سواقين النقل مشكلة ملهاش حل في بلدنا ؟

بسم الله الرحمن الرحيم

جايب لكم فيديدو سواق نقل طاير بعربيتو الصغيرة التريلة ... وما أكثرهم من ساعة ما عربيات النقل بقت حديثة وهنداي ومان ومرسيدس وتويوتا ... وهما بيحبو يجربو السرعات العالية ... ولا على بالهم ان في أرواح وراهم ... وناس على قدها في السواقة .

[youtube]http://www.youtube.com/watch?v=jkKujJfyA3Q&feature=related[/youtube]

[youtube]http://youtu.be/jkKujJfyA3Q[/youtube]

وبعد الانفلات الامني ... أصبح سواقين التريلات في كل حته ماشين حتى لو دخلو عكس الشارع العمومي ... ملهومش حارة معينة ... لمن يجي يعمل يوترن يقوم طالع فوق الرصيد حتى لو كسر الرصيف وكسرلو كام شجرة ... المحور بأه كلو سواقين نقل تقيل ... على الرغم ان الاسفلت غير مصمم ليهم ... أمبارح على كوبري أكتوبر المعلق لقيت تريلة بتجري من عليه وماشية عادي نيد فور أسبيد ... ومن يومين على الدائري كسر عليا فنطاس بانزين قال ايه بيعمل غرزة ساعتو بين العربيات الملاكي وانا ماشي على 120 يرضي مين الكلام ده ... ده حتى ميرضيش ربنا واللهِ ... هو أرواح الناس لعبة ..

تاااااابع ... محدش يكتب حاجة دلوقتي .

حوادث النقل بقة في كل حته

والمصيبة لمن تخبط في تريله غير لمن تخبط في عربية عادية .. وتغير فنوسين ورفرف وأكصدام ... النقل هيا وسلة قتل متعمد مع سابق الاصرار والترصد ... ومع الاسف بيطيروو بالتريلات بتاعتهم ويجروو حتى لو محملين زلط ورمل ... وتلاقي العربيات الي وراهم كلها مش عارفين يعملو ايه ... من الطوب الي بيتحدف زي الرصاص في البرفريز وعلى بادي العربية ونقر نقر نقر كده أجارك الله .

http://s.alriyadh.com/2006/11/09/img/101601.jpg

http://www.copts-united.com/uploads/644/Accedant2.jpg

يالطيف الطف يارب

http://www.keswa.net/sty3-2009/wp/daraga2.jpg

http://www.egvip.com/images-news/1258369600-image.jpg

المشكلة ازاي نتخلص منهم
وأحنا محتاجين لهم في نقل طعمنا وقوتنا
بس المشكلة يابيه حميررررررررر ومطلعين الرخص
بالوسطة وب 1500 جنية ... وأي عيل بيسوق دلوقتي النقل


http://www.almasryalyoum.com//sites/...1/17/228/4.jpg

http://www.egypty.com/Component/Phot...eousPhoto1.jpg


توب علينا باه يارب

http://www.misrelgdida.com/thumbnail...article_medium

http://imagecache.te3p.com/imgcache/...56453ddf68.jpg


http://www.newsmasr.com/newsimages/Heavy-trucks.jpg

http://www.egynews.net/wps/wcm/conne...pg?MOD=AJPERES

ده غير المبرشمين والحشاشين والمسلحين ... بحجة انو بيحمي نفسو ... هو للدرجادي ارواح الناس لعبة لمن يجرو ويطيرو بعربياتهم ... طيب لوحصل اي حاجة في الطريق هيلحق يفرمل امته بسلامتوو وهو ماشي على سرعة 140 .
هيلحق يفرررررررررررمل أمته لمن يموت كام واحد ؟ كام واحد لازم يموت علشان بسلامتو يكون مبسوط ويحس انو راكب طيارة ويا أرض انهدي ما عليكي أدي ... ولا ايه رأيك يا فندم ؟

مالهاش حل المشكلة دي
لان سواق النقل عارف ان لو حصل حادثة هو مش هايموت، لان عربيته كبيرة واللي هايتفرم سواق الملاكي اللي طبعا امه جايباهاله على حد تعبير معظمهم
وجنائيا يادوب هايدفع غرامة قتل خطأ، دا لو اتمسك اصلا

