الموضوع: ::: الي خبراء ال 128 ::::

يا جماعة الردود لنستفيد جميعا (خيركم من تعلم العلم وعلمة)

1 - انا سمعت عن الابلاتين و الكندنسر بيبقوا في السبراتير بس انا قولت افتح السبراتير و اشوف بس مش لاقي حاجة يعني مجرد الحتة اللي بتلف و تحتها سد يا تري فين اماكن الحاجات دي؟؟؟؟

اولا ما تحاولش تعمل كده تاني لان ممكن الوش ما يتركبش صح و بكده تلاقيه فرقع اول ما تشغل العربيه :)
بص يا سيدي الاسبراتير بتاعك ممكن يكون اليكتروني ما فيهوش لا ابلاتين و لا كوندنسر و دي بتعرفها في الفيات من حاجه
1.لو فتحات اسلاك البوجيهات طالعه من اعلي الاسبراتير يبقي دا عادي فيه ابلاتين و كوندنسر.
2.لو فتحات اسلاك البوجيهات طالعه من جنب الاسبراتير في خط مستقيم يبقي دا الكتروني .

2 - كنت عاوز اعرف برضة فين فلتر البنزين و شكلة اية؟؟؟؟

فلتر البنزين عباره عن اسطوانه شفافه كده فيها شرايح و دا بيبقي في الخرطوم الواصل للكاربيراتير و قريب منه اوي .

3 - و يا ريت لو حد يقولي فين خرطوم الفايظ اصل فية خراطيم يامة داخلة للكربراتير؟؟؟؟؟

خرطوم الفايظ مش بيطلع من الكاربيرتير
بيبقي طالع من الموتور واصل للعمه اللي فوق الموتور.
و الخرطوم حتلاقيه طلع من فوق البوجيهات كده .

4 - اية حكاية تقديم الكهرباء بالسيارة و بتكون ازاي؟؟؟؟

و دي بتبقي عن طريق انك بتهوي صموله تحت الاسبراتير و تحرك الاسبراتير شمال و يمين لحد ما كهربا العربيه تنضبط بس لازم اخصائي يعملها مش انت .

- فية علبة اسطوانية تحت الكبوت من ناحية الدركسيون و طالع منها اسلاك يا تري اية دا؟؟؟؟؟

دي بقي مش قادر اتخيلها :)

مش شرط يا حازم...ال127 كانت الفتحات من الجنب في خط مستقيم و كان سبراتير عادي

1. يبقي وش الاسبراتير بتاعك كان متغير يا نادر مش الاصلي

المشاركة الأصلية كتبت بواسطة NaderNabil

اينعم :):)

:p:p:p
:D:D:D