الموضوع: مطـــلوب مســـاعدة من رجالة رينو

بصراحة من زمان وأنا معجب بالميجان 2
كان عندي لانسر 2005 العربية كانت اعتمادية وناعمة وعمري ماشفت اي مشاكل او أعطال غير الصيانة الدورية
لاكن بعتها من 5 شهور تقريباً عشان ظروف :(
بس جت من عند ربنا فرصة عشان أحاول أجيب الميجان
بس للأسف من ساعت مبتديت في عملية البحث وأنا في معاناه أغلب المعروض بتوكيلات
وكشفت علي أكتر من عربية الواقع غير كلام الإعلان تماماً
وطبعاً العملية كده هتبقي خراب بيوت :O

عشان كده قولت مفيش قدامي غير رجالة رينو في نيل موتورز
لو حد قدامة حاجة كويسة متكنش بتوكيل
وتكون صيانتها بإنتظام و الكيلومتر متناسب مع الموديل وتكون 2005 او 2006 وياسلام لو بانوراما ياريت يقولي عليها يكسب فيا ثواب

انا ببيع عربيتى 2005 فيها كاوتش لسة مكملش 1000 كيلو وبطارية جديدة وصيانات دورية فى التوكيل وتكيف ممتاز ومش محتاجة مصارف خالص غير بس ترس الكامة وانا ناوى اعملة قريب هى العربية بتوكيل بس بتاعتى والله مش تاجر وبقالها معايا سنة والتغيير فقط علشان نفسى فى الميجان الشكل الجديد وكمان العربية فى الاسكندرية ورخصتها انتهت بس موضوع المرور انا هخلصة وشكرا
العربية اتوماتيك الفئة الاولى جميع الكماليات عدا الجنوط وفتحة السقف واللون فضى 01066036201 محمد شوقى