شراء عربية جديدة صني .. اوبترا .. اكسنت .. الانترا

**el_nahal2004** · 21-03-2012 04:41 AM

ده شكل الصنى الى هينزل جديد ان شاء الله
وانا من راى خليك فى الاوبترا عشان هيبقى سعرها عالى

**Dr'AhmZZong** · 21-03-2012 09:03 AM

المشاركة الأصلية كتبت بواسطة Sehsss

التلات عربيات كويسين، لو عاوز اعتمادية وموتور جبار، وعفشة خدمة شاقة وتكييف قوي جدا نيسان صني بدون كلام، عاوز شكل وشياكة يبقى الأكسنت rb

المشاركة الأصلية كتبت بواسطة Sehsss

الشكل الجديد شهر 6 بإذن الله

المشاركة الأصلية كتبت بواسطة Sehsss

المعلومة الموثقة اللي عندي إنها هاتبقى تحت الـ115 ألف، كام بالتحديد، ما حدش عارف

المشاركة الأصلية كتبت بواسطة mem

نيسان صنى يا باشا وتوكل على الله
عربية اولا يابانى تكييف تلاجة عفشة تنفع مع بلادنا ومطبتنا الجميلة تستحمل مش زى
باقى العربيات عالية عن الارض مش اى مطب تحك فيه اتزان عالى جدا على السرعات تسارع ممتاز محرك جبار شكل جميل وانسيابى قطع غيار متوفره وفى نفس الوقت باسعار معقولة توكيلات نيسان منتهى الاحترام والتعاون مع العملاء واهم حاجة عندهم راحة العميل
اما الكورى شكل فقط لا غير وقطع غيارها غالية وتوكلتها مش كويسة ما فيش اهتمام وكفاء الكورى اكيد مش زى اليابانى مش كده ولا ايه

المشاركة الأصلية كتبت بواسطة NoOoOoUr

فعلا لو انت عاااااوز الموتور الكويس والعربية اللى تستحمل معاك قووووووووى والطريق رايح جاى وهنا وهناك طبعا تبقى صنى اولى اختياراتك وتتكل على الله وتجيب نيسان صنى...
:)

+1111111111111111

خد بالك optra احسن من accent بس للاسف توكيلها سيء للغاية .. بس هي عربية ممتازة

**amdd** · 21-03-2012 10:18 AM

بص الخلاصة
النيسان عربية محترمة جدا والشكل الجديد منها حكاية موتور وعفشة وتكييف وثبات وخدمة توكيل فوق الممتازه
ادخل قسم نيسان وخد جولة عن الاعطال مثلا هتلاقيها بسيطة جدا وهتلاقى مواضيع تانية كتير
انا بكلمك عن نيسان لانى معايا صنى شاريها مستعمل ومفيش حته فيها متلعبش فيها بس بسم الله ما شاء الله عربية محترمة جدا ومش بتاعة مفاجات وتستحمل الهرس اللى فى شوارعنا

**Hacker5** · 21-03-2012 12:45 PM

انا معايا النترا و ارشحلك الصنى لو عايز حاجة قوية
لكن انتا لو ركبت الالنترا و بعدين ركبت صنى هاتحس ان الصنى عربية قديمة و دة عشان فرق التكنولوجيا بين العربتين
الالنترا انعم من الصنى بكتير سواء فى الباور او فى الموتور او العفشة و القيادة عموما ممتعة جدا فى الالنترا و الالنترا واسعة عن الصنى و شكلها احدث بكتير و موفرة فى البنزين
لكن لو جيت بصيت على الاساسيات هتلاقى الصنى شاسية قضيب قطر و صاج جامد و عمر افتراضى اطول مع ان الالنترا بقالها 5 سنين فى السوق و محدش اشتكى منها و فيه عربيات ماشية اكتر من 200 الف كيلو و لسة بحالتها و خامات الصنى كويسة جدا و توكيل محترم و اوبشن كويس و صناعة يابانى
العربيتين فى اعادة البيع ممتازين و ان كانت الالنترا اسرع فى اعادة البيع شوية
قطع غيار منتشرة للسيارتين لكن الالنترا قطع غيارها ارخص و الجودة متنوعة مابين كورى اصلى و كورى تجارى و تايوانى و صينى و تايلاندى
لكن انا عن نفسى لو مكانك هاجيب النترا
شكل و موتور و تكنولوجيا حديثة و صيانتها و مشاكلها قليلة و استهلاك بنزين افضل و رخص قطع غيار
الصنى مشكلتها الوحيدة شكلها و تكنولوجيا قديمة جدا و موتور من 2005 متغيرش لكن لو بصيت على القوة هتلاقى الصنى افضل

