المشاركة الأصلية كتبت بواسطة ehab_mansour
انا رأيي ان الأسعار جيدة و ان كانت أغلي قليلا من الياباني و لكن فيه فرق كبير بين الجودة دي و دي
بخصوص موضوع التيريوس فدي عربية أخويا و لسه لم تكمل الشهر و التقييم ليها حاليا هيكون صعب لأنها لسه جديدة علينا و لكن ملاحظاتي عليها حتي الأن
عربية عالية جدا من الأرض ولما تركبها تنسي تماما قصة مطبات مصر دي و ده اهم ميزة فيها
محركها كويس وسحبه جيد مع الفتيس الاوتوماتيك
اخويا شاري اعلي فئة في الجراند السبعه كرسي طبعا فقيرة في الكماليات كعادة معظم شرق أسيا
الخامات علي قدها برضه كعادة معظم شرق أسيا دواخل و خوارج و التقفيل معقول
ارتفاع العربية بيحسسك بشدة بسرعة السيارة يعني 120 فيها غير 120 في الكوردوبا تماما
يعني انا بمشي بالكوردوبا 160 او 170 عادي جدا دون احساس بسرعة السيارة التيريوس بتبدأ تخاف من 130 او 140
مساحات التخزين جيدة جدا
العفشة قوية جدا و لكن ناشفة شويه من الخلف و مريحة الي حد ما في المقاعد الأمامية
دي انطباعي عنها حتي الأن
من اهم اسباب شرائها لأن اخويا اساسا قاعد في المنصورة وهناك مطبات و طرق مكسرة و عك ملهوش نهاية لذلك هو صمم يشتر حاجه عالية و عفشتها تناسب المناطق دي
و بالتوفيق ان شاء الله
المفضلات