الموضوع: الاختراع - تم بحمد الله

السلام عليكم و رحمة الله و بركاته

طاب و بالشكل ده, ماحتجتش, أنك تحط زيت أكتر من اللى بتحطه كل مرة و أنت بتغير الزيت, على أساس, أن الزيت دلوقتى, اتخلقله مكان جديد بيروح فيه, يعنى لازم هينقص من الكارتيرة, لأنه هيروح للسربنتينة.

عندنا فى عربيتنا البيجو ال505 القديمة, مو 1980, الفتحة اللى بحط منها الزيت, مش مقفولة بغطا زى بقيت العربيات, لكن مقفولة بوصلة كده و لا خرطوم بيركب عليها و يقفلها, دى فايدتها ايه ؟؟؟

شكرا و للأمام دائما ان شاء الله.

المشاركة الأصلية كتبت بواسطة evo

الاويل كولر موجود في عربيات كتير من التمانينات وفي الاغلب العربية هتاخد زيت أكتر حوالي 3/4 كيلو عن الستوك

لازم تاخد بالك من اللي جي وإنت بتضيفو على موتور مش نازل بيه أساسا

1- إن متكونش فتحاته الداخلية ضيقه ( بالنسبه لموتورك )فتضعف دورة الزيت وتخلي رجوعه تاني للموتور بطيء وده هيقلل سرعة سريان الزيت في الموتور وممكن يعمل blow by وفي الاغلب الصبابات صوتها هيعلى والحرارة هتزيد مش هتقل .

2 -إن مكانه ميكونش مكانه بعيد عن الموتور بمعنى متستخدمش خراطيم طويلة علشان ماتضعفش طرومبة الزيت لأن ده حمل عليها واللي يفضل تتغير مع اضافه زي دي ويفضل تركب عداد ضغط زيت بعد التعديل ده .

3-الخراطيم لازم ولابد تكون ستينلس ستيل ودي ممكن تعملها عند القاضي في جسر السويس

شكرا على الرد
الحاجا الاولى : انا جبت سربنتينة فتحاتها مش ضيقة
الحاجة التانية : ان اللى بيدور فيها زيت هيدروليك مش زيت موتور - يعنى اللزوجة بتاعته اخف بكتير من زيت الموتور
الحاجة التالتة : ان السربنتينة الصغيرة رايح ليها الزيت قبل ما يتبرد فى الردياتير - يعنى الزيت سخن - يعنى زى المية - يعنى معدل سريانة سهل جدا و الغرض من الحكاية دى انى ادخل الزيت جوة الردياتير الرئيسى بتاع العربية و الزيت بتاع الفتيس بارد - علشان ميبقاش الردياتير بيبرد المية بتاعة الموتور السخنة و زيت الفتيس السخن
الحاجة الرابعة : كان ممكن اعمل الدورة من الفتيس على السربنتينة الصغيرة و ترجع للفتيس تانى - بس مكنتش هبقى عارف زيت الفتيس بقى بارد و لا لآ - لكن دلوقتى - اقدر اعرف لان طالما حرارة العربية كويسة - يبقى بالتاكيد الزيت اللى فى الفتيس حرارته كويسة و دورة المية حرارتها كويسة و كله باين من على مؤشر الحرارة اللى فى التابلوة ( المؤشر العادى بتاع العربية اللى جنب مؤشر البنزين )
و فى انتظار اية اسئلة
و الف شكر على الردود

المشاركة الأصلية كتبت بواسطة maserati

السلام عليكم و رحمة الله و بركاته

طاب و بالشكل ده, ماحتجتش, أنك تحط زيت أكتر من اللى بتحطه كل مرة و أنت بتغير الزيت, على أساس, أن الزيت دلوقتى, اتخلقله مكان جديد بيروح فيه, يعنى لازم هينقص من الكارتيرة, لأنه هيروح للسربنتينة.

عندنا فى عربيتنا البيجو ال505 القديمة, مو 1980, الفتحة اللى بحط منها الزيت, مش مقفولة بغطا زى بقيت العربيات, لكن مقفولة بوصلة كده و لا خرطوم بيركب عليها و يقفلها, دى فايدتها ايه ؟؟؟

شكرا و للأمام دائما ان شاء الله.

العربية بتاعتى تبريد للفتيس الاتوماتيك و ليس الفتيس العادى - لان الفتيس العادى يبريدة داخلى - لكن الفتيس الاتوماتيك يا اما تبريدة بسربنتينة مستقلة - او تبريدة بداخل الردياتير ( زى الاوبل كدة )

فعلا تم اضافة كيلو زيت باور تانى للفتيس - لانى يوم الجمعه اللى فاتت كنت فاكك الكبالن و الزيت نقص حوالى نص كيلو و انا كملت كيلو لتغطية نقص الزيت بجانب حجم السربنتينة الجديدة اللى هى حوالى من نص الى 3/4 كيلو زيت

المشاركة الأصلية كتبت بواسطة hellboy

الله ينور يا دكتور ...تسلم يدك .
-اللي فهمته ان حضرتك بتخف حمل التبريد عن الرادياتير لما بيبرد زيت الباور صح كده ولا لا؟؟
-ياسلام بقي لو تعمل للسربنتينه دي قميص عموله وعليه مروحه حتي لو صغيره تبقي لوز الجوز
هتطير الحراره من السربنتينه بسرعه وخليها شغاله دايركت من غير سويتشات ولا حاجه ,تحياتي

هههههههههههه
اولا انت فهمت الفكرة صح يا عم فادى - فعلا انا بقلل حمل حرارة الفتيس على الردياتير
ثانيا الفكرة بتاعتك صح الصح مروحة تركب بس بحاجة بسيطة اوى - انها تتوصل مع مروحة الردياتير الامامية سواء على السرعه البطيئة او السريعة - و عيش حياتك - العربية تسخن المروحة تشتغل تبرد زيت الفتيس خالص و بالتالى مثلا حمل الحرارة الباقية بتاعة الفتيس ( مثلا 25 % ) نتخلص منها كمان

متفكرنيش بالصيف
الله يرضى عليك