الموضوع: الحمد لله ربنا بيسترها

المشاركة الأصلية كتبت بواسطة elawany13

الحمد لله انها جت على قد كده
سؤال للخبراء .....ياترى السيرفو هو خزنة الفرامل ؟؟؟؟ ولا حاجه تانية ؟؟
أنا لسه مغير خزنتين الفرامل الخلفييتن للشاهين الواحده بـ 25 جنيه ... ايطالى
كانوا بيهربوا زيت بسيط جدا
الفليشيا هتلاقيها اغلى شوية

الحمد لله على كل حال انا كنت ماشي بالعربية فى شارع الهرم وبدات الفرامل واحدة واحدة احس ان مشوار الدواسة بيبعد معلش سؤال انا عندى ماستر الفرامل العمومى لسه مغيره من فترة هل ده يبقى السبب

المشاركة الأصلية كتبت بواسطة eldell

الحمد لله انها جت على قد كده وانها محصلتش وانت بتجرى والا حاجه كانت هتبقى مشكله اكبر

الحمد لله

المشاركة الأصلية كتبت بواسطة waleed-zidan

غالبا وبنسبة كبيرة دة ماستر عجل خلفى زي الي غيرة الاخ elawany13
اتعامل مع ميكانيكى ثقة "تكون بتتعامل معه من مدة"
وانتظر راى بقية الاعضاء

ماستر العجل الخلفى بيتغير لفردة واحدة ولا لازم الاتنين مع بعض

المشاركة الأصلية كتبت بواسطة me_medoo

الحمدالله يامنسي انها جت سليمة ... انا كان عندي أسكودا فابيا 1400 العربية دي كنت بعشقهاااا ... بس توكيلها اليتيم الي تحت الكوبري كرهني فيها ... قلت اروح للمكانيكية برة ، قلهم يقولولي متخفش يابيه دي هيا هيا الفلشيا ... والمتور هو هوا وكل واحد قعد يعكلي فيها لمن خلوني بعتها ... أنا جبت بيها أربع مرات وش سليندرومرة جوان بسبب الاذكية والعباقرة بتوع بلدنا مش عارفين منين بتسرب ميه ...
الحمدالله انها جت على قد كده وحمدالله على سلامتك .

الله يسلمك ومتزعلش على الفابيا كل واحد بياخد نصيبه

المشاركة الأصلية كتبت بواسطة ahmedhawas

أما بالنسبة للسيرفو brake servo أو brake booster
فوظيفته:
- إنه بيساعد السواق في عملية الفرملة (فيخف الحمل من عليك يا باشا)
- في العربيات البنزين: بيشتغل على خرطوم الفاكيوم بتاع مانيفولد السحب .. وبالتالي الخرطوم ده لو مقطوع أو منفس مش هيشتغل صح وتحس الفرامل محجرة معاك ، ولو السيرفو باظ هتحس الفرامل محجرة برضو.
- لو العربية مش دايرة ، وجيت تدوس فرامل .. هتحس برضو الفرامل محجرة معاك عشان السيرفو مش شغال في الحالة دي .. وتحس بمعاناة عشان توقفها خصوصا لو نازلة على طريق مايل .. عشان كده محدش يبطل العربية في منزل كوبري أبدا زي ما بعض التاكسجية بيعملوا.
- السيرفو ملوش دعوة بنقص زيت الفرامل. وطالما إنت شايف إن في عندك عجلة ورا غرقانة زيت .. يبقى ماستر العجل الخلفي ضرب .. وياريت تشوف ميكانيكي ثقة.
- في العربيات الديزل .. مفيش بوابة (وبالتالي مواتير الديزل مبتعملش فاكيوم في مانيفولدالسحب)
وعشان كده بيحطوا : Vacuum pump

الجزء الاسود : هو السيرفو ، والأبيض : خزنة زيت الفرامل(إربة الباكيم) ، وتحتها الجزء المعدني : الماستر العمومي

يعني افهم من كلام حضرتك ان المشكلة فى الماستر مش فى السيرفو

المشاركة الأصلية كتبت بواسطة karembob

قدر الله ومشاء فعل احمد ربنا

الحمد لله على كل حال هو تقريبا انا حسدت نفسي عشان لسه مغير حاجات كتير فالعربية وربنا يسترها علينا وعليكم