الموضوع: استخاره ثم استشاره من وحوش نيسان

المشاركة الأصلية كتبت بواسطة ahmed.tv

سعر العربية عند الموزعين المعتمدين ثابت .. ومش حتلاقى عند واحد فيهم ارخص .. اما المعارض الخاصة .. ممكن توفر وتاخد خصم فى حدود الف جنيه .. بس تعالى هنا بقا :
المعرض الخاص .. مش ضامن الرعبية اخبارها ايه .. ملعوب فيها ولالا .. مش حتكون ضامن اذا كانت مركونة ومتبهدلة ولالا بقالها فترة عندهم ..
اما الموزع المعتمد
مفيش صنى بترقد عندهم .. كله طازة بطازة زى ما بيقولوا .ز غير انهم بيهتموا بتسليم السيارة جدااااا ..
وكمان ممكن تاخد كوبونات خصم علىا لصيانة بالف جنيه اللى انت حتوفرهم وقت الشراء من معرض خاص

وطبعا مهم انك تعمل صيانات للعربية فترة الضمان .. لان باين على حضرتك حتتحرك بيها كتير وحتسافر بيها كتير ..
فا اللى حتوفرهم الف بردوا حتاخدهم فى الصيانات فيعنى حتاخدهم حتاخدهم .. غير الهدايا .. زى طقم دوسات وسينسور ركن على سبيل المثيال

يعنى ممكن تاخد هدايا فى حدود كمان 500 جنيه مع دفتر كوبونات ب1000 جنيه يتخصم فى الصيانات كل صيانة ب50 جنيه

فنصيحة هات من موزع معتمد افضل .. ولو عايز اى حاجة كلمنى .. وانا اسعاد حضرتك

تحياتى
وبالتوفيق

عندك حق تماما ، بالإضافة إلى أن الموزعين المحترمين لا يهينوا السيارة عند نقلها من المصنع إلى المعارض وبيتم نقلها على تريلات خاصة ( مش زى بعضهم إللى بيجيب سواقين ماعندهمش ضمير بيحرقوا فى العربية علشان يوصلوها المعارض .. وطبعا لزوم كده بيفصلوا سلك عداد الكيلومتر ) . . أنا رأيت بعينى سواق منهم عند واحد سمكرى وهو بيتفق معاه إزاى يدارى الخبطة إللى فى السيارة .. والله أنا صعب عليا الراجل إللى حايشتريها وهو مش دارى بإللى حصلها .

انا سألت أتو إيجيبت النهارده أسمه أ / أحمد قال 93000 بدون ABS و 96000 بـ ABS و قال إنشاء الله فيه هدايا لكن لم يحدد أى شئ فعلاً أو موضوع الكبونات أ / Ahmed.TV لو ممكن حضرتك تبعتلى تليفونك على الخاص و أنا أكلم حضرتك و أستفيد منك و جزاكم الله خيراً


معلش سؤال سازج : هل الـABS جيد و يستاهل فرق الـ 3000 ج ؟؟

المشاركة الأصلية كتبت بواسطة ahmazong

في ناس كتييييييير قوي بتعاني من عدم وجوده ..

هو مهم جدا جدا جدا .. لأن هو بيمنع تزحلق السيارة مع الفرملة الشديدة

و كمان مش abs بس ده معاه ebd و ده بيعزز قوة الفرملة مع الضغط الضعيف على الدواسة ..

دول مفيدين جدا عشان كمان حضرتك بتسافر كتييييييييير و على سرعة و كده ..

ربنا يحميك و يستر طريقك يا رب ..

خد بالك الحامي هو الله بس احنا بناخد بالاسباب ..

تحياتي ....

ربنا يباركلك و شكراً للتوضيح

الحمد لله بعد الاستخارة و الاستشارة من أخوتى الصقور ثم المقابلة الجميلة يوم الجمعة حجزت نيسان صنى سوبر صالون أمس و ربنا يجازى كل من ساعدنى و لكم جزيل الشكر جميعاً .