استفسار سيات قرطبه 2008 هام جدا

**dreamonline** · 24-03-2012 04:00 PM

المشاركة الأصلية كتبت بواسطة syd

بص حضرتك
الصيانات فيها حاجات في غاية الأهمية
وفيها حاجات ممكن تتعمل واحدة واحدة

انا هقول لحضرتك الحاجات ذات الأهمية القصوي والحاجات زي الأهمية الأقل الي مع الكشف لو طلعت كويسة يبقي تستني شوية

1- الصيانات الضرورية المستعجلة
زيت المحرك
فلتر زيت المحرك
بلية الشداد
سير الكاتينة
زيت وفلتر زيت الفتيس لو اوتوماتيك

2- الصيانات ذات الأهمية الأقل وممكن تعمل كل شهر حاجة
زيت الفرامل
زيت الباور
زيت الفتيس لو مانيوال
مياة التبريد
سير الأدارة
البوجيهات
سلك البوجيهات
فلتر الغبار
فلتر الهواء
فلتر البنزين
ضبط الزوايا والترصيص

انا كمان ماعملتش السيرفيس دة مرة واحدة
عملته في حدود 4 شهور كنت مغير كل حاجة والحمد لله

ميزة السيات ان قطع غيارها وسيرفيسها بيتعمل علي مدد طويلة يعني ممكن فعلا تعمل كل شهر حاجة
وبعد كل دة بدأت اشوف العيوب التانية زي العفشة والزجاج الكهرباء والتكييف

ماتقلقش من حاجة

انا لحد دلوقتي ماشي بقالي سنة علي الفرامل وهي تقريبا منتهية تماما

قطع غيار الألماني بتعيش اكتر مما تتخيل

ابدأ انت من المهم فالأقل اهمية لحد لما تلاقي الحاجات دي خلصت وانت مش حاسس بيها

وربنا يوفقك إن شاء الله

بس خلي بالك بردو ان الطنابير لو وحشة هتاكل التيل وتبوظه

والله المستعان
،
،

ربنا يخليك انت كده طمنتني بس بردو مش رديت عليا في موضوع الراجل محمد الزعيم ده كويس ولا اروح لمين

**SYD** · 24-03-2012 04:56 PM

المشاركة الأصلية كتبت بواسطة dreamonline

ربنا يخليك انت كده طمنتني بس بردو مش رديت عليا في موضوع الراجل محمد الزعيم ده كويس ولا اروح لمين

الصراحة انا معرفش محمد الزعيم
باختصار لأنه بعيد عني جدا
انا بتعامل مع واحد في الهرم كويس ومريحني وشغال في التوكيل

والله المستعان
،
،

**SYD** · 24-03-2012 07:34 PM

المشاركة الأصلية كتبت بواسطة dreamonline

ماشي ياباشا تعبتك معايا معلش

يا باشا مفيش تعب ولاحاجة
انا عينيا ليك
ولو في اي استفسار انا تحت امرك

والله المستعان
،
،

**ehab_mansour** · 25-03-2012 09:08 AM

المشاركة الأصلية كتبت بواسطة dreamonline

شكرا ليك ياستاذ ايهاب وانا متابعك هنا في المنتدي من فتره واسمع عنك كتير سمع خير والله
بالنسبه للصيانه دي والتغيرات دي تكلفتها كلها تعمل كام مع الفرامل وبالنسبه للترصيص والزوايا دي مقدور عليها في اي وقت ان شاء الله هعملو لكن التغيرات والسيرفس يتكلف كام لان انا بصراحه حطيط اللي ورايا واللي قدامي في العربيه دي ومجنط خالص ههههههههههههههههه
وشكرا ليك جدا جدا

ربنا يكرمك و يباركلك أخي الفاضل
شوف لو مجنط شوية اليومين دول يبقي تعمل زيي بالضبط
1- خلاص انت غيرت زيت و فلتر و مش محتاج لده حاليا
2- حل المشكلة الواضحة معاك حاليا و هي ترصيص و ضبط زوايا
3- أكشف علي كل سوائل العربية و تابعها و تأكد ان مافيهاش مشكلة ولو عرفت من صاحبها القديم هو أخر صيانات كان عاملها امتي يبقي زي الفل
4- غير تيل فرامل أمامي عشان مشكلة الفرامل تتحل
5- راجع علي وصلات البطارية و أرضي العربية جيدا عشان تحل مشكلة الفصل اللي تحصل معاك
أظن الحاجات دي مش هتكلفك حاجه يعني لن تتعدي 300 الي 400 جنيه بالكتير قوي تمام كده
وانت عرفت ايه السيرفيس اللي انت محتاجه في اول ما يجيلك فلوس ابقي ظبطه و بس

اهم شيء بعد كده تبقي تغير سيور و فلاتر و لو زيت الفتيس الأوتوماتيك لو محتاج يتغير غيره و بس

