الموضوع: صيانة الـ20 ألأف=600 جنية!!!!!!! (وائل عطية)

شوفوا يا جماعه كل حاجه بالعقل والرقم فعلا مبالغ فيه جدا

واحده واحده

فلتر الزيت مش هايزيد عن 20 جنيه
فلتر البنزين ماعتقدش أنه هايتغير بعد عشرين الف !!!
فلتر الهواء مش هايزيد عن 50 جنيه
فلتر هواء التكييف لا يتغير في العمر كله إلا مرتين تلاته

يبقى كده حوالي 70 جنيه فلاتر

الزيت أنصحكم أنكم تشتروه أنتم بنفسكم من محطات البنزين وأرشح لكم احسن زيت عالمي وهو "شل ألترا"(4 لتر) = 195 جنيه ومابتدفعش عليه ضريبه وهاتلاقوا لترات منفصله اللتر بـ 52 جنيه

لحد كده أحنا وصلنا إلى 320 تقريبا

يبقى الباقي أيه بقى ؟؟؟؟؟

وأحب أضيف لكم الكلام بتاع أخونا "جمال أبو شنب"
http://www.nilemotors.net/Forum/viewtopic.php?t=2727

المشاركة الأصلية كتبت بواسطة jimmy

اعتبارا من 22/5/2007
بعد صيانة 1000
ضبط زوايا 36 جنيه *علما بان الجهاز عطلان فى جسر السويس والصحراوى*

ترييح ابواب 24 جنيه

رجلشة فرامل24 جنيه

ضبط ضغط اطارات 12 جنيه*هواء وليس نتروجين* والله سرقه

تنظيف فلتر تكييف 18 جنيه

تطبيب صمام السخن 18 جنيه

توسيع مجرى الزجاج 36 جنيه

رجلشة انوار 12 جنيه

تثبيت درج التابلوه 12 جنيه

ترصيص عجل 18 جنيه

رجلاش دبرياش 12 جنيه

تثبيت كاوتشه او باكته 18 جنيه

*نصيحه لو حد راح صيانة 1000 ميمشيش ولا يتحرك من التوكيل غير لما يعمل كل حاجه ويأكد على كل حاجه من اللى انا كاتبها لان اغلبها موجوده فى كل عربيه قبل صيانة 1000 بس كنا بنعمل جزء فى صيانة 1000 والباقى تباعاً بس كده لازم نقف على دماغهم عشان يخلصو كل حاجه * ولسه البقيه تأتى*
وليه زميل قابلته فى التوكيل غير زجاج امامى ب890 جنيه

واسف للاطاله عليكم

أنا من رأيي يا جماعه أن يتم الأتفاق على ميعاد معين لكي يذهب فيه ما لا يقل عن 15 أو 20 شخص لكي يتم أتخاذ الأجراء اللازم في حينه مع القائمين على التوكيل حتى وإن وصل الأمر إلى التجمهر في مركز الصيانه

وصدقوني يا جماعه الموضوع مش هاينفع غير لما نتحد كلنا أمام هذا الأستهتار بالعملاء واللعب بالناس

لازم يبقى فيه موقف جماعي ...لازم يبقى فيه موقف جماعي ... لازم يبقى فيه موقف جماعي

وموضوع التيل ده ماحدش يسكت عليه لأن التيل نازل معيوب وكان واجب عليهم تغييره من البداية وليس معنى أن العميل قد أستخدمه ولم يتكلم أن يكون راضي عن التيل المعيوب

وفي أي حال من الأحوال لا يوجد تيل في العالم يتم تغييره بعد عشرين ألف !!!!!!!! ليه هو تيل قماش ؟؟؟؟؟؟؟؟؟؟؟؟

ياجماعه لازم يبقى في موقف جماعي وأعتقد أن نيل موتورز مش معمول عشان نشكي همنا لبعض ونتريق على بعض وخلاص ... وإلا كده يبقى بصراحه عقلنا صغير قوي لو كنا بنعمل حاجه زي كده

أحنا أتجمعنا هنا عشان نستفيد من بعض ونحاول نصحح مع بعض الأوضاع

وبصراحه أنا عندي كلام كتير جدا بس أنا مستعجل ونازل رايح لدرش

http://www.nilemotors.net/Forum/viewtopic.php?t=2789

أضـــم صـوتى لـصـوت الأخ / بـايــــــــوو - والا ايـه الفـايـدة من الـرابـطة وكل اللى بنـقــوله هـــــنا وأرى أن خـيـر من يمـثــل الرابـطـة فى تمثيـل الرابـطـة هم الأخـوة الأفـاضـل / بـايـوو ، وائـل مصطـفى " كوماتـشـوو "
أرجـو طـرح الموضـوع للأقـتــراع وعـدم أهـمـالـه ............ شـكـرا لحـسـن تـعـاونـكــم :roll:

