجيهات لان 30 الف كيلو كتير

**lancer07** · 06-06-2008 05:07 AM

المشاركة الأصلية كتبت بواسطة Abdo_Eldesokey

بص يا باشا أنا هجاوبك على أول سؤال ... السوبر أكشن بتفرق عن غيرها بالاسبويلر وفتحة السقف والأعتاب والجنوط الاسبور ... وتحلية أبانوس في التابلوه

وبالنسبة لموضوع الـ rpm ده متهيألي إنه عادي لأنك لو مثلا ً حركت الدركسيون الـ rpm بيتحرك لأنك استهلكت الماتور

ثالثا ً ورابعا ً بقى معنديش فكرة الصراحة

بس كل المواصفات دى فى الرياضيه الكامله برضه وموضوع ال rpm دا من غير ما احرك اى حاجه

**Ghamrawy** · 06-06-2008 10:53 AM

مبروك عليك
اعتقد انك لازم تعمل زيارة للتوكيل علشان تغير البوجيهات و فلتر البنزين و فلتر الهوا و تظبط الموتور و تراجع على الزيوت و ان شاء الله بعد كده كل مشاكلك حاتختفى

**lancer07** · 06-06-2008 03:40 PM

المشاركة الأصلية كتبت بواسطة bemocarlo

معلهش انا موش هاقدر افيدك.لو موش هاديقك اشتريتها بكام؟
bemo,ire

ان اجايبها ب 105 يا باشا .. ايه رايك فى السعر ؟

المشاركة الأصلية كتبت بواسطة gemino

مبروك عليك
اعتقد انك لازم تعمل زيارة للتوكيل علشان تغير البوجيهات و فلتر البنزين و فلتر الهوا و تظبط الموتور و تراجع على الزيوت و ان شاء الله بعد كده كل مشاكلك حاتختفى

هي العربيه خليجى ياعنى ملهاش ضمان كمان مشوار التوكيل دا هيعور جامد هوا بعد 30 الف المفروض انى هغير ايه ؟
سير كتينه .. زيت موتور دا طبعا اتغير .. فلاتر زيت فتيس وبنزين دول بعد 40 الف على ما اظن وممكن يعدو كمان شويه .. بوجيهات دى اللى كنت بسال عليها ودى تغييرها سهل بره التوكيل .. ظبط موتور دا ممكن اللى عاوز التوكيل

انا واحد صاحبى رجع من توكيل نيسان مغير فلتر زيت والزيت وتربيط عفشه دفع 210 جنيه مصنعيه بس وهوا فى الضمان كمان مش انا لو رحت بطولى كده هيعملو ايه ...

**Ghamrawy** · 06-06-2008 09:38 PM

المشاركة الأصلية كتبت بواسطة lancer07

ان اجايبها ب 105 يا باشا .. ايه رايك فى السعر ؟

هي العربيه خليجى ياعنى ملهاش ضمان كمان مشوار التوكيل دا هيعور جامد هوا بعد 30 الف المفروض انى هغير ايه ؟
سير كتينه .. زيت موتور دا طبعا اتغير .. فلاتر زيت فتيس وبنزين دول بعد 40 الف على ما اظن وممكن يعدو كمان شويه .. بوجيهات دى اللى كنت بسال عليها ودى تغييرها سهل بره التوكيل .. ظبط موتور دا ممكن اللى عاوز التوكيل

انا واحد صاحبى رجع من توكيل نيسان مغير فلتر زيت والزيت وتربيط عفشه دفع 210 جنيه مصنعيه بس وهوا فى الضمان كمان مش انا لو رحت بطولى كده هيعملو ايه ...

لا سير التقسيمة لسه بدرى عليه لو انت ماشى 30 الف و البوجيهات دى انت ممكن تغيرها بنفسك لو تعرف بس تجيب نوع كويس زى NGK و من مكان مضمون النقطة هنا بقى فى ظبط الموتور ممكن تروح مركز خدمة معتمد

**eng_mkhalaf** · 06-06-2008 10:32 PM

أنا من رائى روح التوكيل مهما خد مش هيبقوا حاجة جنب 105 إلف وكمان علشان تطمن

**lancer07** · 06-06-2008 10:58 PM

المشاركة الأصلية كتبت بواسطة gemino

لا سير التقسيمة لسه بدرى عليه لو انت ماشى 30 الف و البوجيهات دى انت ممكن تغيرها بنفسك لو تعرف بس تجيب نوع كويس زى NGK و من مكان مضمون النقطة هنا بقى فى ظبط الموتور ممكن تروح مركز خدمة معتمد

انا بشوف الميكانيكى بيجيب بتاعه كده بيحطها بين الشمعه والسن بتاع البوجيه مش عارف بيقيس بيها ايه بصراحه وبعدين يركبه , هوا على التركيب سهله مش صعبه بس مش مستاهله , الانواع بقه انا جبت NGK دا قبل كده فى علبه صفرا تفريبا كل واحد لوحده ومحستش انه نضيف حسيت ان ال Denso احسن منه جايز يكون مضروب ؟؟؟

وبعدين موضوع السكه دا عادى والا ايه ؟؟