عارف ياباشا ... انا شفت في خارج مصر حاجة لزيزة قوي عربيات الاتاري الي مشية في الشارع لو لقت سواق نقل ... ماشي في الشمال ولا بيجري ... يوقفوه ويبهدلوة ويخدو الرخص ... هنا بأه العكس مره في ميدان لبنان لقيت ضابط بيقل سواق نقل رخصك لو سمحت ... والسواق بيقلو مش هديك رخصي واعلى مافي خيلك اركبو ... وانا معدي بالعربية سمعت الكلمتين دول على الطاير ... بصراحة ربنا يكون في عون الشرطة في بلدنا محتجين حد يوقف معاهم ... انا من رأيي كل ضابط يكون معاه وحده ست ... والي يرفض يديلو رخصوو ... تقوم ترقع الست الي معاه بالصوت الحياني وتقول الحقوني ياناس ألحقوني ياهوو ... هتلاقي الناس تتجمع وتساعد الضابط ههههههههههه .

ده فيديو لتريلة مقلوبة على الطريق الزراعي
والغريب ان الطريق مش مستحمل جري

[youtube]http://www.youtube.com/watch?v=8jtYa-FrzLM[/youtube]

[youtube]http://youtu.be/8jtYa-FrzLM[/youtube]



تعالو نسمع بأه رأي سواقين النقل
في كلمنا

[youtube]http://www.youtube.com/watch?v=hmz3iZf6XEg&feature=related[/youtube]

[youtube]http://youtu.be/hmz3iZf6XEg[/youtube]

كل الي همهم انك جمبك واحده وقاعد
بترغي معاها ... وهو ممعهوش وحدة
حاجة غريبة .

رنا يستر علينا الواحد ماشي في سرك مش في شوراع بلد المفروض انهاا 7000 سنه حضارة بصراحة المفروض عربيات البوليس تبقي فيهااا كاميرة زي برة والللي يتمسك يجري بالطريقه دي يقبوضو عليه و يودو مع الفيديوو بتعوو لنيابه و يخدلو اقل حاجة 10 سنين حبس بالميت يعني الواحد يكون طالع عينو علاشان يجيب عربيه ليه و لعيلتوو و يجي واحد محشش يضيهالو في ثانيه دة لو طلع منها سليم اساساااااا

انا لاحظت ان التكدس المروري اللي في كل الطرق والشوارع دا بسبب النقل
ايام الاجازات بتبقي الدنيا كلها خارجه بعربياتها الملاكي وطبعا النقل اجازة
ف بيبقي الطرق سالكه وسريعه وكله تمام
يعني النقل متسبب في اكبر مشكلتين ( الزحمه و الحوادث )
دا غير التخلف اللي بيحصل منهم فجأه تلاقيه رمي عليك من غير اشارة وبياخد الطريق يمين شمال ولا كأنه تكتك مش مقطورة
انا رأي انهم يعملو طرق مخصصه للنقل فقط زي طريق العين السخنه كدا ازاي بقي ماعرفش او يخليهم يمشو في عدد ساعات معينه في اليوم
لان فعلا مشكله النقل دي حاجه مش سهله يعني هي اللي بتسبب معظم الحوادث التقيله وكمان هي اللي موقفه الدنيا طول اليوم مخليه الطرق كلها زحمه

كل سواقين مصر حاجة تقرف
و سواقين النقل و الميكروابظ دول فئة تانية من البشر مش بشر عاديين (ظروفهم وحشة و معندهومش وعي نهائي بأي حاجة ) بس أحنا ملناش ذنب يطلعوا عقدهم علينا .

ربنا يأخدهم كلهم و نخلص ............. يارب أخرج منها على خير بقى

المفروض أن أحنا عندنا شبكة قطارات
والمفروض يتم أستخدامها في نقل السلع ما بين المحافظات و النقل يقوم بنقل السلع داخل المدينة من 12 ليلا لغاية مثلا 8 صباحا

أنما أحنا في مصر بعد الثورة ........... في البطاطا و الأول كنا في البالوظة قبل الثورة بس البطاطا كترت قوي

طيب لحد ايمتى هنفضل في البطاطا كده على طول ... لحد ايمتى هتفضل بلدي وبلدك عبارة عن حتت بلووظة ... الي هي يعني ايه بلوظة صحيح ههههههههه ... مرة سئلة واحد خليجي ايه رأيك في مصر فأجاب بمنتهى الصراحة والصدق وقالي مصر دي عبارة عن طبق كشري كبير ... مفهمتش معنى كلمتو غير لمن كبرت ... أن المكرونة على العدس على التقلية على الرز على الحمص وعليهم صلصة ودقة وشطة هيا دي مصــــــــــــر . ياولداه .

