الموضوع: الاختراع - تم بحمد الله

الله ينور يادكتور هلالى

سعيد بالفكره وبالمناقشات

أكيد النتيجه هتكون جيده جدا بإذن الله

المشاركة الأصلية كتبت بواسطة eng\ahmed

شوية ملاحظات :

1 - انا شايف انك حاطت السربنتينة ورا الاكصدام ومن غير كارتيرة يعنى اى طين فى الشارع رايح عليها وبالتالى كل شوية لازم تغسلها واللا هتتسد
2- السرنتينة لازم تبقى فى مكان جيد التهوية او عليها مروحة تسحب من مكان درجة حرارتة قليلة وطبعا ورا الاكصدام مكان مقفول
3- ياريتك تركب pressure gauge على خط الراجع للفتيس وتشوف ضغط الزيت والعربية باردة تماما وتشوفة والعربية سخنة وليكن عند درجة حرارة 90 فى الحالتين قبل التعديل وبعد التعديل لأن وجود السربنتينة هيعمل pressure drop فى خط الراجع للفتيس

انا هتكلم على النقطتين الاولانيين
1 - انا اصلا مركب كرتيرة بس خلعها لظروف التركيب - و طبعا كان استحالة انك تلاقى شكل الكلاكس باين اصلا لو الكرتيرات مش راكبين - خلعتهم علشان التركيب و كمان علشان لو فى تسريب يبان
2- الكرتيرة من تحت مفتوحة و هو المكان المقابل للكلاكس - و ليها شفة ملوية لتحت - و بمجر ان العربية تمشى الهوا يسطها فى قفاها - و تبرد السربنتينة و يبرد الزيت جواها
3 - نمرة 3 دة قول يا باسط تلاقيها هاسط

على فكرة الفتيس عندى نفس الحكاية متركب بخراطيم متيلة و الحمد لله رب العالمين الدنيا ماشية قبل كدة
الفرق الوحيد انه فى طريقة للردياتير هيمر على السربنتينة الجديدة
ليس اكثر من هذا
و مكانها انها فى الوش طبعا هتفرق اوى و انا معاك
بس اشوف الدنيا تتزبط شوية فى الاول و اعرف انى ماشى فى الاتجاه السليم و الباقى كله سهل

مبدئيا الله ينور ياباشا
لكن رأيي المتواضع من خلال احتكاكي بموضوع تبريد الزيت
الاولى تبريد زيت المتور مش الفتيس علشان تحس بالفرق المطلوب
والحكاية دي موجودة في العربيات الخليجي بيكون فيها مشع حراري لزيت الموتور راكب امام كوندنسر التكييف في وش العربية
وانا كانت عندي تويوتا كرونا 1991 اوتوماتيك فيها الموضوع ده
في الاماكن الحارة زي دول الخليج علشان يتغلبو على موضوع الحرارة في العربيات الامريكي بتنزل العربية بريدياتير 4 صفوف وبالتالي بيشيل 4 اضعاف كمية المياه اللي بتنزل في الاوروبي
انا كان عندي عربية كابرس جننتني في الحرارة وطلع في الاخر العيب في الفتيس مش مرتاح في الغيارات
وبرضه راجع على الفتيس لان مش معقول ان عربية موديل 95 يكون كل ملاكها عندهم المشكلة دي
والله اعلم

الله ينور يا دكتور انا دخلت متأخر والموضوع جامد