الموضوع: تركيب موتور اونو اتوماتيك لفيات 127

يا باشا قطع الغيار بين التربو و العادة تقريبا واحدة اختلافات بسيطة بس عشان نظام التربو و ده برضو موجود يعنى بس انا بكلمك على حاجة متتغيرش تانى و الاونو العادة قصدك الكربرتير مش بيطلع 70 حصان ده اخرو 60 ولا 55 ده لو حلتو نضيفة الى بيطلع 70 الاونو ال 1400 الانشكشن او ال 1300 تقريبا بس يكون انجكشن يعنى برضو هتعدل فى الضفيرة

ركب موتور الاونو العادى انا ليا واحد قريبى شارى 127 من سنتين متسقطلها الموتور دوت عادى وكمان جايه جاهزه بجنوط سبور وبسعر لقطه 9000 جنيه والعربيه ناعمه جدا ماشاء الله ومظبط الكهرباء والمساعدين والموتور مالوش صوت ماشاء الله لاقوة الا بالله وعفشتها مريحه وتضرب اى عربيه لحد مبلغ 16 الف
فتوكل على الله وسقط الموتور وان شاء الله هتتبسط جدا جدا

هل يُفهم من هذه المداخلات أنه ينفع يركب موتور اونو اوتوماتيك أم لا ؟؟؟؟

المشاركة الأصلية كتبت بواسطة mahmouaddiver

السلام عليكم ورحمة الله
اريد تركيب موتور اونو اتوماتيك لفيات 127
هل هو عاملى للسياره
ماهو التعديل المطلوب
سعر الماتور 1100
سعر الماتور 1300 بالفتيس طبعا
برجاء المساعده علشان المتور فوت عندى خالص

ياباشا الى هيا هيركب عندك تمام من غير تغيرات ويريح العربيه 1100 او 1300 اونو العاده عن تجربه بس انت الاغلب هتلاقى الموجود 1100 ودا بيبقى سعره 1400 او 1300 لكن الاتوماتيك مينفعش لانك هتدفع كتير فى تغير اساس العربيه والعربيه مش هتبقى تمام معاك لانك هتلعب ف الشاسيه جامد وهيكلفك