انا عملت كده مع عربيتي و ربنا يباركلك فيها و يحفظهالك

**ehab_mansour** · 26-03-2012 09:26 PM

المشاركة الأصلية كتبت بواسطة dreamonline

انا انهارده حليت اول مشكله والحمد لله وهي روحت عملت ترصيص في شركه بيرديجسون
والحمد لله الموضوع ده اتظبط وخلاص
هو قالي الفرده هتترصص ب 10 يبقي كلو 40 وهو بيرصص لاقينا في فرده فيها مسمار راشق فيها جه يشيلو لاقه الكوتش اتخرم قالي هتتلحم ب 20 جنيه علشان الحام اللي عندنا الماني مش زي اي لحام قولتلو ماشي ياعم هي المصايب بتيجي مع بعضها :d
المهم خلصت قولتلو انا عضر في منتدي نايل موتورز قالي يبقي ليك خصم ورحب بيا جدا واخد في الاخر 40 جنيه عمل خصم 20 جنيه ع الترصيص و20 لحام الفرده
ودي التجربه انهارده مع الترصيص
بس في حاجه لما فك العجله اللي مخرومه لاقي في مياه في الكوتش من جوه قالي اللي انت عامل عندو النيتروجين وحش
وشكرا ليكو بجد ع الافاده اللي انتو افدتوهالي يارجاله
ااااااه نسيت صحيح في واحد هناك لما فكيت العجل الراجل نداه علشان يبص ع الفرامل جه بص قالي لا التيل عالي اهو مش عاوز يتغير قولتو طيب من ايه قالي بعد لما تخلص نبقي نجرب سوا ونظبطها بس بعد لما خلصت الراجل بتاع الشركه قالي سيبك منو روح لواحد تبعك احسن وسبتو فعلا ومشيت تفتكرو بقي مشكله الفرامل دي من ايه
وانا شوفت التيل فعلا عالي عن الطنابير ومش متاكل خالص مش عارف بقي ايه المشكله

الحمد لله
علي فكرة بريدجستون محترمين جدا و هما فعلا ليهم تعاقد مع المنتدي و أعضاءه و بعدين انت تدفع كتير عندهم و تاخد شغل صح احسن ما تدفع قليل في اي مكان و ترجع تعيده تاني

بخصوص التيل و الفرامل فهو عادي انه يكون عالي و بيصفر و مش حلو و السبب انه تيل مش أصلي و مضروب و ممكن يأثر علي الطنابير لو كملت بيه لأن الخامة بتاعته مبتكنش صفيه و بيكون فيها شائب بتعمل تأكل و خطوط دائرية في الطنابير و الرايش ده هو اللي بيتسمع صوت تصفيره

عايز تكمل بالتيل ده لحد ما ينتهي كمل و لكن فيه عندك احتمال تبوظ الطنابير و فيه احتمال لأ
ولو الفرامل ضعيفة قوي ممكن يكون محتاجه تغيير سائل فرامل او محتاجه ضبط او فيها هواء في الدورة لو حاسس انها فعلا محتاجه كشف روح اكشف عليها و ريح نفسك عشان تتطمن صح و تتأكد انها تمام ولو كده ممكن تشتري عبوة سائل فرامل أصلي من أشرف الشهابي و تغيره أحسن لأنها مش غالية أعتقد 50 جنيه

و بالتوفيق ان شاء الله

**ehab_mansour** · 26-03-2012 10:12 PM

المشاركة الأصلية كتبت بواسطة dreamonline

هما فعلا محترمين جدا وشغلهم نضيف جدا
وبالنسبه للفرامل انا حاسس انها ضعيفه جدا لدرجه اني علشان اكون ماشي وعربيه وقفت قدامي فجاه لازم اكبس فرامل ع الاخر وبيكون الفرق بقي حاجه بسيطه اللي هو خلاص انا هخبط اللي قدامي

لا كده لازم تكشف عليها و تظبطها مهما كانت محتاجه ايه لأن عوامل الأمان مافيهاش هزار ده افضل شيء في العربيات دي هي عوامل الأمان اللي دايما بتخيليني وانا سايق مطمئن مهما حدث إلا لو قدر الله شيء أخر
شوف بقي محتاجه
سائل فرامل ولا تاخدلها هواء
ولا محتاجه تغيير سيرفو ولا بساتم للعجل يعني شوف حد محترم و ظبطها صح أنه مينفعش السكوت عليها
وربنا يوفقك

الموضوع: استفسار سيات قرطبه 2008 هام جدا

LinkBack

أدوات الموضوع

عرض

-

-

-

-

-

المواضيع المتشابهه

سيات قرطبه ولا توليدو

الى خبراء سيات قرطبه

هام ....سيات قرطبه

سيات قرطبه 1996 1400سىسى

سيات قرطبه خليجى مانيوال

الكلمات الدلالية لهذا الموضوع

المفضلات

المفضلات

ضوابط المشاركة