اقتباس:

---

المشاركة الأصلية كتبت بواسطة me_medoo

طيب لحد ايمتى هنفضل في البطاطا كده على طول ... لحد ايمتى هتفضل بلدي وبلدك عبارة عن حتت بلووظة ... الي هي يعني ايه بلوظة صحيح ههههههههه ... مرة سئلة واحد خليجي ايه رأيك في مصر فأجاب بمنتهى الصراحة والصدق وقالي مصر دي عبارة عن طبق كشري كبير ... مفهمتش معنى كلمتو غير لمن كبرت ... أن المكرونة على العدس على التقلية على الرز على الحمص وعليهم صلصة ودقة وشطة هيا دي مصــــــــــــر . ياولداه .

---

البالوظة دي عبارة عن مسحوق نشا يتم غليه في الماء و اضافة السكر عليه لعمل آكله لذيذة للأطفال الصغار (بيبقى سهل آكله ) تشبه المهلبية في قوامها و لكن المهلبية معمولة باللبن .

بس هي كلمة بلوظة لها صوت يدعوا للسخرية .

مصر هاتفضل مصر (طبق الشكري الكبير )
طالما المتعلمين فيها سلبيين و بيعملوا زي غير المتعلمين
مصر هاتفضل طبق الكشري طالما محدش عايز يحترم نفسه و يوقف التصرفات الآتية :

رمي زبالة من نافذة السيارة - الغرز و السرعات العالية بدون أدنى داعي
الناس اللي مش بتطيق تقف طابور
الناس اللي مش بتحافظ على حقوق غيرها

............................. الخ من البلاوي المنيلة و العبر السيئة اللي فينا كشعب مصر
الحل أيه ؟

بما أننا شعب مش بييجي غير بالمرزبة :khd: و الضرب على القفا (اللي عايشين برة أكبر دليل - يمشي محترم زي الساعة و أول ما يرجع لطبق الكشري - ترجع قلة الأدب تاني إلا من رحم ربي )

المهم عايزين نظام صارم و عدم التهاون مع المخربين و المفسدين و الخارجين على القانون بكافة أشكاله
البلطجي اللي بيسرقني بمطواه غصب في الشارع زيه زي الباشا اللي بيعمل قدامي غرزة بالعافيه علشان الباشا مش مستحمل يسوق في حارة و ينتظر ... ده بلطجي برضه --- لأنه بلطج عليا في الطريق و أجبرني أني أفرمل علشان سيادته يعدي .

البلطجي اللي بييجي يقف على أول جنب الطابور و مش عايز يقف في آخره ده حرامي و بلطجي برضه بس بطريقة تانية لأن أخد حقي في الدور
بقولك أنا لو أتفتحت مش هاسكت

خلاصة الكلام


عايزين شرطة قوية حازمة تطبق القانون بحذافيره
و عايزين جيش قوي يساعد الشرطة في الحاجات اللي محتاجة مساعدة زي الهجوم على العصابات اللي معاها أسلحة تقيلة .
و عايزين تعليم متميز في المدارس علشان نعلم ولاد $%&@^%@@#$^ ازاي يكون محترم مع غيره مش يطلع يدوس في خلق الله
عايزين نقضي على العشوائية ونهد العشوائيات و نبني مكانها مجتمعات أفضل
عايزين حاجات كتيرة

موضوع النقل ده بقى مقرف فعلا

للاسف واحد من أعز أصدقائى توفى من شهرين بسبب عربية نقل ... صديقى ماشى بطيء حوالى 60 على اليمين و داخل على مطب و بيهدى و كان امامه اوتوبيس بيعدى المطب فى اليمين برضو فضل يهدى وراده لحد ما وقف تقريبا (فى اليمين برضو) و الشمال كان فاضى جه واحد بنقل منه لله جاى طاير راح خبطه من الخلف و أخده هو و الاوتوبيس و فضل ماشى تقريبا 200 متر لحد ما وقف.. طبعا الراجل الله يرحمه توفى فى ساعتها و المصيبة انه كان معاه زوجته و اولاده .. هما عايشين الحمد لله لكن متبهدلين على الاخر من كسور مضاعفة لشروخ فى الجمجمة الى اخره .. ربنا يشفيهم يا رب.

