سخان كاربيراتير الفليشيا

**benmatar** · 30-04-2012 03:52 PM

المشاركة الأصلية كتبت بواسطة hassanaboali50

فى معلومة أنا كنت قرأتها فى كتالوج الفليشيا وهي إن مصنعين هذه السيارة لا ينصحون بتسخينها ودي كانت معلومة معاكسة تماما للى أنا أعرفه و إتعلمته و لكن همه فسروا الكلام ده بإنك ممكن تمشى بالعربية مباشرا بس ماتقرص فى النقلات يعنى عداد لفات دوران المحرك ما يعديش المنطقة الخضرا
والعربيه طبيعى هاتسخن مع المشى وكده يبقى إنت وفرت بنزين ووقت والكلام ده الى حد كبير يتماشى مع المنطق لأن وإنت واقف بتسخن بيكون الموتور شغال زي و إنت ماشى و الزيت داخل المحرك بياخد مسارة فى كلتا الحالتين

كلام سليم تماما

**korg** · 08-05-2012 12:23 PM

انا عندى المشكله ان السخان كل ما أدور يشتغل يعنى مثلا مشيت بالعربية و توقفت لمدة دقائق و بعدين دورت تانى تشتغل تانى و ما يفصلش إلا لما ادوس بقوة على البنزين يكون يكون RBM على 60 مثلاً علشان يفصل بس المشكله الأكبر أنه لما بيشتغل بيخلى الكهرباء عليا و العربية تصقف و لما يفصل ترجع لأصلها فا مش عارف اخلى الميكانيكى يفكه و ينضفه هو الكربراتير ولا اسيبه علشان انا زهقت من الميكانيكية كلهم

**a_hejazy** · 10-05-2012 09:53 AM

مشكلتك بسيطه قوى وممكن تعملها بنفسك
هتفك غطاء الكربراتير وهتشوف البوابه بتاعت الهواء هتحاول تحركها بأيدك الأول شويه بس متضغطش جامد عاليها وترش
wd-40 عشان تنظف السوسته وتتزيت وبعدين حرك فيها بأيدك تانى لحد متحس أنها بقت سهله الحركه
والله أعلم