الموضوع: استفسار سيات قرطبه 2008 هام جدا

المشاركة الأصلية كتبت بواسطة syd

بصراحة انا عمري ما روحت التوكيل
والحق يتقال "في ناس بتشكر جدا في التوكيل ومش بيشتكوا من الأسعار"
لكن الأكيد ان برة ارخص
وطالما العربية خلصت الضمان يبقي مفيش ما يمنع من اني اعملها برة

الكلام الي انا كاتبه بصراحة هيكلفك
مش اقل من 2000 جنيه (الفرامل بس يمكن تدخلك في 800 جنيه قدام بس - مش ورا كمان)
يعني لو قولنا
زيوت
زيت موتور 250
زيت فتيس عادي 80
زيت فتيس اوتوماتيك 180
زيت فرامل 16
زيت باور 55

فلاتر
زيت (متوسط 50)
هواء (متوسط 40)
غبار 80
فلتر زيت فتيس اوتوماتيك (متوسط 50)

سيور
كاتينة 8 صباب 75
كاتينة 16 صباب 200
ادارة 75

بوجيهات 3 شمعة متوسط 85 وممكن توصل ل250 حسب الكود
سلك بوجيهات 250 متوسط (اخويا اشتراه ب900 جنيه في عربيته اوبل فيكترا)

مياة الردياتير متوسط 60 جنيه

الفرامل
طنابير متوسط 350 - 500
تيل 180 - 250

احسبها انت وشوف الأجمالي كام والأرقام معظمها متوسطات لأني بصراحة معرفش اسعار قطع غيار الكوردوبا وكمان 2008
انا عربيتي ابيزا 99
انتظر المهندس ايهاب يقول لحضرتك الأسعار التقريبية لأنه معاه كوردوبا زي حضرتك

والله المستعان
،
،

هههههههههههه يانهار ابيض مش اقل من 2000 جنيه
انا كده هستني كتير بقي
طيب احنا ممكن نستغني عن حبه حاجات دلوقتي
يعني انا ممكن اوصل للراجل واعرف ايه الحاجات اللي عملها صيانه اخر مره
لان البوجيهات متهايقلي مش فيها حاجه والطنابير سليمه بردو يعني الفرامل بس هي اللي هتتظبط بس ايه الحاجات الضروريه اللي لازم اغيرها في اسرع وقت ؟ وانا لسه مغير زيت العربيه من شهر
وانا الكوتش لسه مركب اربع فرد جداد من شهر بردو من عند عمرو الجميل اللي في عابدين

المشاركة الأصلية كتبت بواسطة syd

بص حضرتك
الصيانات فيها حاجات في غاية الأهمية
وفيها حاجات ممكن تتعمل واحدة واحدة

انا هقول لحضرتك الحاجات ذات الأهمية القصوي والحاجات زي الأهمية الأقل الي مع الكشف لو طلعت كويسة يبقي تستني شوية

1- الصيانات الضرورية المستعجلة
زيت المحرك
فلتر زيت المحرك
بلية الشداد
سير الكاتينة
زيت وفلتر زيت الفتيس لو اوتوماتيك

2- الصيانات ذات الأهمية الأقل وممكن تعمل كل شهر حاجة
زيت الفرامل
زيت الباور
زيت الفتيس لو مانيوال
مياة التبريد
سير الأدارة
البوجيهات
سلك البوجيهات
فلتر الغبار
فلتر الهواء
فلتر البنزين
ضبط الزوايا والترصيص

انا كمان ماعملتش السيرفيس دة مرة واحدة
عملته في حدود 4 شهور كنت مغير كل حاجة والحمد لله

ميزة السيات ان قطع غيارها وسيرفيسها بيتعمل علي مدد طويلة يعني ممكن فعلا تعمل كل شهر حاجة
وبعد كل دة بدأت اشوف العيوب التانية زي العفشة والزجاج الكهرباء والتكييف

ماتقلقش من حاجة

انا لحد دلوقتي ماشي بقالي سنة علي الفرامل وهي تقريبا منتهية تماما

قطع غيار الألماني بتعيش اكتر مما تتخيل

ابدأ انت من المهم فالأقل اهمية لحد لما تلاقي الحاجات دي خلصت وانت مش حاسس بيها

وربنا يوفقك إن شاء الله

بس خلي بالك بردو ان الطنابير لو وحشة هتاكل التيل وتبوظه

والله المستعان
،
،

ربنا يخليك انت كده طمنتني بس بردو مش رديت عليا في موضوع الراجل محمد الزعيم ده كويس ولا اروح لمين