كلام في المضمون، وعشرة على عشرة، الهواء لو داخل في دورة التبريد العربية تسخن ودي حاجة بننساها ومنخدش بالنا منها
كلام في المضمون، وعشرة على عشرة، الهواء لو داخل في دورة التبريد العربية تسخن ودي حاجة بننساها ومنخدش بالنا منها
السلام عليكم
بصراحة يااستاذ علاء المبلغ زايد 2000 جنيه عن الطبيعى
فليشيا بدون تكييف 27000 حاله جيدة
فليشيا بالتكييف 29000 حاله جيدة
مع العلم ان ممكن المبلغ يزيد الف جنية لو حالتها ممتازة او يقل 2000 لو حاتها غير جيدة
ونصيحة منى اركبها وسوقها 10 كم فى عز الحر وراقب عداد الحرارة واطلع بيها كبرى وشوف السحب بتعها
الميه الاسباني لسا امبارح شايفها ب 30 جنيه الجركن في ازهراء م نصر
وفي ميه مصري متعود عليها كويسه برضو
ادكو توتال باور كولانت
الجركن 5 لتر ب 20 جنيه
تحياتي
ا/ضياء شكرا لردك على كلامى وكلامك مفيد وان شاء االله هاخذ بنصيحتك
بس قولى انت العربية عاملة ايه معاك هل فى مشاكل معاك النهاردة شوفت واحدة على مصر كار فقلت اتصل بصاحبها اشوف هو عاوز كم فالمهم قالى انها اتباعت وقالى انصحك تبعد عن الفليشيا لان مشاكلها كتير انت ايه رايك
اللى بيبيع الفليشيا حاجة من اتنين :
1- مهمل فى الصيانات الدورية بتاعتها
2- مهمل فى العناية بدورة التبريد بتاعتها
3- ميكانيكي مش فاهم اسكودا وكان بيشتغل فيها ( ودى اهم نقطة فالموضوع )
دول اهم حاجتين لاى عربية مش الفليشيا بس مع احترامى طبعا للناس اللى باعت ممكن تكون مقدرتش تتعامل العربية صح حضرتك لو مش مقتنع بيها متجبهاش لانك لو فكرت بالمنطق ده هتفضل متعذب طول ماهى معاك وعلى اى مشكلة هتحصل لاقدر الله فيها هتقعد تلوم نفسك وتقول ياريتني طيب انا كنت قريت ان العربية بتاعة واحد قريبك طيب هو هيبيعها ليه ولو انت مش مقتنع بييها هاتلك حاجة فى نفس تمنها
السلام عليكم
قبل ماشترى العربية بتعتى فليشيا 97 glx كان فى ميكانيكية بيقولولى نفس الكلام ابعد عنها هتغلبك فى الصيانة بتاعتها لكن انا اخذت القرار واشتريتها وبعد كدة عرفت الفكرة فى اية بالضبط
1- معظم الميكانيكية دول مش صنيعية محترفين مبفهموش فى تصليح الاسكودا مع ان صيانتها وتصليحها سهل ومفيش فرق كبير عن العربيات القديمة
2- العربية عايزة لما تغير فيها حاجة لازم تجيب الاصلى (التشيكى او الالمانى) عشان مترجعش تبوظ تانى ويقولوا العيب فى العربية
السعر اللى بتكلم فية هيجلبك ( اكسيل - ابيزا - برايد - فليشيا)
انا سوقت الاكسيل الصراحة الفليشيا تتفوق عليها بمراحل ( عفشة متينة - صاج قوى مش متبهدله زى اى عربية اكسيل تلاقى معظمها صجها مطبق فى بعضة - ثابتة على الارض - مبتحسش بالمطبات فى الشوارع وحاسس انك راكب عربية حديثة. بس خلى بالك من حالتها
اهم حاجة فى العربيات المستعملة
1- متكنشى عمله حادثة (فبريكة برة وجوة)
2- موتور جيد
3- متجبهاش من سمسار
اى حاجة تانية مقدور عليها و وتوكل على الله
+111111111
على فكرة انا حابب العربية ومستريحلها نفسيا بس حابب ان حد يطمنى مش اكثر وقريبى ده هيبعها لان والده نازل بواحدة زيرو من الامارات وكمان حضرتك العربية دى انا شايف انها منتشرة كتير وبشوفها كتير فى اسكندرية عندنا وانتشارها ده بيخلينى استغرب من مهاجمة بعض الناس ليها بس انا العربية شدانى
لا اطمن متقلقش يكفى انك هتبقى راكب عربية مش كورى ولا ماليزى ولا حتى 128 لو انت هتهتم بيها فى الصيانات بتاعتها على طول اشترى لو انت مش هتهتم يبقي بلاها دى نصيحتى الناس اللى بتهاجم هيه الناس اللى مش بتهتم بيها وبتسيبها لاى ميكانيكي يعك فيها والاهم من ده كله قبل ما تنوى وتشترى اكشف عليها كويس وشوف حالة الموتور اهم من اى حاجة تانية وبالتوفيق