الموضوع: استشاره بخصوص تغير مكنه الفيكترا

وعليكم السلام ورحمه الله وبركاته..
طبعا الموتور الايكوتك ال2000 سي سي هو الاختيار الامثل من حيث القوه (137 حصان) ومن حيث السرعه (بيجيب 220 مرتاح قوي)- هو طبعا لو هتشتري نص امامي كامل هيبقي اوفر بكتير بس تطمن لحاله الموتور وممكن بعد كده تبيع اللي انت مش عاوزه من اجزاء النص او تسيبها سباير بارتس ..في اي حال سواء هتشتري نص امامي او موتور لوحده شغل عدادات العربيه وشوف الموتور عامل كام كيلو؟ وماتشتريش موتور من علي الارض نهائي لازم تشتريه راكب علي نص وتفكه بمعرفتك. الموتور ده سهل ممتنع بمعني انه هيديلك اللي انت عاوزه بس محتاج عنايه وتاخد بالك كويس من حرارته ودوره التبريد وحضرتك اكيد عارف ,حساساته كتيره شويه ولكن بيشترك في اجزاء كتير جدا مع موتور الدايو ليجانزا زي بليه الكاتينه المتحركه-تروس الكامات-جوان التاكيهات..وطبعا في الدايو ارخص برغم ان ال2 شركه واحده ,ربنا يوفقك ,تحياتي

حضرتك هتسقط الموتور فين في القاهره ولا طنطا؟؟
لو القاهره احسن واحد يعمل الشغل ده هو الشيخ هيثم في الحرفيين
وهتشتري الموتور من هناك في اكتر من واحد
لو في طنطا احسن واحد يسقط الموتور ده هو حسام اوبل اللي في شارع نايف
وهتشتري من واحد جنب توكيل منصور في دفره مش فاكر اسمه ايه بس ماشاء
الله عنده انصاص كتير قوي ,تقريبا اسم المحل (الحاجه)..ربنا يوفقك

انا ضد تسقيط الموتور ده
عشان لو هتجيبه
يبقى تجيب نص كامل
تاخد منه كل ما يخص الموتور
و عفشته