الموضوع: ........ عيد ميلاد المنتدى الخامس........

اكيد كلنا كاعضاء رايحين عشان نتعرف باعضاء المنتدى كلهم يا محمد
لكن واحنا رايحين بنطلع وبنتحرك مع بعض كجروب .. واكيد احنا جمعنا صداقات كبيرة مع اعضاء كتير داخل القسم من كتر مقابلاتنا المستمرة .. ويعز علينا مثلا اى شخص من جروب نيسان لو مجاش نزعل .. بالاخص الاعضاء القدامى اللى شايلن القسم وبيتعبوا فيه معانا
واكيد اللى بيحس بالموضوع ده الاعضاء اللى عارفين بعض داخل القسم

لان مثلا فى اعضاء مش عارفين بيشوى ولا وليد عادل ولا عمرو ولا والد ابراهيم وتامر ومحمد فوزى .. وغيرهم .. لو فى حد مجاش منهم الاعضاء اللى فى المنتدى اللى مش عارفينهم مش حيزعلوا .. لكن الاعضاء اللى عارفينهم فى القسم حيتاثروا اكيد بعدم وجودهم ..

وفى المقابلات االعامة ..وقت ما بنتواجد فيها بنروح عشان نتعرف اكتر باعضاء من المنتدى ككل .. مش عشان نقعد مع بعض فى قسم نيسان
والا كنا عاملة مقابلة خاصة على سبيل الميثال من مقابلاتنا المستمرة

لكن زى ما بيحصل فى مقابلة فيها سفر خارج القاهرة
اللى عارفين بعض بيتجمعوا على الطريق .. عشان يمشوا مع بعض

ما بالك اللى عارفين بعض بقا .. وعشان كدا بنقول نتجمع ونتطلع مع بعض كجروب ونحمس بعض داخل القسم .. وده دورى انى اهتم بكل عضو فى القسم عندى ويكون فى روح .. ودورى ده بعمله كعضو قديم فى القسم قبل ما اكون منسق فيه وبنقل الرسالة دى لكل الاعضاء الجدد

.. فاعتقد ان كلامى مفهوش حاجة تزعل

دى فرصة اننا نشوف بعض من القسم ونشوف اعضاء اكثر فى المنتدى ككل

واخر ردى فى الاقتباس .. لو قريته كويس
حتلاقى بقول بغض النظر عن المكان وبعده او قربه .. التواجد فى المقابلات الكبيرة للمنتدى او للاقسام او حتى الخاصة الصغيرة .. بيكون ليها متعة كبيرة جداااا
والمنتدى مكانك .. ومعاك مفاتيحه كلها .. سواء بلادا او غيرها ..
وتنور فى اى قسم فيه

تحياتى