الموضوع: ما فائدة المقاومة الموصلة مع الموبينة

المشاركة الأصلية كتبت بواسطة maka

الموبينة العادية ساعات بيبقى متوصل معها مقاومة و ساعات لا , فما فائدة هذه المقاومة و تفرق ايه الموبينة اللى بمقاومة عن اللى بدون مقاومة

يا بشمهندس محمد سيبك من الموبينة
وقوللي عملت إيه في الأوتوماتيك بتاع المارش

- أولاً : كل كابلات نظام الإشعال بتاع العربية لازم تكون من أنضف نوع.
لإنها بتكون ليها مقاومة متعايرة من الكونتاكت إلى البوجيهات.

- ثانياً : المقاومة اللي تقصدها إسمها "Ballast resistor"
وعشان تعرف وظيفتها .. عندك حالتين:
1 - الحالة الأولى : أثناء ما العربية دايرة الجهد الكهربي بيكون حوالي 14 فولت أو أكتر بحاجة بسيطة (طبعا من الدينمو)
فيمر التيار الكهربي (ال DC ) من خلال المقاومة إياها عشان يتم تقليل الفولت ليصل إلى 9 فولت تقريبا
وهو ده الفولت المناسب للموبينة عشان تديك شرارة كافية جدا للبوجيهات بدون ما تسبب pitting أو arching
أو زي ما بنقول (عشان الأبلاتين ميلدعش ).
وبالتالي بتساعد هذه المقاومة (مع الكوندنسر طبعاً) في إطالة العمر الإفتراضي للأبلاتين.
2 - الحالة الثانية : أثناء إستخدام المارش .. يعمل الكونتاكت على أن يمر التيار الكهربي من خلال bypasser وه طبعا متوصل مع المقاومة إياها in parallel
وبالتالي بيمر وقتها 12 فولت إلى الموبينة (طبعا من البطارية مش من الدينمو .. عشان العربية لسه مادارتش)
عشان أثناء بدء الدوارة بتحتاج أعلى جهد كهربي عشان تقدر تقوم الموتور.

- بعض العربيات مفيهاش ballast resistance لكن عوضاً عنها هتلاقي calibrated resistor wire مكانها .. عشان كده مينفعش نبدل الكابلات بحتة سلكة معفنة مش معروفلها أصل ولا فصل.. زي ما قلت في بدايةردي.
- الحاجات دي بتكون محسوبة بدقة عالية .. لإن بناءاً على إستخدامك للكابل الصح الأصلي هيكون نظام الإشعال عندك شغال صح.
- حاجة أخيرة : شوف إنت بتاخد 9 فولت يروحوا للموبينة .. والموبينة بتحولهم إلى أكتر من 60 ألف فولت عشان يحصل تأين للهواء بين طرفي البوجيه .. فتحصل الشرارة ............. سبحان الله.



خد بالك من ال resistor وال bypasser