طبعا الناس اللى كانت واقفة و شافت الحادثة كانوا هيموتوا السواق ده راح ابن ال.... نازل و ضارب نار فى الهواء و ساب العربية و جرى...

ربنا ينتقم منه و ان شاء الله ياخد عقابه فى الدنيا قبل الاخرة و يرحمنا من سواقين النقل كلهم...

يا جماعة كفااااااااااااااااااااية بقي
حوادث كلها بسبب النقل

لاااااااااااااااااااااااا ااااااااااااااااااااااااا زم يبقي في حل

هيجي يوم مش هيبقي في ولا عربية فمصر غير العربيات النقل
لما يخلصوا علي كل الملاكي


http://www.nilemotors.net/Nile/27707...post3874169940

http://www.nilemotors.net/Nile/27830...post3874185373

دة دوول كدة مسح زور من اول صفحتين في المنتدي
يعني لو دعبست هجيبلك ولا 98 موضوع كلهم حوادث للعربيات النقل

انا شخصيا كنت عملت موضوع عن حادثة لعربية نقل خابطة نص نقل
http://www.nilemotors.net/Nile/27195...post3874113118

يا جماعة شوفولنا حلول
انا كل يوم وانا مروح من اكتوبر بشوف حوادث علي طريق اكتوبر وطريق الفيوم وكلها طبعا نقل

والله المستعان
،
،

معاكم حق ... المرور مش لازم يهمل موضوع النقل ده ... الي سيبينهم علشان يخلصو على الشعب ... ويقضووو عليه ... التريلة في حد ذاتها هيا مدرعة متنقلة مينفعش تجري بسرعات عالية ... ومينفعش سواق التريلة يمش على الشمال ... أو يكون شب طايش معندهوش اي خبرة او واحد حشاش وبرشمجي ويموت الناس وهو ميحصلهوش حاجة .

لا ويطلع برائة كمان ... أذا موت أســـــــــــــــــــــرة مصرية .

شكرا لصاحب الموضوع .. لإن الموضوع ده مضايق المصريين كلهم.
وياريت حد يسمعنا .. عشان أنا حاسس (بل متأكد) إننا بنكلم نفسنا.
وبقالنا كتيييييييير أوي بنكلم نفسنا .. وكم حوادث النقل مهول. ومنها اللي بنشوفه على صفحات المنتدى
وأكيد في أكتر بكتير بس مبنسمعش عنه حاجة.
وياريت يكون ليهم مواعيد يمشوا فيها ، ويتعملهم تحليل بصفة دورية عشان الهباب اللي بيشموه.

اقتباس:

---

المشاركة الأصلية كتبت بواسطة ice_man

للاسف واحد من أعز أصدقائى توفى من شهرين بسبب عربية نقل ... صديقى ماشى بطيء حوالى 60 على اليمين و داخل على مطب و بيهدى و كان امامه اوتوبيس بيعدى المطب فى اليمين برضو فضل يهدى وراده لحد ما وقف تقريبا (فى اليمين برضو) و الشمال كان فاضى جه واحد بنقل منه لله جاى طاير راح خبطه من الخلف و أخده هو و الاوتوبيس و فضل ماشى تقريبا 200 متر لحد ما وقف.. طبعا الراجل الله يرحمه توفى فى ساعتها و المصيبة انه كان معاه زوجته و اولاده .. هما عايشين الحمد لله لكن متبهدلين على الاخر من كسور مضاعفة لشروخ فى الجمجمة الى اخره .. ربنا يشفيهم يا رب.

طبعا الناس اللى كانت واقفة و شافت الحادثة كانوا هيموتوا السواق ده راح ابن ال.... نازل و ضارب نار فى الهواء و ساب العربية و جرى...

