هل المقصود بالصيانه انى لما تحصل فيها حاجة الحق اصلحها بسعة ولا المقصود انى اعمل عليها كشوفات دورية فى حاجات معينة مثلا كل فترة محددة
احنا هنا اخوات اسال ومايهمكش واللى عارف حاجة مش بيبخل وبيقولها طقم السيرفيس اللى هو مجموعة الفلاتر وطقم البوجيهات اما بالنسبة للزيت فانا باحط زيت شل الجركن الاصفر والمية الخضرا بجيب الجركن الاسبانى ماركة اسمها iada ودورة التبريد قبل ماتعملها تتاكد ان مفيش اى تسريب خالص وبعدها اعملها ويستحسن تكون فى بنزينة كويسة وتعملها كل ماتلاحظ ان فيه صدا فى القربة ولو انت عملتها مرة وحطيت مية خضرا انسي انا انت تلاقى صدا تانى وبالتوفيق
انا معاك فى تغير الرادياتير والمروحة وكل الحاجات ده بس مش معاك فى حاجة واحدة ان ثرموستات المروحة واطية للدرجة ده لان كده عمر المروحة ما هتفصل لن عمر الموتور ما هيوصل لدرجة 68 او 62 سواء شتاء او صيف انا مركب عندى ثرموستات 90/80 وعايز اركب ثرموستات اعلى 92/82 علشان المروحة تفصل اسرع وعلى كده العربية عندى مبتسخنش طول الطريق ماشية 90 مع العلم ان ماتور الفليشيا يشتغل بكافاة تحت درجة حرارة تتراوح ما بين 110/70 والكلام ده مكتوب فى الكتالوج... معلش طولت عليك
الترموستات الواطى كويسة جدا فى فصل الصيف اما لفصل الشتاء فالطبيعى ان العربية مناسبة للاجواء الباردة ومين قال لحضرتك ان المروحة مش بتفصل انا عندى المروحة بتشتغل قبل 90 بشرطة وبتفصل عند 71 وهكذا اما بالنسبة لحرارة الموتور المناسبة لشتغيله واعطاءه اعلى كفاءة زى ماحضرتك مابتقول وللتاكيد اكتر موتور الفليشيا يعطى اعلى ادا من 105 وحتى 110 بس انا هاسال حضرتك سؤال لو حرارة الموتور وصلت للرقم ده فالصيف تفتكر ايه اللى هيحصل اسال ناس هنا فى القسم ايه اللى حصل معاهم لما الترموستات كانت عالية وعلى فكرة انا عربيتي مغير لها جوان قبل كده والسبب اللى خلانى اغير للترموستات الواطى هو الموضوع ده والميكانيكي حتى ساعتها قاللى حافظ على الموتور فى نظير كفاءة اقل ولا تاخد اعلى كفاءة مع عمر قصير اكيد حضرتك فهمت قصدى وعلى فكرة انا سافرت بيها الساحل الشمالى على سرعة 130 و 140 فى يوم كانت درجة الحرارة 35 درجة وكانت السفرية الساعة 2 الظهر والمؤشر يوصل ل90 والمروحة تشتغل وتبرد وينزل تانى
تقبل مرورى
سؤال للاخوة
انا اشتريت صباع حرارة من يومين وشغال كويس والحرارة تقريبا على طول 85 بس المشكلة ان المروحه مبتفصلش لان الحرارة مبتنزلش عن كدة خصوصا فى الحر اما اكون بسوق باليل الحرارة بتنزل 71 وبتفصل المروحة
هل طبيعى ان حرارة السيارة فى الصبح تكون كدة مع عدم فصل المروحة؟
السلام عليكم استاذ علاء اسف لتاخرى فى الرد
بالنسبه لقطع الغيار فى فلفل بعد معهد البحوث و قبل خروب سامى اللى على شارع ابو قير فى الحضره كويس و امين و فى صلاح الدين اكتر من واحد و بتوع استعمال بس ما تعاملتش مع بتوع صلاح الدين و بالنسبه الميكانيكى فى المهندس ماجد اسكوداجنب دار محمد رجب للمسنين فى جليم هو غالى شويه بس متخصص اسكودا بالتوفيق انشاء الله
الترموستات عندك كام؟؟؟؟؟؟؟؟؟؟
انت متاكد ان المروحة مبتفصلش انا بسال السؤال ده لسبب بسيط لان الطبيعي بتاع اى مروحة انها تشتغل تبرد وبعدين تفصل وهكذا وبعدين السواقة بالنهار فى الحر بتختلف عن الليل بس ده مايمنعش ان المروحة تشتغل عشان تبرد وبعدين تفصل
اولا شوف الترموستات وقولى كام
ثانيا انت حاطط مية ايه فى الردياتير
ثالثا انت متاكد ان مفيش هوا داخل دورة التبريد ( ساحب الهوا من دورة التبريد)
رابعا هل التاكيهات عندك مظبوطة ( من اسباب ارتفاع درجة حرارة المحرك)
شوف الحاجات دى وقولى
شكرا ياباشا على اهتمامك على العموم انا هعمل مشوار بالعربية لغاية مدينة العبور يوم الجمعه وهقولك عملت معاية اية
انا عنى مية خضرا iada
ومفيش هواء فى الردياتير
لكن مش عارف موضوع التاكيهات دة
على العموم بعد معمل بيها المشوار هشوف المروحة هتفصل معايا ولا لآ وهشوف الترموستات بيفصل على كام بالضبط وهقولك على اخر الاخبار