الموضوع: سؤال لاصحاب الشاهين عن الدبرياج و الفرامل

بص انا هجاوبك على اساس العربية اللى معايا (دوجان 95) لان احتمال يكون فيه فرق (ولكنى اعتقد انه مش هيكون كبير قوى)

عندي حبه اسئله لخبراء الشاهين :
واحد صاحبي اشتري شاهين 2004 راشه بره نضيف و مكيفه و فيها خبطه في الستاره من قدام معموله علي البارد
العربيه دي تساوي كام ؟

بخصوص التسعير انا مش عارف اسعار السوق دلوقتى كام

تقدر تدخل منتدى البيع والشراء وهتلاقى موضوع لتسعير العربيات هما هيفيدوك أكتر

خدتها جربتها منو لقيت ان
دبرياج العربيه تقييييييييييييييييييييييي يييييييييييييييييييل اوي عاوز واحد من الناس ال بايته في الجيم علشان يعرف يدوسه دا طبيعي ولا في حاجه بايظه و مممكن تتصلح ؟

هى العربية اكيد دبرياجها مش هيكون بخفة العربيات الجديدة

لان الدبرياج على واير مش على زيت زى العربيات الجديدة

بس فى نفس الوقت مش تقيل زى ما انت بتقول اطلاقا

خلى صاحبك يروح للميكانيكى يخليه يشحم واير الدبرياج أو يغيره اذا لزم الامر

و ان شاء الله الدبرياج يكون اخف بكتير عن وضعه الحالى

فرامل العربيه واطيه دا طبيعي بردو و لا محتاجه تيل ؟

هو ده فى الغالب طبيعى فى الشاهين

بس لو الفرامل واطية قوى يبقى تخلي الميكانيكى يعملك رجلاش للفرامل (وبالذات الخلفية)

ولو عايز تعليها كوضع مؤقت ، هتلاقى تحت فرامل اليد فيه صامولة 13 اربطها هتعليلك الفرامل شوية (ده رجلاش للفرامل الخلفية)

صاحبي عاوز يركبلها باور يا تري يتكلف كام ؟

هو من حيث التكلفة فتقريبا هيتكلف فى حدود 1500 جنيه

بس انا سمعت (ولا ادرى صحة الكلام ده) من العفشجى بتاعى ان اللى بيركب باور على العربية اللى مش نازلة بباور مش بيعيش كتير.

وعموما الشاهين لو عفشتها مظبوطة هيبقى الدركسيون خفيف شوية.