ربنا ينتقم منه و ان شاء الله ياخد عقابه فى الدنيا قبل الاخرة و يرحمنا من سواقين النقل كلهم...

---

بحاول أتخيل الموقف اللي حضرتك بتقوله ده . . حسبي الله ونعم الوكيل .. الله ينتقم منه.
- ليه نسبة كبيرة من السواقين دول من أرباب السوابق ومدمني المخدرات؟
- إزاي بيطلعوا رخص سواقة بالسهولة دي؟
- فين قانون المرور الجديد؟ ولا بس بيتشطروا على اللي مش رابط الحزام والملصقات والفاميه؟
- أنا مش حجيب سيرة التكاتك والموتوسيكلات الصيني واللي بيمشوا عكس إتجاه واللي شايلين النمر ... وماشيين وسط العربيات عادي.

أقولك يا باشا
مفيش فايدة

ليه عندي شعور ... أن حياة المواطن المصري غير مهمة عند الدولة المصرية ... هل لأننا عندنا مواطنين كتيررررررررررر ... فراح مواطن او ماتت أسرة كأننا بنقول لنفسينا ماهو في كل دقيقه بيتولد خمس أطفال جداد ... طب ما احنا نمنع الخلفة بس نحافظ علي عندنا ... لأن الانسان الواحد مصروف عليه جامد لحد ماكبر واتعلم وكون نفسو ... غير طفل لسة متولدش متصرفش عليه ولا مليم ... المشكلة ان في كوادر في البلد وعقليات جبارة هيا الي بتموت ... ومع الاسف الي بيموتها هو شخص جاهل يكاد يعرف يقرى ويكتب ... وعايش حياتو بالطول وبالعرض مع سجارة البنجو حبيبتو وشريكتو في الحياة .

وهذا الشخص الجاهل ... هو مش عارف انو بيدمر بلد ... لنو بمنتهى البساطة هو بيعمل انو بينزع الامن والاماااااااااااااان من احاسيس المواطن ... فمثلاً وانا رايح شغلي صباحاً علشان اكد على عيالي وقوتي واكل عيشي فاانا شاعر ان في يوم من الايام هيجي أجلي على أيد سواق تريلة او سواق ميكروباص ... علشان كده بودع عيالي وببوسهم وبحضنهم كل يوم قبل ما أمشي على طريق الدائري لأن يمكن مشفهمش تاني وبوصيهم على مامتهم انهم يسمعو كلامها ويخلو بالهم منهم ... واول ما اقرب على مطلع الدائري او المحور بقول اشهد أن لا أله الا الله ومحمد رسول الله ... وأقعد اقول سامحني يارب ..اللهم اني لا أسئلك رد القضاء ولكن أسئلك اللطف فيه ... وبقول يارب لو في تريلة قلبت عليا او فعصتني وانا راكب عربيتي ... يارب خلي جزء مني سليم علشان يقدرو أهلي يغسلوة ويكفنوه ، وبلاش أكون مفروم أو أكون قطع بوفتيك أو أسكلوب بانية ...

فياريت على المسئولين لو مش مشكلة خلو التريلات تمشي على الشمال ومش مشكلة احنا نمشي على اليمين ... بس ميبقوش ماشين شمال ويمين كده وانتا تدخل غرز بينهم .

مرات بقول هما ليه ميعملوش كوبري للملاكي فوق الدائري يعني دائري فوق الدائري خاص بالملاكي .

حتى طريق مصر اسكندرية الصحراوي من نحية ميدان الرماية لغاية المحور طريق ديق وحرتين بقالو سنين وسنين وهو على الوضع ده طيب فيها ايه لو وسعوه شوية وسفلتوة ... حرام واللهي حرام ده الاسفلت أشتكى وبقى مكلكع في الارض كده من كتر ما أجيال عدت عليه وتلاقي على يمينك في صحرة ورملة في النص ألله طيب ماتوسعو على الناس ألاهي ربنا يوسع عليكم ... ده حتى عند منطقت الفلل والقصور والكمباوندات في مسافة 2.5 من شمال ويمين الطريق رمل ما تضموها للشارع وصغرو الرصيف شوية ... ولا اله الا الله .

