باركولى يا جماعة اصبحت من اصحاب الفيرنا

**abu_soheib** · 22-03-2012 02:00 PM

الف مبروك ربنا ينفعك بيها إن شاء الله

**hanyemad123** · 22-03-2012 02:28 PM

المشاركة الأصلية كتبت بواسطة corsair

مبلاش انتا يا حاج اشرف تنصحه في موضوع القيادة الامنه دي بدل ما تلاقيه بيدعي عليك ههههههههههههههه

+111111111111

**el_nahal2004** · 22-03-2012 02:59 PM

الف مبروك على العربية
وربنا يديك خيرها ويبعد عنك شرها
ومتأساش عليهها فى الاول فترة التلين
ومتزودتش عن 80 ومتحرقش على الغيار

**dolly13** · 22-03-2012 05:04 PM

المشاركة الأصلية كتبت بواسطة Ashraf_Ibrahim

اولا مبروك على العربية
ولي عودة ان شاء الله لبعض النصائح حتى تحصل على قيادة آمنة وهادئة ان شاء الله
ربنا يحميك من شرها ويديلك خيرها يا رب

ابسط يا استاذ احمد اهو اشرف افضل واحد فى هيونداى يقولك على موضوع القيادة الامنة
الى جنة الخلد يا احمد

**Dr'AhmZZong** · 22-03-2012 05:29 PM

ألف ألف ألف مبروك يا بييييه على العربية الجميلة ديه ..

ربنا يديك خيرها و يبعد عنك شرها و يحرسك من كل عين ..

تحياتي لحضرتك ,,

**Ashraf_Ibrahim** · 23-03-2012 02:34 AM

المشاركة الأصلية كتبت بواسطة corsair

مبلاش انتا يا حاج اشرف تنصحه في موضوع القيادة الامنه دي بدل ما تلاقيه بيدعي عليك ههههههههههههههه

المشاركة الأصلية كتبت بواسطة hanyemad123

+111111111111

المشاركة الأصلية كتبت بواسطة dolly13

ابسط يا استاذ احمد اهو اشرف افضل واحد فى هيونداى يقولك على موضوع القيادة الامنة
الى جنة الخلد يا احمد

يا جماعة خوفتوا الراجل مني كدة
ههههههههههههههههههههه
مش عاوزك تقلق يا حج احمد انا مش مندوب عزرائيل خالص على فكرة
ههههههههههههههههههه

بص يا عزيزي
بسم الله

اولا مبروك العربية وربنا يباركلك فيها يا رب
ثانيا احب اقول لحضرتك انك تمتلك سيارة من أشرس ما أنتجت هيونداي من محركات برغم قدم تكنولوجيا المحرك ولكن وزن السيارة مع قوة المحرك يجعل أداؤه فوق المتوقع بمراحل
احتياطات التليين:-
1- لا تتجاوز السرعة 90 كم/س مهما كان الحال
2- متحرقش على الغيار وانقل بسلاسة
3- متخليش العربية في وضع الانتظار كتير -تشغيل بدون حركة -
4- متشيلش اوزان في العربية لأول 1000 كم
5- متشغلش التكييف لأول 1000 كم -رغم عدم ذكر هذا لكن للحصول على أداء أفضل-
6-لا تتوقف بصورة مفاجئة حتى لا تزيد من عدد لفات المحرك فجائيا
7- فترة التليين المتعارف عليها 1000 كم ولكن ينصح الصانع الكوري بفترة تليين مقدارها 2000 كم

بعد ذلك احرق على الغيارات وابدأ فتح موتور عربيتك واتفرج عليها وادعيلي

ماذا عن الفيرنا؟!
هي سيارة ذات موتور 1600 سي سي ودا كتير جدا عليها
جنوط 13 ودا برده قليل
العربية دي مشكلتها في ثباتها وتوقفها
الثبات امر بسيط مع الوقت هتقدر تتعود عليه وهتعتبر نفسك مش راكب فيرنا مطلقا والفرامل امرها بسيط
مشكلة فرامل الفيرنا تنقسم لشقين الاول صغر حجم الطنابير والثاني عدم قدرة السائق على التعامل معها
مشكلة حجم الطنابير ملهاش حل -الا لو هتغير الطنابير لحجم تاني اكبر-
يبقا خلينا في الموضوع الاسهل كيفية التعامل مع الفرامل:-
الفرامل العادية لو ضغطت عليها لنهايتها بيحصل انغلاق تام والعربية تزحف منك
لذلك بنقوم بعمل ال abs بطريقة يدوية بحيث انك تضغط لأقصى درجة بس العربية متزحفش وبكدة العربية هتحصل على اقل مسافة توقف معاك بس دا بالتمرين والتدريب عشان تقدر توصل للنقطة دي
كمان العربية المانيوال تتميز بما يسمى الفرملة الاوتوماتيكية للمحرك الناتجة عن الفجوة التي تتكون داخل المحرك -بغض النظر مش هنشرح - لكن اللي اقدر اقولهولك ان تسقيط نقلات عكسية مع الرفع المفاجيء لرجلك من على الدبرياج بيقلل من سرعة العربية جامد جدا

ابعاد العربية سهل جدا انك تتعود عليها

بكدة اكون اديتك العلم اللي تقدر تبدأ بيه حياتك مع الفيرنا :d
نتمنى لكم قيادة حكيمة وهادءة لأول 10000 كم لحين التعود الكامل على السيارة ومن ثم انطلق كيفما تشاء وتريد :b4_282:

**_hema** · 24-03-2012 04:04 PM

المشاركة الأصلية كتبت بواسطة ahmedxy

السلام عليكم اخوانى الكرام
الحمد لله وبعد طول انتظار ربنا كرمنى واشتريت فيرنا كاملة 2012 مستفيد من عرض غبور واشتريت ب 67000 وقد استفدت من المنتدى كثيرا وعلى فكرة دى اول عربية لى وانا لست من هواة السرعة فافيدونى بنصائحكم و شوية تظبيطات كدة وقد لاحظت ان الكاوتش تركى مش مصرى فهل دة احسن من المصرى

الف مليووووون مبروووووك

ربنا يحفظهالك ويحفظك منها يارب

وخلى بالك اثناء السير فى الــ 1000 الاولى ان السرعه ماتزيتش عن 90 كم
والـ أربى ام ميعديش3

ودون ملاحظتك على العربيه فى خلال هذه الفتره عشان لو حضرتك اكتشفت اى عيب تبلغوا فى الصيانه

والف مبرووك مره تانيه

لك كل الود