الزملاء الأعزاء
الإجابة الشافية الوافية
أجمل مافي الشاشات ال LCD ( و LED نوع منها برضه ) هو ان يكون الإرسال عالي الجودة و المدخل عالي الجودة !
طب المداخل جودتها إيه ؟
HDMI
S-Video
component
av اللي اغلبنا بيستخدمها
RF بتاعة الإريال بتاع زمان

بتروح تتفرج فالمول تلاقي الصورة واوو .. ترجع البيت تلاقيها عادية جدا !!
عاوز تنبسط لازم تجيب ريسيفر HD و يفضل تتفرج علي قنوات HD برضه ( بس منين )
اقل واجب هو انك تشتري ريسيفر يكون فيه وصلة component ( فيه سترونج ب 350 جنيه )
لكن أبشرك لو اشتريت ريسيفر HD مش حتلاقي قنوات تتفرج عليها ههههههه ( بيقولو خلال سنتين حيبقي فيه كتير ) أنا بعتت جبت التكنوسات من السعودية اللي بيفك MBC HD سبع قنوات

غير كده ... ممكن تجيب أي حاجة لأن ال LCD شكله شيك و لطيف و أنصحك تهتم بالحجم أكتر من افلام ال 3D و 3 ميجا بيكسل و تربتتيتي .. اللي حيفرق معاك فعلا .. الحجم

نسيت أقول .. أوعي تجيب بلازما

سلام