الموضوع: نتيجه الشد والسرعه

مافيش حد حاسس ان الشد حاجة حلوة..
يعني الشد والجري ده زي شرب السجائر.. اللي بيشربها عارف انها زفت وقطران.. وعارف ان مالهاش لازمة.. لكن صعب جدا تبطلها..
أنا كا مثال.. مش حتفاخر اني كنت باشد بعربية أساسا مافيهاش فرامل وبرضه مافيش تفاهم.. وبعتبر ده بكل بساطة غباء مني..

وبرضه مش حاقول اني باجري زي الأهبل في أي حتة وأي مكان.. يعني مثلا باجري ع الدولي.. وانا رايح الساحل الشمالي.. طريق البحر.. طريق المطار.. أبو قير يوم الجمعة الصبح.. كدة.

وأكيد أكيد مش حاقول ان دي حاجة صح بأي حال من الأحوال.. وأنا الحمد لله علمت 2 السواقة وأول ما علمتهلهم ان السرعة غلط.. والاتنين بيستغربو انهم هم اتعلمو كدة وأنا اللي بجري هههههههه..

أما المشكلة وما فيها تكمن ف أخويا لأنه علمني السواقة 1- بعربية جولف 1800 يعني الشد علي اصوله 2- اتعلمت ع البحر يعني يا تجري يا تداس..

طبعا حتي الآن عندي محاولات اني أبطل السواقة آخرها اني مش حاجيب عربية غير كمان 3 شهور كدة + اني فقط باسوق عربية أخويا وده مخليني محافظ عليها لأقصي درجة.. وربنا يهدينا أجمعين ان شاء الله.

بس برضه فيه أوقات أساسا ماينفعش تعمل أي حاجة غير انك تغرز مثلا أو تقطم.. يعني مثلا واحد قدامي فرمل ببي ام وانا لا حسر ليا بلانوس حاجة من اتنين.. يا أفرمل وراه وحاشيله الاكصدام ورا (ونص عربيتي اللي قدام طبعا).. يا اقطمه هو بالعربية اللي جنبه..

يعني برضه فيه بعض الأحيان نتيجة فرق قدرات العربيات بتضطر تعمل حركة من دول لأن واحد لا مؤاخذة راكب عربية فيها abs و ebd مش متخيل ان اللي راكب حتة حديدة وراه مش حايعرف يفرمل زيه..

المشاركة الأصلية كتبت بواسطة astra200

خلي بالك ان الدائري معمول غلط -- كان لازم يتعملوا طرق خدمة يمين وشمال -- ووصلات توصل بين الاتجاهين-- و أنفاق لعبور المشاه -- خاصة انه شق مناطق عشوائية وقسمها نصين بدون حساب لأهالي المنطقة -- الطريق عليه مناطق سكنية يمين وشمال -- المفروض الناس تتحرك ازاي ؟ بيضطروا يعدوا و نصيبهم علي الله

وحياتك ع البحر عندنا نفق عبور مشاه كل أقل من كيلو والناس برضه بتعدي ف وسط عربيات ماشية بسرعة من 80 ل 100 كيلو!!
الشعب المصري كدة محب للمغامرة

انا مع الاخ هوجان تماما وبعدين بيقولك ده كان واقف جنب عربيته يعنى غالبا عطلان وانا ضد السرعه على الطرق المصريه لانه لا الطريق ولا سلوكيات الناس ولا حتى الصيانه الصح للسيارات لها وجود فى مصر وانا باشوف ناس كتير بتتباهى انها بتجيب سرعه 200 وعامله شاطره يعنى لو اى شئ مفاجئ مثل مطب او كاوتش انفجر او حجر او سواق غبى او جاهل تبقى حادثه موت الرجا عشان خاطر ربنا عدم تشجيع بعض او التباهى بالسرعات العاليه وربنا يستر ها معاكم ومع اولادنا ويحميكم ويحميهم .....قولوا امين