الردياتير مجننى الحقونى

**gamila** · 24-03-2012 08:14 PM

انا عربيتى 127 المشكله انو الردياتير لما بتكون العربيه دياره بيسقط مياه نفطه كده زى دمعه العين
ولما العربيه متكنش دياره مش بينقط خالص خالص يبقى كده الردياتير مسدود و الا مخروم
وهل فى خطوره عليا
لانى انا بنت وبخاف وبعدين
عايزه اعرف لما الردياتتير بيبقى مسدود اعراض الانسداد بتكون ايه

**gamila** · 24-03-2012 08:22 PM

للعلم المياه مش بتنقص وهو واقفه

**kaza** · 25-03-2012 12:05 AM

الردرياتير لو بينقط هتلاقي مكان التسريب رطب وفي الحالات السيئة هتلاقي بقعة صداء ولازم تبصي علي الردرياتير وتشوفي التسريب فين بالضبط اما لو انشاء الله لقيتي مافيش منطقة رطبة او مصدية يبقي العيب من غطاء الردرياتير و بيكون ياما مش محكم او بايظ ودة بيحتاج يتغير
لو غيرتيه وبرضة فية تنقيط من الغطاء يبقي العيب في فتحة الردرياتير وبيتقال عليها الزور ودي لازم فني ردرياتير يعالجها ..طمنينا وتحياتيلك واهلا بيك في المنتدي

**gamila** · 25-03-2012 06:01 PM

المشاركة الأصلية كتبت بواسطة kaza

الردرياتير لو بينقط هتلاقي مكان التسريب رطب وفي الحالات السيئة هتلاقي بقعة صداء ولازم تبصي علي الردرياتير وتشوفي التسريب فين بالضبط اما لو إن شاء الله لقيتي مافيش منطقة رطبة او مصدية يبقي العيب من غطاء الردرياتير و بيكون ياما مش محكم او بايظ ودة بيحتاج يتغير
لو غيرتيه وبرضة فية تنقيط من الغطاء يبقي العيب في فتحة الردرياتير وبيتقال عليها الزور ودي لازم فني ردرياتير يعالجها ..طمنينا وتحياتيلك واهلا بيك في المنتدي:f_eyeb1[1]:

ربنا يخليك متشكره انا بجد مبسوطه انى بلاقى الشخصيات الكويسه الا زى جضرتك
شكككككككككككككككرا

**ramy_gamal** · 27-03-2012 08:39 PM

لو مسدود العربيه هتسخن

**Ahmed_Ramadan** · 27-03-2012 08:46 PM

نصيحة روحى لحد بتاع ردياتيرات محترم و ظبطيه علشان الحر هيبتدى و لو التبريد مش قد كده هتتبهدلى فى الصيف

**rotanamasoud** · 29-03-2012 12:47 PM

فى حل بسيط لان التسريب قليل فى منتج بيتباع بيسد الفتحات البسيطه دى بيطحط مع الميه

**blazer** · 01-04-2012 11:06 PM

الردياتير لو مخروم مش هينقط وهى واقفه ابدا
لو الميه بتنقص عندك بمعدل كبير
اكشفى على خراطيم ووصلات الميه
وغطا القربه والردياتير
لو سلام يبقى ممكن يكون فيه خرم فى الردياتير نفسه