الموضوع: استخاره ثم استشاره من وحوش نيسان

بصراحة نيسان وحش ولو سفرياتك كتير زى ما بتقول اتوكل على الله بس حكاية الاسعار دى معرفش فيها

المشاركة الأصلية كتبت بواسطة mohamed_kta

السلام عليكم

انا بستخير رب العالمين ثم بستشير الناس المحترمين هنا فى نيسان على شراء صنى إنشاء الله و عندى بعض الاستفسارات بعد أذنكم :

1 - افضل معرض اجيب منه العربية ! مع العلم انى كلمت نيسان بس الراجل اللى كلمنى تحس انه " أفش " شويتين و قالى 93 بدون gps و 96 بـ gbs و كلمت معرض ثانى قالى كله زى بعض ز بـ 94 ألف . و هل فيه معرض معين حضرتكم ترشحوه ؟
أعتقد قصد حضرتك anti block system أو إختصارا ABS وأعتقد إنه موجود فى الفئة السعرية إللى حضرتك بتشير إليها حيث أن آخر أسعار على قدر علمى هى كالآتى :-
EX مانيوال بــ 88 ألف جنيه
EX مانيوال (فول أوبشن) بــ 91 ألف جنيه
EX أوتوماتيك بــ 93 ألف جنيه
Ex أوتوماتيك (فول أوبشن) بــ 96 ألف جنيه
وأرجو ما يكونش فيه غلط فى الأسعار
أما بالنسبة للمعارض فيستحسن تجيب أسعار من أكثر من معرض وإنت أولى بفرق السعر إن وجد .
زى معرض السبع أو أوتو إيجيبت أو مودرن موتورز أو سمير ريان
2 - أنا تاجر ملابس و بحتاج أسافر مرة كل أسبوعين و أنزل من 6 أكتوبر للقاهرة 4 مرات تقريباً فى الاسبوع فهل النيسان هى الاختيار الافضل ؟
توكل على الله وإن شاء الله مش حاتندم أبدا .. الصنى سيارة محترمة ومن أفضل السيارات التى يمكن شراؤها فى حدود هذا السعر .. إختيار موفق بإذن الله

أسف للأطالة و أتمنى سعة صدركم و أستشارتكم .

ماشاء الله الرجاله قامو بالواجب ربنا يوفقك ومتنساش تقرير الجميل بقا عن العربيه بعد ماتيجبها ان شاء الله

أولاً أنا بشكر كل واحد فى حضرتكم و الله انا فعلاً مرتاح نفسياً للعربية و خصوصاً إنى متابع العربية فى الشارع و غالبية اللى ركبنها ناس عمليين و تحس انها عربية " جد " مش بتهظر و اللى خلانى متأكد أكتر حضراتكم و جديتكم و حبكم ليها .

أنا أتصلت بـ أتو إيجيبت و رد عليا أ / احمد و قالى إنها عاملة 94000 بدون abs .
و 98000 بـ ABS . و سألته طيب مفيش خصومات قال لأ و أحنا مش مشتركين فى معرض الاهرام تقريباً أو ما شبه ذلك ، و لكن قالى فيه هدايا !! أنا يفرق معايا الفلوس بصراحة أكثر .

إنشاء الله هحاول أكلم السبع الصبح و أشوف كذا معرض و فيه معرض أسمه 4Broter دا قال هيدهانى أرخص ألف !! مش عارف لكن أنا قدامى أسبوع على ما الفلوس تجهز إنشاء الله .

و مرة ثانية ربنا يبارك فى كل واحد نصحنى أو هينصحنى ، وفعلاً حاسس إنى هكسب معرفة ناس محترمة قبل العربية المحترمة إنشاء الله .