الموضوع: مش عارف آخد قرار لشراء موديل سيارة لادا ... أرجو المساعدة

بسم الله الرحمن الرحيم

السلام عليكم
إن شاء الله أنا ناوى أشترى عربية لادا بس و أنا بسأل أى الأنواع أفضل بين 2105 و 2107
ناس كتيييير رشحتلى لادا سمارا........ محتار
=========================================
أولاً اللادا 2107 أغلى و أحدث من الـ 2105, بس الأخيرة أفضل من حيث الصاج و السعر ( لأنها أقدم شويه بس ده مش مهم بالنسبة للادا , المهم الحاله لأن شكلها لم يتغير كثيراً من الثمانينات حتى الآن)
مشاكلهم: العفشة و مشكلة البيض اللى بيملص و علبة الدركسيون اللى فيها بوش ( حاجات عاوزة متابعه مستمرة و تربيط و تشحيم أول بأول
ده طبعاً غير المشاكل المعروفه عن اللادا: الصوت العالى للماتور - دركسيون حجرى - حرارة الماتور ( بيركب له مروحه مخصوص )
=========================================
لادا سمارة: ممتااااااازة فى شكلها و سعرها و شاسية جولف 2 مصمماه شركة vw و شركة بورش عامله الماتور, المهم العربية مفيهاش غير عيب واحد بس خطيييييييير
أنها نادرة جداً, أنا بقالى أكتر من 3 شهور بدور عليها فى الشوارع مشفتش غير واحده فقط ( و فى واحده تانى كانت بتجرى عالكورنيش متأكدتش منها), و اللى بيتعرض على النت قليييييل و معظمة لادا تفاريا أو إليكو و بيقولوا عليها سمارا ( أنا سألت الأخوه هنا و فهمت إن دى غير دى)
و طبعاً مشكلة الندرة مخوفانى فى إعادة البيع, خاصة إن دى أول سيارة ليا و مبعرفش أسوق و أى تصليح أو قطع غيار هدوّر عليها هتقرفنى فى الأول و يمكن تكرهّنى فى العربيات كلها و حتى لو فكرت أبيعها مش هعرف بسهوله. أعمل أييييييييييييه ؟؟؟؟؟؟؟؟؟؟؟؟؟

جزاكم الله خيرا