ياقليل الأدب

**NoOoOoUr** · 26-03-2012 09:15 PM

ههههههههههههههههههههههههه .... ياقليل الادب بس؟؟؟؟
ههههههههههههههههه والله انا بس من الكلام خلاص هاموت من الضحك امال لو فى الموقف نفسه..هههههه

**Screenplays** · 26-03-2012 09:23 PM

ربنا يرزقك بسواق سرسجي تطلع فيه قرفك و لا تزعل ههههههههههههههههههههههه

**esam722** · 26-03-2012 09:28 PM

هههههههههههههههههههه
اكيد هيروح يشتكى لطنط ماجى

**K.LOTFY** · 27-03-2012 09:53 AM

ههههههههه عارف انا بتخيلو زى بهاء اللى كان فى فيلم التجربه الدنماركيه قالك يا قليل الادب وبعدين راح مشاور بايده كده زى الفيلم ومكمل مضغ اللبانه

**aboomar22** · 27-03-2012 10:07 AM

انا برضه كنت ماشى وسواق الميكروباص برضه وقف فجأة جيت اعدى برضه راح طالع وقافل الطريق علية المهم عديت منه وطلعت ايدى بشاورله ان على مهلك مش كده ومشيت وفى الاشارة لما حصلنى لقيت بيقول وليه كده يا مؤدب قلت لحسن يشتم ولا حاجة نزلت قولتله ايه ياعم مالك فيه ايه قالى ليه بتعمل بايديك (اشارة قبيحة يعنى ) قلتلة ياعم انا بقولك على مهلك قالى اه انا معلش يابية يعنى ممكن سوء التفاهم يعمل مشكلة

**rawhany** · 27-03-2012 12:08 PM

فعلا سواقين الميكروباص دول عايزيييييييين الحرق كنت بحط بنزين في بنزينة علي طريق المنصورة دمياط وواقف علي صف ال 80 احط صفيحة وصاحبك بتاع الميكروباص عايز يدخل قدامي وبيديني جنب العربية فانا ما بصلتوش خالص وبعدينقاعد يهجم وانا ادخل لحد ما هو قفل المرايا اليمين لقيتو بيخبط علي السقف وبيقولي ما تحاسب ياعم فا اتنرفزت جدا جدا جيت افتح الباب وانزلو لقيتو صد في القاعدة بتاعت الطرمبة قالي لو دكر انزل يابن .......... رحت نازل وواخد في ايدي حتة ماسورة كدة ونزلت وقبل ما يطولني اديتو خبطتين في دماغو الناس طبعا اتلمت واحد راكب مرسيدس معدلة طول بعرض كدة ما شاء الله شدني رماني في عربيتي وزعق فيا وقاللي اجري بدل ما تتبهدل وخلعت وبعد لما مشيت استغلت نفسي قوي بس هو فعلا خرجني عن شعوري