الموضوع: اتعرضت لهجوم على الطريق امس

تصدق بالله .. لا إله إلا الله سيدنا محمد رسول الله .. والله وانا بقرأ موضوعك حسيت إن ضغطى على وضربات قلبى زادت وتخيلت كأن أنا إللى فى هذا الموقف .
أنا من سكان مدينة نصر ورايح جاى فى المنطقة دى وغيرها وعلى محور الــ n a صبح ليل مش فارقة ، وطبعا الكلام ده كان قبل الثورة ، وعمر الواحد مافكر فى الحوادث دى أبدا سواء كنت لوحدى أو معايا العائلة ، وكنت بأستغرب زمان على إللى يقولى إنه شايل سلاح (حتى لو كان مسدس صوت) .. الواحد ماكانش بيسمع أو يشوف قطع الطريق والتثبيت ده إلا فى أفلام الغرب الأكشن الأمريكية . دلوقتى بأفكر مرتين قبل ما أخرم من شارع أو أمشى فى منطقة زى دى علشان الزحمة . بس ده مش حل !!!
زمان كنت بأسمع عن النصائح للناس إللى بتسافر أوروبا وأمريكا إنها ما تحاولش تنزل بعض الأحياء بعد وقت معين مساء خشية المجرمين وقطاع الطريق إللى بيطلعوا للناس ويسرقوا محافظهم وساعاتهم ، وكنت بأستغرب جدا من إللى بأسمعه ومش متخيل إطلاقا إن ده ممكن يكون فى مصر . دلوقتى إحنا غلبناهم والتثبيت بقى على سرقة السيارة بحالها .. مش ساعه وللا محفظة !!
حسبنا الله ونعم الوكيل فى كل من تسبب فى إنعدام الأمان إللى إحنا فيه .
آسف جدا للإطالة .. بس فعلا أنا كنت ومازلت منفعل .
وألف ألف حمد لله على سلامتك يا أستاذ كريم ، ويارب ما يكتب عليك وعلينا مثل هذا الموقف .
وتقبل خالص تحياتى .

قدر الله وما شاء فعل ولا حول ولا قوة الابالله
درس مستفاد و خبرة حياتية اكتسبتها واحنا كلنا من بعدك

هو في ايه !!!!!
نفس الموضوع دا حصل وفي مدينه نصر بردو http://www.nilemotors.net/Nile/278787-a.html
بس انت الحمدلله ان كان معاك سلاح
الف سلامه عليك يا باشا

الف سلامة ياكريم والحمد لله انها جت على اد كدة ... المنطقة اللى انت بتقول عليها واضح انها اللى جمب الوفاء والامل والمنطقة الحرة والطريق دة مش عمار قوى وخطر جدا ....

وطبعا عند حق الواحد لو شاف ابوة على الطريق دلوقتى مش المفروض يقفلة. وحسبى الله ونعم الوكيل.