الموضوع: مصر ريحة فى سكت النهاية مهزلة بجد مهزلة

المشاركة الأصلية كتبت بواسطة ahsd2000

يا اخي حمدالله على السلامه ..... انا كنت داخل على اشاره وعايز اخش يمين ((بدون الوقوف في الاشاره لانه مسموح)) فبدي كلكس لتاكسي واقف قدامي وهو زي الللوح مش راضي يتحرك .... طلعت منه بالراحه ولسه هطلع لقيته كسر قدامي وبيوقف ((غلاسه يعني )) ....... بيني وبينك كان هاين عليا انزل اشتمه واللي يحصل يحصل بس كانت مراتي وابني معايا ومن ساعتها وانا متضايق وبسئل نفسي ايه اللي يخلي حد يغلس بالطريقه القذره دي ؟؟ ولما شفت حكايتك استهيفت نفسي ...... فعلا اللي يشوف مصيبه غيره تهون عليه مصيبته .

بص فى غياب سيادة القانون يأتى قانون الكثرة والقوة وللاسف ربنا يستر على الناس انا بين وبينك بحاول اغور من البلد دى خلاص بس طيب لو كل حد كويس هيسيب البلد طيب بلدنيا هيبقى فيها اة للاسف الواحد متحير ومنشق على نفسة ما بين اخلاق وعادات وتقاليد وثقافة وما بين احساسة بالقمع والظلم والمهانة وفى النهاية ربنا نعم علينا بنعمة النسيان

المشاركة الأصلية كتبت بواسطة donzi

لا حول ولا قوة الا بالله

والله ما عارفة اعلق و لا اقول ايه

قول ربنا يهدى الجميع

مبدئياً حمد لله على سلامتك يا غالي و الحمد لله إن ربنا قدرلك إنك تطلع منها على خير و تحكيها كمان، أنا حاسس باللي إنت حاسس بيه و الله لأني بفكر بنفس طريقتك لما بتعرض لمضايقات على الطريق من العالم الرخمة اللي ملهاش غير في أذية خلق الله، طبعاً الحق مش بيضيع لأن الحق عند من لا يضيع الحق و حسبك الله فهو نعم المولى و نعم النصير و دايما فكر في إن اللي حصل دة أكيد كان أخف بكتير من إن عربيتك تتسرق أو إن لا قدر الله كان يحصلك إيذاء بدني جسيم، إنت دلوقتي حاسس بإيذاء نفسي و أنا عارف شعورك و الله بس الحمد لله إن النفوس بتشفى أسرع من الأبدان،

أنا في الأول كان رأي من رأي الشباب إنك تنتقم بس للأسف الموضوع هيكون في خطورة عليك و على أهل بيتك، و طالما مقدرتش تاخد حقك بالقانون يبقى فوض أمرك لله و أشكره يمكن بالإبتلاء دة منع عنك إبتلاء أكبر و أكيد له سبحانه و تعالى حكمة لا يعلمها إلا هو، فأحمد ربنا كتير و اشكره على نعمته و لكل الناس المحبطين - اللي أنا اولهم - الراجل حبيبنا دة اتعرض لموقف من 5 همج لكن كان فيه واحد شهم وقف يدافع عنه و في هنا 100 شهم تاني دمه غلي و قرر ينزل يروح ينتقم من العيال دي و هو لا شاف صاحبنا و لا يعرفه يعني من الأخر مهما كان في مجرمين هيكمون في رجالة جدعان و دة الصراع الأزلي بين الخير و الشر اللي موجود بالمناسبة في كل الدنيا بس إحنا للأسف شوفناه بعنينا دلوقتي أكتر، كلمة أخيرة يا ريت تطلع تغير جو مع ناس بتحبهم و تحاول تنسى شوية و بإذن الله هتعدي و ربنا هينتقملك منهم و يشفيلك غليلك.