أرجو المساعدة لشراء سيارة مازدا 3

**me3mary** · 18-04-2009 11:56 AM

السلام عليكم
محتاج مساعدتكم لشراء سيارة مازدا M3
بصراحة العربية دى ما كانتش فى بالى خالص و كنت نازل السوق اشترى عربية اوبل فيكترا 2002
لكن شوفت عربية مازدا M3 موديل 2006 مانيوال سعرها 75 ألف جنيه و كانت فيها لحامات فى اسفل العتب جهة اليمين و راشة برة ما عدا السقف فطبعا سيبتها

لو ممكن حد يساعدنى و يقولى سعر العربية دى فى حدود كام و ايه اللى أخد بالى منه و انا بشتريها و خصوصا انها ماكانتش فى اولوياتى و معلوماتى قليلة عنها

ملحوظة
انا مهندس معمارى و بمشى بعربيتى فى اليوم ما بين 150 و 200 كيلو لمتابعة الشغل و بدور على عربية تستحمل المشاوير دى .
و هل افكر فى بديل تانى فى نفس السعر ( زى البورا مثلا أو تويوتا كورولا)

**medo_msmsa** · 18-04-2009 01:42 PM

طيب ممكن تفكر في الميجان وعلى الاقل صيانتها وقطع غيارها متوفرة اكتر من المازدا 3 وسعرها حلو يعني ب75 دول هتجبها 2006 اوتوماتيك وحالتها حلوة وعدادها قليل هتكون ماشية في حدود 50.000 كيلو
بالنسبة للمازدا 3 معرفش ايه اخبارها ولا اسعارها لانها اصلا قليلة في سوق المستعمل

**me3mary** · 18-04-2009 02:50 PM

اشكرك على الرد
بس فيه ناس كتير خوفتنى من الميجان علشان علبة الفتيس الأوتوماتيك بتبوظ بسرعة و كمان معتقدش انها تستحمل المشاوير اللى بتكلم عليها

**medo_msmsa** · 19-04-2009 02:03 PM

بالعكس انت لو دخلت على قسم الرينو مش هتلاقي ولا اي حد اشتكى من الفتيس الاوتوماتيك بتاع الميجان.
بالنسبة لموضوع التحمل بيبقى حسب الاستخدام انا معايا افيو "يعني موتور لانوس" وماشية 125 ألف في سنتين ولو ركبتها مافرقهاش عن الجديدة في حاجة عشان معتني بيها، والميجان بصفة عامة اعتماديتها عالية