يعني الناس الغريبه تخنق الاستاذ حسام واحنا لا دا حتي تبقي عيبه
عرض للطباعة
ههههههههههههههههههههههههه ههههههههههههه
بصراحه جامده موووووووت
تصدق انا كنت عايز اعمل اعلان عن محاسب للمصنع بس بعد اللي سمعته ده مضطر اني اطلب منك رقم تليفونك احطه في الاعلان
لسببين
الاول انت خبره كبيره دلوقتي
الثاني تكتب موضوع تاني زي ده
جامده
يا لهوى ..... الطم ... ولا اصوت ....
واحد انهاردة طلب يدخل التواليت قبل المقابله .... فوصفتله مكان الحمام ....
الواد تقريبا كان ضارب حاجه ... لا حاجتين تلاته اربعه كمان ... و باب التواليت عندنا فى الشركه جنب باب صاحب الشركه ... تخيلوا عمل ايه؟؟ .... فك الحزام و فتح السوسته و دخل على صاحب الشركه فاكره الحمام ...
ههههههههههههه أضحك الله سنك ...
هههههههههه
مقدر شعورك تمااااااما لاني مريت بنفس الموقف
و مع ان مكتوب في الاعلان بتاعنا ترسل السيره الذاتيه بالفاكس لكن تلفوني مبطلش رن لمده 5 ايام
لدرجه اننا غيرنا 2 تونر للفاكس في المدة دي
و سمعت و دخلت في حوارات لا حصر لها
علي سبيل المثال واحد اتصل اكتر من 3 مرات يتطمن ان الفاكس وصل
ههههههههههههههههههههه
والله ضحكتني وانا قرفان
خد بالك من كوتوموتو
حبيبي واللهي يا حسام ... بجد أنتا موهوب في سردك لأحداث القصة ... ولأني مريت فيها قبل كده ففطست على نفسي من الدحك ... والي يدحك أكتر أني مدير مالي ... ولمن أتلسعة أول مرة من حكاية الاعلنات دي فبقيت لمن أعمل أعلان أحط نمرة أي موظف من موظفين الشركة هههههههههههههه ... لأني مش عاوز أشغل تلفوناتي او تيلفونات الشركة ، لغايت ماموظفين الشركة فهمو الفولة ... فبقى كلهم يعتذرو ، لأن صباح المحششين عيال محتاجة تتضرب بالجزم ومش بتوع شغل ... ومش عارفين يقولوا ايه ولا يعملو أيه ... أعلان مثلاً مطلوب عمال ... ألخ ، تبص الواحد قبل مايعرف طبيعة الوظيفة عاوز يعرف احنا هندفع كام ؟ والمرتبات حلوة ولا لأ ... واحد أول ما أتكلم ألوو أنتو عاملين أعلان ... فقلتلو ايوة .. قال طيب قدر أعرف المرتب كام ؟؟؟ قلتلو غريبة مسئلتنيش ايه طبيعة الوظيفة وبتسئل عن المرتب ؟ قالي : لا ما انا هسئل بس بعدين ... قلتلوو أفرض قلتلك هديك مليون جنية ... بس تسلكلي البلعات الي في الشارع بلاعة بلاعة هتقبل ... ههههههههه
وأكتر حاجة كانت بتحزني يا أخي الولية الي بتتصل علشان تشوف شغل لأبنها الكسلان ... وتقعد تحكيلك ظروفهم بالتفصيل الممل من أول ما أتعرفت على أبو محمود لغاية ماجابت محمود أبنها الي نايم جوه ومبيشتغلش ههههههههههههههه ...وبعد ما تشغل محمود رأفت في ظروف ولدتو ... هو اليوم الي يشتغلوو وتاني يوم فين محمود ، محمود مجاش وتتصل على أم محمود أبنك مجاش ياحجة معلش أصلوو تعبان وعيان من أمبارح ياكبد أمووو ... وراقد في الفرشة ... لا لا ألف سلامة عليها ويجي محمود أأأأأأأخر الشهر بعد مايفوق من عياه ومرقعتو جي يقبض مرتبوو ويقدم أستقالتو هههههههههههههههههه .
عاوز ياخود أجرة اليوم الي جه فيه عمل استمارة واحد ... ويادوبك عرفناه على زميلو ... من كم يوم قاعد مع مفتش الضرايب ... وقاعد بيبص على الحسبات ويراجعهم ... لقى عندنا بالضبط 550 موظف أشي أشتغل يوم وأشي أشتغل يومين وأشي أسبوع وأشي تلات تيام على مدار السنة المالية ... وسئلني سؤال يغيظ انتا بتطفشو الموظفين ليه ... قلتلو يابيه مش لمن يبقووو موظفين الاول ... يعني أنا أعملهم أيه أروح الصبح كل يوم أعدي عليهم أصحيهم من النوم وأجبهم معايا الشغل وأجي ... قالي طيب بتدفعلهم مرتبات يوميات لية ؟؟؟ قلتلو لأن لو مدفعتلهومش وهما ماشين ممكن يكسرولهم كام جهاز في الشركة وهما طالعين ... أو يكسرو او يبوظو العربيات تحت الشركة بحجت اننا كلنا عرقهم مش كتر خيرهم قامو من النوم واتشطفو ولبسو وجوم الشركة يوم ...
وحاجة اخر مهزلة ... وقلة أدب ... ده حتى واحد جي على عين أمو يتعين لاجايب معاه صورتين ولا سي في.. وحتى البطاقة بتاعتو سايبها في بيتهم وبالتالي معندهوش صورة من شهادة ميلادو ... عيال مش عاوزة تشتغل ... حتى وظيفة سهله زي ساعي ولا حتى فراش يقلك لا 750 جنية مرتب قليل ... طيب 1000 جنية كويس ياحبيبي ... يقلك بحبحهم شوية ...قلتلو يعني عاوز كام قالي 1500 كويس ... قلتلو 1500 جنية علشان تعمل شاي وقهوة ؟؟؟؟؟؟؟؟
قام بصيت لقيت مصطفى بيقلوو طيب ماتيجي تشتغل انتا محاسب بدالي ... وانا ألي أعمل شاي وقهوة أحسن ونسكافية كمان هههههههههههههههه .
عيال عاوزة الحرررررررررررررررررررررق . وتحياتي حبيب قلبي .
محدش من القراء الاعزاء فاضى شوية ... ممكن احول تليفونى علية يرد شوية على الناس دول ....
انا خلاص جالى انهيار عصبى .... مصر كلها اتصلت بية ...
انتشار اعلانات الوظايف الوهميه ليها دور كبير في القصه دي علي فكرة ..............والشباب معدش فيه حماس ولا امل في المستقبل بعد الثورة .