**Abdm** · 21-03-2012 01:45 PM

المشاركة الأصلية كتبت بواسطة hacker5

انا معايا النترا و ارشحلك الصنى لو عايز حاجة قوية
لكن انتا لو ركبت الالنترا و بعدين ركبت صنى هاتحس ان الصنى عربية قديمة و دة عشان فرق التكنولوجيا بين العربتين
الالنترا انعم من الصنى بكتير سواء فى الباور او فى الموتور او العفشة و القيادة عموما ممتعة جدا فى الالنترا و الالنترا واسعة عن الصنى و شكلها احدث بكتير و موفرة فى البنزين
لكن لو جيت بصيت على الاساسيات هتلاقى الصنى شاسية قضيب قطر و صاج جامد و عمر افتراضى اطول مع ان الالنترا بقالها 5 سنين فى السوق و محدش اشتكى منها و فيه عربيات ماشية اكتر من 200 الف كيلو و لسة بحالتها و خامات الصنى كويسة جدا و توكيل محترم و اوبشن كويس و صناعة يابانى
العربيتين فى اعادة البيع ممتازين و ان كانت الالنترا اسرع فى اعادة البيع شوية
قطع غيار منتشرة للسيارتين لكن الالنترا قطع غيارها ارخص و الجودة متنوعة مابين كورى اصلى و كورى تجارى و تايوانى و صينى و تايلاندى
لكن انا عن نفسى لو مكانك هاجيب النترا
شكل و موتور و تكنولوجيا حديثة و صيانتها و مشاكلها قليلة و استهلاك بنزين افضل و رخص قطع غيار
الصنى مشكلتها الوحيدة شكلها و تكنولوجيا قديمة جدا و موتور من 2005 متغيرش لكن لو بصيت على القوة هتلاقى الصنى افضل

فى حاجة مهمة قوى ما ذكرتهاش ألا وهى فرق السعر بين النيسان صنى والآلنترا حوالى 35000 جنية وفى الآخر بردة بتشترى كورى طيب يبقى أنهى أحسن عمليا وأقتصاديا اليابانى ولا الكورى

لو مش عجباك الصنى . أرشحلك التيدا خارج أختياراتك وبردة سعرها أقل من الآلنترا بكتير

والله الموفق والمستعان

**atefadel** · 21-03-2012 02:18 PM

النتراااااااااااااا
رغم اني معايا صني

**ahmedaglan** · 21-03-2012 02:48 PM

بص يامعالي الباشا لولا تعدد الازواق لبارت السلع والموضوع كلة ارتياح نفسي مش اكتر سواء كانت اي عربية
رغم طبعا انحياز بعض الاعضاء الافاضل لنيسان
بس عايز اقول لحضرتك علي حاجة
انا عندى ف الشركة اكتر من 18 عربية نيسان صنى مش عايز اقول لحضرتك ان هما كرهيين حياتهم بسببها
وخد عندك عفشة هباب
ديقة جدا من ورا
قطع غيرها غالية جدا ومبالغ فيها
وضيف علي كدا انها تجميع محلي
وشكل التابلوة وبكر التكييف الي شبة بكر الفرن
وطبعا النتيجة ان احنا جبنا دفعة جديدة من اوبترا ونيو النترا 2012
وسيتم بيع النيسان مع طبعا كامل احترامى لكل مالكى نيسان صنى
ودى وجة نظر
وبالتوفيق يامعالي الباشا ف القرار السليم

**akkosh** · 21-03-2012 04:07 PM

طبعا احب اشكر كل الاعضاء اللي اهتموا واعطوني من وقتهم للاجابه علي استفساري ... جزاكم الله كل خير

بس انا مستغرب ان في نفس بتقول مميزات الصني ان مفهاش كذاوكذا .. وناس بتذكر نفس الحاجات كعيوب
يعني ناس تقول مبتحكش في المطبات وقطع الغيار متوفرة وسعرها معقول .. وناس تقول العكس تماما انها سيئه جدا في المطبات وقطع غيارها مبالغ في سعرها .. انا احترت بصراحه :)

انا بصراحة العيب الرئيسي بالنسبالي في اوبترا هو التوكيل ... وفي ناس شكرتلي في توكيل هيونداي بعد ما راح لغبور

فاظن كده اني محتاج اخد جوله مقارنة ما بين اسعار قطع الغيار ليهم كلهم ...