لعنة الطريق الدائري مازالت تطاردنا ، حادث جديد على الدائري.القطامية

**feinverk** · 25-03-2012 05:28 PM

المشاركة الأصلية كتبت بواسطة tutankhamoun

ما هو يا فندم الشرطة تنزل برادارات ....... الناس مش عاجبها
ما ينزلوش خالص برضه أحنا مش عاجبنا

لأن كل واحد في الشعب المصري محتاج قانون بمزاجه
اللي عايز الطريق يبقى 150 كم - س
و اللي عايز يعمل غرز عادي بدون عقاب
و اللي مش عايز النقل يركب الدائري إلا بمواعيد

أحنا طبق كشري كبير ........... سمك لبن تمر هندي

كلامك مضبوط و الله ... المشكله فينا احنا دلوقتى ... ما الناس بره بتمشى بسرعه و مفيش حوادث كتيره كده ... كله ملتزم بحارته و بالسرعه .. لاكن احنا شعب همجى .. مستنيين ايه بئه !!! ما لازم كل يوم تحصل حادثه

**abogogo** · 25-03-2012 05:34 PM

يوم الجمعة الماضيه على الدائري تقريبا في نفس المكان ماسك الحارة الوسطانية وماشى 90 وفجأة الاقي قفص فراخ فاضي امامي في اجزاء من النانو ثانية حاولت افاديه كسرت يمين عشان فاضي عن الشمال لقيت واحد بيعدي الطريق ظهر فجأة تقريبا عشان يجيب القفص انا حتى الان مش عارف انا مخبطهوش ازاي ...!! كلى اللى فاكره اني وقفت بعديها اولملم اعصابي عشان رجلي كانت بتترعش وريحة تيل الفرامل كانت مشبعة داخل العربيه ومشغل الانتظار .....!!! ربنا يستر طريقنا جميعا ويحفظ ممتلكاتنا ... اللهم آمين

**ahmed_mido1889** · 25-03-2012 06:05 PM

الحادث كان امام بنزينه موبيل القطاميه علي الدائري

تريلا صدمت سيارات عديده منها فولكس جيتا وسكودا اوكتافيا
ودايو لانوس ودايهاتوس تيريوس وتويوتا كرولا 2010

وكرولا 92

طبعا الخساير الكتيره كلها كانت في الجيتا بقت هاتش باك

والحمدلله مفيش اصابات بشريه

الواحد بيخرج من بيته دلوقتي وحاس انه مش راجع

**Land_Cruiser** · 25-03-2012 07:01 PM

لا حول و لا قوه الا بالله. ربنا يتوب علينا

**S O P H O S** · 25-03-2012 07:08 PM

فعلا وسمعت اني في ناس ماتت ربنا يستر والكل يبقي بخير

**essam_shaaban** · 25-03-2012 08:58 PM

انا شفت الحادث الصبح

هو فعلا 2 حادثة واحدة امام مدرسة الصنايع اللي اتوفي فيها طالب وهو بيعبر الطريق و الحادثة التانية مقطورة في الطريق المؤدي المحمد زكي كده هرست حوالي 6 عربيات جديدة لانج منهم النترا 2012 و تويوتا كورولا 2007 و نيسان صني و لانسر دول اللي شفتهم وربنا يستر علي اصحابهم معرفش مين نجي ومين جي اله ايه لاني عديت والحادثة لسه كانت من دقيقتين بس المقطورة هرستهم في الجزيرة الخرسانة تماما التويوتا الكورولا مش باين لها ملامح تقريبا

رحمه الله علي امواتنا جميعا و ربنا يصبر المصابين في اهلهم او سيارتهم و كما قال شريف منسق بي ام دبليو

لكي الله يا مصر

**lanos2004** · 25-03-2012 09:08 PM

شوفوا الشرطه والمرور بيعملوا ايه بيقفوا فى الكوربه يشوفوا الرخص كل يوم بطلع رخصتى مرتين على الاقل--طبعا واقفين يتفرجوا على المزز وعاملين نفسهم شغالين ومتشطرين على الناس المسالمه الى زى حلاتى

**yoko** · 25-03-2012 09:13 PM

ده الحادث التاني قبله بساعتين x3 خبطت واحد موتته وزمايله طلعوا قفلوا الطريق وإتأخرت ساعة ونص على ما الجيش تدخل

**heeshooheeshoo** · 26-03-2012 01:56 AM

المشاركة الأصلية كتبت بواسطة tutankhamoun

ما هو يا فندم الشرطة تنزل برادارات ....... الناس مش عاجبها
ما ينزلوش خالص برضه أحنا مش عاجبنا

لأن كل واحد في الشعب المصري محتاج قانون بمزاجه
اللي عايز الطريق يبقى 150 كم - س
و اللي عايز يعمل غرز عادي بدون عقاب
و اللي مش عايز النقل يركب الدائري إلا بمواعيد

أحنا طبق كشري كبير ........... سمك لبن تمر هندي

كلامك مضبوط .. بس فى أوروبا والدول المتقدمة مش كل الناس ملائكة .. فى ناس ملتزمة وناس غير ملتزمة & فى ناس بتحب الرادرات وناس مابتحبش & فى ناس بتجرى بسرعة وناس مابتجريش ... بس فيه قانون رادع واحد فقط بتطبقه الشرطة وبيمشى على كل الناس ( إن كانت هناك تجاوزات فهى ليست القاعدة ولكنها حالات فردية إستثنائية .. لأنهم برضه مش ملائكة ).
المشكلة عندنا الآن فى الآتى :
1 - أولا مافيش أخلاق .. تقدر تعرف أخلاق أى واحد من سواقته ومظهر سيارته ( شرس - أنانى - إنتهازى - بلطجى - لايخاف الله ... إلخ ) .
2 - لا يوجد قانون رادع .
3 - إن وجد القانون لا تجد الشرطة لتطبقة .
4 - إن وجدت الشرطة تجدها أول من يخالف القانون ( لاحظ سيارات الشرطة المخالفة لقوانين البيئة والمرور ).
5 - إن طبق القانون فإنه يطبق على ناس وناس لأ ( إللى له ظهر مابينضربش على بطنه ) .

كفايه كده .. مافيش داعى للإحباط أكثر من كده .

-

الموضوع: لعنة الطريق الدائري مازالت تطاردنا ، حادث جديد على الدائري.القطامية

LinkBack

أدوات الموضوع

عرض

-

-

-

-

-

المواضيع المتشابهه

حادث جديد على الطريق الدائري

عاجل - حادث على الطريق الدائري يتسبب في اختناق مروري

حادث جديد مروع يتسبب في شلل الحركة علي الدائري

حادث جديد على الدائري - 19-8-2010

صور حادث الطريق الدائري 27-04-2009

الكلمات الدلالية لهذا الموضوع

المفضلات

المفضلات

ضوابط المشاركة