مسمار فى جنب العربية

**MostafaHassan** · 20-03-2012 03:53 PM

السلام عليكم و رحمة الله
النهاردة نازل الصبح طبيعى و كله تمام و بسخن العربية و بديها مسحة و افوجئ بواحد ابن حلال ماشيلى بمسمار على جنب العربية اليمين كله حرق دمى و عكنن عليا على الصبح كدة المهم ايه حله ده له حل يكون سريع و يخلص الموضوع ده اه هى مش باينة اوى لكنها مضيقانى و انا محبش يبقى فى حاجة زى دى فى العربية ايه ممكن يكون حلها دى

**ayman20100** · 20-03-2012 04:14 PM

حضرتك اوصف الاول الخدش عامل ازاي
لو الخدش عميق يبقى ما لهوش حل ولازم تروح لبتاع دوكو يرش الجنب ده
لو الخدش بسيط ممكن بقطعة قطنة بتنر وتمشي بسيط على الخدش في حركة دائريه بس بالراحة بدون ضغط وده هيخلي الخدش ياخد لون العربية العادي بس هيبان للي يدقق
وممكن تجيب بوليش وتدعك بيه الخدش وده برضه نسبياً هيداري الخدش بس مش حل جذري للخدش خصوصاً لو عميق

**ahmedsrs** · 20-03-2012 04:23 PM

عادى استمتع بعطايا الشارع المصرى الاصيل

**sakr_skoda** · 21-03-2012 06:13 PM

المشاركة الأصلية كتبت بواسطة ahmedsrs

عادى استمتع بعطايا الشارع المصرى الاصيل

حضارة المصرى سبع الاف سنة وعجبى ههههههههههههههههههههههه

**MostafaHassan** · 26-03-2012 01:59 AM

ههههههههه انا فعلا شوفت كتير و متحرمتش من عطايا الشعب خالص
لدرجة ان فى مرة لقيت واحد كاتبلى الله اكبر على سقف العربية
المهم الخدش مش عميق ده ايه اللى ممكن اعمله عشان اداريه او على الاقل اداريه بنسبة 50% فى واحد قالى فى انبوبة بتتباع فى كارفور ب 15 او 20 جنيه و هتظبط الدنيا بس انا معرفش ايه الانبوبة دى يعنى اما اروح ادور على ايه اسمها ايهه او شكلها و لونها ايه ؟؟؟
او لو سألت عليها برة اسأل على ايه ؟؟؟

**S O P H O S** · 26-03-2012 03:16 AM

الشعب المصري عاطفي شوية معلش

**hishoo_85** · 27-03-2012 03:39 AM

اللي انا شفته في كارفور كان زي البولش ومعاه قلم مقارب للون العربية وممكن تروح لبتاع بويا كويس يعملك بولش وتخف خالص على اقل حاجة ان شاء الله

**haroun707** · 27-03-2012 05:31 AM

المشاركة الأصلية كتبت بواسطة hishoo_85

اللي انا شفته في كارفور كان زي البولش ومعاه قلم مقارب للون العربية وممكن تروح لبتاع بويا كويس يعملك بولش وتخف خالص على اقل حاجة ان شاء الله

ياباشا اعتقد ان النوع ده محتاج نوع دهان يكون فابيركا او العربية تكون مرشوشوه على الفيلر والصاج على طول مش مليانة معجون وكمان نوع الدهان يكون كويس وده مش مضمون

انا على فكرة جايبة بس هو مش بيدارى الخرابش العميقه للأسف لان النوع ده من الخرابيش محتاج نوع تانى من المعالجة

**طارق _عبد السلام** · 28-03-2012 03:07 AM

قدر الله ماشاء فعل
دى حاجه بسيطه ياباشا
والله كان عندى بولو فبريكا وواحد رسم العربيه كلها اجناب وكبوت شخبطه بمسمار فوق ماتتوقع
صديقى اللى كنت عنده لما شاف المنظر اغمى عليه وارتفاع فى ضغط الدم وأنا كنت هتجنن وطلع عيل صغير جارهم وأبوه جاى يقول ولايهمك فداك معلشى اصلوا عيل بالله عليك بعد اللى انا حكيته لك مش فعلا اللى يشوف بلوه غيره تهون عليه بلوته