مشاركة لبعض اسعار قطع غيار لادا سمارة

**ahmedshehata45** · 22-02-2015 10:21 PM

المشاركة الأصلية كتبت بواسطة ahmedammar

انا اشتريت طقم دبرياج كامل اسطوانة ودسك وبلية مارك لوك من المركز الروسي ب٤٣٠جنية هوة قالي انة الماني هو مختوم بكلمة لوك بس عايز اعرف ازاى اعرف ان الماني

الف شكر على المعلومة

**ahmedshehata45** · 22-02-2015 10:22 PM

المشاركة الأصلية كتبت بواسطة metcha1817

اشتريت شوية حاجات كده جوز كبالن 150 جنيه و 2 رولمان بلى 120 جنيه و عوامه للبليه اليمين 120 جنيه
وطقم تيل فرامل 60 جنيه

الف شكر على المعلومات

**raouffawzy** · 23-02-2015 03:10 PM

المشاركة الأصلية كتبت بواسطة عمرو عقبه

ياريت حد يفيدني.. عاوز البربيز الامامي تربليكس ماركة امان مش جريش..
حد مركبه بكام ومن فين

انا لسه مركب جريش
ممكن اعرف عيوبه ايه ؟ و ايه الميزة في ماركة امان عن جريش

**tat_ooo** · 23-02-2015 03:38 PM

اللي اشترا الكبالن كبالن داخلي وخارجي وﻻ ايه
وشكرا

**ahmedshehata45** · 26-02-2015 11:05 AM

المشاركة الأصلية كتبت بواسطة tat_ooo

اللي اشترا الكبالن كبالن داخلي وخارجي وﻻ ايه
وشكرا

منقول من الاخ عمرو عقبة
كبالن خارجيه الزوج ٣٠٠ روسي.. صيني الزوج ١٥٠
كبالن داخليه الزوج ٣٥٠روسي او ٣٨٥ مش فاكر بالظبط
زوج قلب مساعد امامي ٣٥٠
مساعد امامي كامل ٣٠٠
مساعد خلفي ١٩٠
كله روسي ماركه فينوكس من البلغاري في السيوف الاسكندريه خلف مكتب بريد السيوف
تركيب المساعد الواحد ب ٢٠ ج
بيض مقصات الواحده ٥٠

**ahmedshehata45** · 28-02-2015 11:14 AM

صباح الخير على الجميع

**عمرو عقبه** · 28-02-2015 09:35 PM

صباح الفل يابوشحاته ..
الاستاذ رؤوف .. بيقولوا ان جريش مع الوقت الرؤيه الليله من خلاله بتكون وحشه بتلاقي نور العربيات المقابله عانل اشعه ورتوش علي زجاج عربيتك وبالتالي ماتعرفش تشوف كويس بالليل خصوصا لو الل مقابلك ما قلبلكش نور..
برده قلنا اخباره ايه معاك حاليا وسعره لو سمحت..
الاستاذ تاتو.. tato
الكبالن دي اكيد صيني .. الزوج ب ١٥٠ وشنوري مركب الصيني ده وبيقول شغاااال كويس.. وانا بشتري كمان الراجل قاليدالصيني حلوه خدها.. عملت ابن ناس واخدت الروسي..
ياريت تشاركونا ع جروب لادا سمارا ع الفيس.. اسمه كده.. لادا سمارا

**عمرو عقبه** · 28-02-2015 09:37 PM

انا سالت ع سعر سلك الدبرياش محدش رد..
هضيف سؤال كمان..
سلك واير فرامل اليد علي بعضه.. الواير والجراب بتاعه .. بكااااام ومن فين وبالزوج للعحلتين ولا ممكن واحد بس ولو بتاع عربيه تانيه يركب عادي ولا لازم سمارا

**عماد احمد** · 01-03-2015 12:49 AM

صباح الخيرات شباب اللادا السمارة
الحقيقة من كلامكم الجميل عن السيارة دة فكرت في انى اشتريها وعرفت ان حاجتها متوفرة فى السوق فى محلات اللادا وملاحظ ان سعر السيارة مناسب للدخول المحدودة وكمان مصاريف تشغيلها معقولة قوى,
قلت اتفرج على السيارة على الطبيعة واحاول اجربها وهنا الحاجة الغريبة فبرغم اني سقت قبل كدة فيات 124 وريتمو والفا روميو وأخيرا من عدة شهور كيا بيكانتو كانت مع ابنى لكن لقيت سواقة السمارة مش سهلة مافيش تحكم جيد فى الدركسيون والفتيس حاسس انه حاجة غريبة هل ده كان عيب فى السيارة اللى جربت فيها خاصة حالتها تعبانة , ولا اللادا السمارة كدة مختلفة شوية عن باقى السيارات.
ارجو التكرم التوضيح واكون شاكر جدا لكم