طبعا ياجماعه كنتوا شفتم مداخلاتي الاخيره عن كسوة الطاره اللي بتتخيط و لما ركبتها لقيت الملمس هو هو و برضه ناشفه و حبيت ارجع تاني للكسوه العاديه اللي بتبقى مفتوحه ام 20 جنيه عشان ضخامتها المهم رحت جايب كتر و نويت اشيلها قبل ما امشي لولا اني لقيت نفسي متأخر قلت ياواد استحمل و سوقها كده المهم ان طارة ال VTI بتختلف عن LXI في انها مبططه نسبيا (غير كامله الاستداره) وده اللي كان بيوجع ايدي فقلت ياواد ما تحاول تملكها بطريقه تانيه زي ما زميلنا مصطفى كامل ما قال قمت ماسكها بأيدي الاتنين من فوق و مريح رست ايدي لتحت سنه عشان ايدي تييجي في الجزء المستوي بتاعها و طبعا ضهري بقى راجع لورا بأمانه حسيت اني بسوق العربيه للمره الاولى لما وضعية القياده اختلفت فعلا احساس سواقة طياره موضوعا مش شكلا بس بسبب العدادات زي ماكنت فاكر وانه كله كلام في الهجايس لزوم الدعايه و اول ما باجري بيبقى فيه شعور جميل ممتزج بالرهبه (great drive feeling) على رأي اخونا الحاج فورملاتور و افتكرت كلام صاحبي ركيب الهوندا لما قعد في عربيتي و ماعجبوش ارتفاع الكرسي و كسوة الطاره و ارتفاعها و قعد يقول ان المفروض الكرسي يبقى واطي و تمسك الطاره بطرف ايدك الى خره و انا كنت منفضله و طبعا هوندا عشان توصلك الاحساس ده موطيه العربيه مع شكل البرابريز مع عدادات رقميه و وضعيه قياده وموتور قوي و معلش ياجماعه الجهل وحش عشان اول مره اركب هوندا و مستعد اروح للريس هوندا الكبير ابوس راسه بس في التهايه الواحد معذور لقلة عدد مالكي الجيل ده اللي متعودين على الهوندا من زمان باستسناء استاذ هيثم و على فكره كده الطاره مش محتاجه كسوه من الاصل مش عارف بصراحه احساس ال LXI ايه

في النهايه عرفت ليه اللي بيركب هوندا بيدمنها ليه احنا كده بنتكلم في حاجات ممكن مش موجوده اصلا في عربيات كتير

واهم رساله احب ابعتها لزمايلي احذروا اية تعديلات في عفشة العربيه عشان تعلوها انا اسف في الكلمه ده كلام فارغ عشان احساس العربيه ممكن يختلف بالكامل و العربيه هتبقى كفته سيفيك مش هوندا سيفيك فالموضوع مش حكاية ثبات هيتأثر ولا لأ و كنت مره قريت مشاركه لزميل جاب الالنترا 2012 و باعها بعد شهر ولما اتسأل عمل كده ليه قال لما بجري العربيه ثابته بس برضه حاسس بحاجه مش مظبوطه