اقتباس:

---

المشاركة الأصلية كتبت بواسطة syd

يا جماعة كفااااااااااااااااااااية بقي
حوادث كلها بسبب النقل

لاااااااااااااااااااااااا ااااااااااااااااااااااااا زم يبقي في حل

هيجي يوم مش هيبقي في ولا عربية فمصر غير العربيات النقل
لما يخلصوا علي كل الملاكي


http://www.nilemotors.net/nile/27707...post3874169940

http://www.nilemotors.net/nile/27830...post3874185373

دة دوول كدة مسح زور من اول صفحتين في المنتدي
يعني لو دعبست هجيبلك ولا 98 موضوع كلهم حوادث للعربيات النقل

انا شخصيا كنت عملت موضوع عن حادثة لعربية نقل خابطة نص نقل
http://www.nilemotors.net/nile/27195...post3874113118

يا جماعة شوفولنا حلول
انا كل يوم وانا مروح من اكتوبر بشوف حوادث علي طريق اكتوبر وطريق الفيوم وكلها طبعا نقل

والله المستعان
،
،

---

خد عندك دي كمان

وسلامي وتحياتي لسواقين النقل الله يورينا فيهم يوم اسود

والله المستعان
،
،

اقتباس:

---

المشاركة الأصلية كتبت بواسطة syd

يا جماعة الموضوع ذاد عن حده اوووووووووي

مش معقولة نبقي اكبر تجمع للسيارات في مصر ومش عارفين نلاقي حلول
وواقفين حاطين ايدينا علي خدنا
العربيات النقل زودتها عن اللزوم بكتير اوي
احنا هنا لازم يبقي لينا رأي مسموع
احنا نزيد عن ال100,000 مشترك
لو شوفنا عدد المشاهدات لموضوع كريم بتاع تنبيه اداري هتلاقيهم دلوقتي 19397 مشاهدة
يعني لو بنفس المنطق وعمل استطلاع رأي بس المرادي ملزم بالرد وجمع في خلال شهر 20.000 صوت بقرار معين اكيد لازم يتاخد بيه
احنا شريحة عشوائية كبيرة من المجتمع بجميع طوائفه

انا كنت اقترحت قبل كدة فكرة مشابهة للأقتراح بتاع التحقيق بس الموضوع مالقاش صدي مش عارف ليه
بس انا هفضل احط لينكاته لحد لما فمرة حد يرد عليه

http://www.nilemotors.net/nile/22810...post3873599044

اتمني حد يشوفه
واتمني ان حد يسمع صوتنا

والله المستعان
،
،

---

دي كانت مشاركة ليا في موضوع مشابه
واللينك الي فيها لموضوع كنت عملته للتحقيق في اسباب الحوادث للحد منها ولتفادي وقوع حادث مشابه

المشكلة ان كل حوادث النقل متشابهة
تقرا في الجرنان بيقولك

بسبب سرعة السائق الجنونية اختلت عجلة القيادة مما تسبب انحراف للسيارة فدهست العديد من سيارات المواطنين مما اسفر عن مصرع 88 شخص واصابة أخرين

كلهم بنفس السيناريو
1- سرعة
2- جنونية
3- اختلال
4- انحراف
5- موت
6- اصابة

حرااااااااااااااااااااااا ااااااااااااااااااااااااا ااااااااااااااااااااااااا اااااااااااااااااااام

اقتباس:

---

المشاركة الأصلية كتبت بواسطة SYD

خد عندك دي كمان

وسلامي وتحياتي لسواقين النقل الله يورينا فيهم يوم اسود

والله المستعان
،
،

---

معلش انا أسف نسيت احط اللينك

خد عندك دي كمان

http://www.nilemotors.net/Nile/27843...post3874186962


وسلامي وتحياتي لسواقين النقل الله يورينا فيهم يوم اسود

والله المستعان
،
،

عامر يتراجع عن قرار فصل 132 سائقا .. ويرفض عودة متعاطي المخدرات

الثلاثاء, 20 مارس 2012
http://cdn2.amwalalghad.com/imagesdi...k-amer-nbe.jpg
طارق عامر
اموال الغد - كتب – عبد الحليم الجندي :
تراجع طارق عامر رئيس البنك الاهلى اليوم عن قراره بفصل 132 سائقاً من السائقين البالغ عددهم 150 لتظاهرهم ومحاولتهم تعطيل سير العمل، وتقديم مطالب غير منطقية تتمثل في مساواتهم بالمصرفيين، على الرغم من وصول مرتبات كل منهم إلى نحو خمسة آلاف جنيه شهرياً وفقا للبنك .

