ده ممكن يكون جانب من المشكلة ... فعلا كاان زمان ايام الحزب الوطني ... لمن يقلك فيه بطالة فية بطالة كانو بينزلو حبت اعلانات كده فرص عمل وهمية للشباب ومن ضمنهم يدلو لشوية عيال دفاتر وفوطة صفرة ويأجرولهم رصيف ... ههههههههههه ونعم الوظائف الخالية .
ويمكن جانب كمان من المشكلة ... هو غلو سعر الاعلان بالذات بتاع الوظائف الخالية الي المفروض يكون فيه عليه دعم ويبقى بنص التكلفة وكلمات أكتر ... أنتا مثلا عندك اعلان بتاع الجمعة في الاهرام بيتكلف حوالي 250 جنية وليك عدد أحرف معينة ...فلازم تكتب بأيجاز علشان متخشش في شريحة تانية وبينزل مرة وحده فقط ... ومع الاسف كتير من الناس مبتقراش الاعلان ... وكتير من الشركات كمان بتختصر في الاعلان ... ده غير ان الاعلانات الوظائف الخالية مش مقسمينها مناطق مناطق ... زي دليل أعلانات العقارات والاراضي .
وعندك الوسيط تمن الاعلان فيه 125 وبرضو كمان مش فاكر كام حرف وهي مرة وحده بس الاعلان ... ده غير مبيوتزعش في كل الاماكن في مصر ومش متغطي كويس .
حتى شركات النصب بتاعت التلفزيون بتاعت اتصل وسجل بيناتك او طلباتك ... سعر الدقيقة ب 1.5 وطبعاً الشاب بيخاف يتصل ويمسع الاسطوانة الي في الاول وللغة العربية اضغط رقم واحد ومرحبا بكم في خدمة كذا كذا كذا ... وتجيلو فواتير التيلفون أخر الشهر بالالفات ...
وحتى شركات ومكاتب التوظيف الي بتهبش من الشركة أول شهر عمل للموظف ... وتهبش كمان من الموظف او العامل كمان شهر سمسرة ... وانتا كشركة او كمصنع بتاخ تدفعلهم لا يبعتولك موظف ... وميكملش الموظف يوم يومين تعين وبعدين يقدم استقالتو فيبقى الموضوع داخل في حركة نصب علني ... ومن هنا بيتولد في البلد نوع من انواع البطالة اسمها البطالة المقنعة .