طـارق أمــــيــن - أسـبرانزاوى 36

المشاركة الأصلية كتبت بواسطة tarek2

أضـــم صـوتى لـصـوت الأخ / بـايــــــــوو - والا ايـه الفـايـدة من الـرابـطة وكل اللى بنـقــوله هـــــنا وأرى أن خـيـر من يمـثــل الرابـطـة فى تمثيـل الرابـطـة هم الأخـوة الأفـاضـل / بـايـوو ، وائـل مصطـفى " كوماتـشـوو "
أرجـو طـرح الموضـوع للأقـتــراع وعـدم أهـمـالـه ............ شـكـرا لحـسـن تـعـاونـكــم :roll:

طـارق أمــــيــن - أسـبرانزاوى 36

"وائل مصطفى" (كاماتشو) لوحده كفايه والله لأنه عنده من الطاقه والحماس ما يكفي

لكن مافيش مانع أننا كلنا نتعاون ويكون في ترابط عشان نقدر نحرك المياه الراكده التي تزداد كل يوم لدى الوكيل وبالنسبة لـ"وائل كاماتشو" أنا أرشحه للصحراوي لأنه من سكان الجيزه و"جمال أبو شنب" و "وائل عطيه" لفرع جسر السويس (هما دول إللي أعلاف منطقة سكنهم) وكل ما يكون العضو قريب من الفرع كل مايكون أحسن لانه هايقدر يتابع بسهوله أكثر

بس أهم حاجه أننا نكون معاه لما يحتجنا (كأنها خناقه هههههههههههه)

ياجماعة الكلام ده منطقى جدا و أنا أؤيده 100% وأعتقد أن أختيار الأستاذ واشل لفرع الصحرواى أختيار موفق جدا و أنا متأكد ان حسن ابو الفتوح بيقرأ هذا الكلام و أعرف نه رجل اعمال ذكى و لن يقيل بأى حال من الأحوال بهذا الكم من الأستهتار و التجنى على العملاء و خصوصا العملاء المخلصين اللى لو أيو الفتوح حب انه بأجر ناس تداافع عن العربية و عن أسمه بهذا الحماس مش هيلاقى.. فمابالك ان أحنا بنعمل ده بدون أى أجر ..لأ و كمان دافعين دم قلبنا و صابرين عليهم.. فمش معقول يكون ده جزاءنا ... باريت ياأستاذ و ائل تقدر توصل لهم الكلام ده و ياريت تقترح عليهم بكلفوا حد من عندهم رسميا بمتابغة المنتدى و المناقشات اللى بتدور فبه علشان من ناحية يعرفوا أحنا قد أبه بندافع عن أسمهم و من ناحية تانية نقدر نتواصل معاهم مباشرة.

مع الشكر

منعم صادق

المشاركة الأصلية كتبت بواسطة منعم صادق

ياجماعة الكلام ده منطقى جدا و أنا أؤيده 100% وأعتقد أن أختيار الأستاذ وائل لفرع الصحرواى أختيار موفق جدا و أنا متأكد ان و خصوصا العملاء المخلصين اللى لو أيو الفتوح حب انه بأجر ناس تداافع عن العربية و عن أسمه بهذا الحماس مش هيلاقى.. فمابالك ان أحنا بنعمل ده بدون أى أجر ..لأ و كمان دافعين دم قلبنا و صابرين عليهم.. فمش معقول يكون ده جزاءنا ... باريت ياأستاذ و ائل تقدر توصل لهم الكلام ده و ياريت تقترح عليهم بكلفوا حد من عندهم رسميا بمتابغة المنتدى و المناقشات اللى بتدور فبه علشان من ناحية يعرفوا أحنا قد أبه بندافع عن أسمهم و من ناحية تانية نقدر نتواصل معاهم مباشرة.

مع الشكر

منعم صادق

الكلام ده ممتاز وفعلا بيعبر عن الواقع لو أبو الفتوح حب يأجر ناس ولا حتى يشتريهم مش هايدافعوا عن العربيه زي الناس إللي أشترت العربيه لانهم فعلا بيدافعوا من قلبهم ومن حبهم للعربيه

كود:

حسن ابو الفتوح بيقرأ هذا الكلام و أعرف نه رجل اعمال ذكى و لن يقيل بأى حال من الأحوال بهذا الكم من الأستهتار و التجنى على العملاء

مش عارف ليه يا أستاذ منعم بشك في الكلام ده لانه مش ممكن يكون بيتابع منتدانا او أي منتدى أخر أنا متهايقلي أنه كبيره الجرنان

وائل عطية

كود:

عموماً أنا باعرض التجمع أمام مركز جسر السويس يوم الأحد القادم صباحاً (أو حسب الاتفاق) بحيث نتكلم معاهم بمنتهى الأدب والذوق ونوصل ليهم صوتنا ويعرفوا إننا تجمع مش مجرد واحد وخلاص 
ياريت اللي موافق يجي معايا يوم الأحد القادم الصبح يقول إنه موافق والفايدة هاتكون عامة إن شاء الله

أنا شايف أن يوم الجمعه أنسب كتير عشان يبقى في عدد كبير يقف معاك يا وائل