الموضوع: انا قلت الستات اخرهم المطبخ ميخرجوش منه ^_^

أنا طبعا مش هاتكلم عن سواقة الستات علشان لو اتكلمت هايزعلوا، أنا هاحكي واقعة حصلتلي على المحور، بنت من اللي بيقولوا عليهم بيعرفوا يسوقوا راكبة جولف 6 وواخدة المحور غرز على الواسع (على حسب مفهومهم عن الغرز اللي احنا يا رجالة بنسمية كسرت على عربية) فأنا كنت راجع من التوكيل في أبو رواش وبجري ومش في دماغي فروحت واخد غرزة من جنبها واسعة وما ضايقتهاش خالص راحت سخنانة ورايا وكل ما آخد غرزة تروح لضمة ورايا واللي جنبها يديها كلاكس علشان بترمي ما بتعرفش تحكمها، فروحت واخد غرزة من أقصى اليمين لأقصى اليسار وكنت باصص في المراية وكان فيه عربية بس بعيدة، الهانم جاية تاخدها ورايا من غير ما تبص في المراية راحت العربية اللي جاية شايطاها، وعربيتها لفت ولولا إنها جولف كانت اتقلبت، والراجل نزل قعد يشتم ويبهدل فيها، يعني حتى لو الواحدة فيهم بتحاول تتنصح وتسوق زي الرجالة مابتعرفش