وعلمت "أموال الغد " من مصادر مطلعة داخل البنك ان القرار لم يشمل نحو 18 سائقا ثبت تعاطيهم لمواد مخدرة اثناء توقيع الكشف الطبي الدوري عليهم .

اشارت المصادر الى تهديد السائقين بالدخول فى اعتصام مفتوح امام المقر الرئيسى للبنك فى حالة عدم التراجع فى قرار فصلهم والاستجابة لمطالبهم التى وصفوها بالمشروعة مما دفع البنك للتراجع عن قرار فصلهم .

واضافت المصادر الى تقدم نحو 15 سائق بتسجيل محضر اثبات حالة بقسم بولاق ابو العلا لفصلهم الذى وصفوه بالمتعسق ومنعهم من مزاولة اعمالهم .

ارجعوا قرار فصلهم إلى تنظيمهم وقفات احتجاجية متكررة منذ بداية مارس للمطالبة بالمساواة في نسبة الحافز التي حصل عليها المصرفيون بواقع 15%، فيما لم يحصلوا سوى على 5% فقط على حد قولهم.

وكان البنك الاهلي قرر بداية الاسبوع الحالي فصل رئيس السائقين و150 سائقاً لتظاهرهم ومحاولتهم تعطيل سير العمل، وإحالة رئيس قسم السائقين إلى النيابة العامة للتحقيق معه فى مخالفاته القانونية .

واوضح البنك فى بيان له أن قرار الفصل، والذى اتخذه، جاء من أجل الحفاظ على أكبر مؤسسة مصرفية فى مصر من الانفلات الوظيفى، وتطهيرها من ذوى الأخلاق السيئة الذين يسيئون إلى الجهاز المصرفى بصفة عامة.

واللهي عال ... حتى الحشاشين بيطلبو بعلاوة وزياده ومساوتهم مع الموظفين المحترمين ... هههههههههههه طيب مايطلبو يصروفلهم بدل ... زي بدل سكن بدل موصلات بدل كيف او بدل غرزة او تحشيش ..ماهو لازم السواقين يتكيفو ... ويعمرو الطاسة علشان يعرفو يشتغلو بنفس ... او المفروض يتصرف لهم كل شهر علاوة تربتين حشيش ... او علبة ترامدول لكل سواق علشان يستكيف وهو سايق .

فيه موقف حصلي من حوالي شهرين وانا ماشي على الطريق الزراعي بعد بنها في اتجاه طوخ كان فيه حادثة وماشي على سرعة لا تتعدي 10كم / ساعة المهم تريلا عايز تعدي مني وانا عمال اشاورله علشان افهمه اني مش حيعرف يعدي لأني المسافة بيني وبين العربية الللي جنبي ضيقة ، راح خبطلي الرفرف الخلفي بإكصدامه ، ولما نزلت ااتكلم معاه لاقيته بيقولي وانا اعملك ايه مش شايف العربيات اللي تحت
نفس الموقف اتكرر معايا بحذافيره قبل قلما بهدي علشان المطبات وماشي علي الأول لقيته تريل داخلة عليا ومنور 20 لمبة مبقتش شايف ايه اللي جاي ورايا مسمعتش غير صوت خبط ورا لقيته داخل بالإكصدام بتاعه في الرفرف والباب وقالي نفس الكلمة الخالدة انا مشوفتش العربية اصلي انا فوق

معلومه علي الطاير
95% من سواقينا الحاصلين علي رخصه درجه أولي بيسقطوا في امتحان الرخصه لما يسافروا علشان يشتغلوا في الخليج
انا شغال مع اكتر من 70 سائق نقل و تريلا
و الحق يقال قله منهم يستاهلوا الحرق شايف العربيه الملاكي علي انها مطب

انا لسه سواق نقل مدمرلي عربيتي وخسرت فيها نص سعرها