من فضلكم شرح لعيوب البوبينة وطريقة تغيرها لللاكترونى

**gougou81** · 28-03-2012 01:29 AM

ممكن حد يشرحلى عيوب البوبينة و لو حبيت اغيرها للاكترونى اركبها عادى ولة محتاجة ميكانيكى وهيا محتاجة يتغير الاسبيراتير

**dr.hazem** · 28-03-2012 03:40 AM

موبينة الماروتي موبينا زيت
ودي عيوبها انها لما بتسخن جدا (نادرا) ممكن تخلي العربية سحبها يقل وتدي مدافع ولو طفيت العربية طول مالموبينا سخنه مش هتدور العربية تاني

بس كل الموضوع ده مشفتوش حصل مع ولا واحد وفي الغالب بيطلع العيب من الكوندنسر او الابلاتين وصعب جدا خراب الموبينا...

نيجي بقا لموضوع الالكتروني...
الالكتروني احسن من الزيت انها مبتتأثرش بالحراره
بس في المقابل بتتأثر بالرطوبه والمية
سعرها مش غالي بحوالي 60 او 90 جنيه مش فاكر الحقيقه كويس

وتركيبها لا يحتاج ميكانيكي ولا اي حاجه
هتفك القديمه وتحط الجديده السالب بالسالب والموجب بالموجب وخلصت الحدوته ولا تحتاج تغيير اسبيراتير ولا اي حوار

نصيحتي...
متمدش ايدك عالموبينا الفبريكا الا ثبت انها عامله مشكله زي ان العربية تكون فمشوار وتيجي تقف دقيقه مثلا تشتري حاجه تيجي تركب تدور العربية متدورش
يمين شمال متدورش وتكون متأكد ان الكهربه والبوجيهات مظبوطين وبرضو متدورش تقوم جايب فوطه مندية وتحطها عالموبينه (فتبرد) فتدور العربية يبقى غالبا ده من الموبينه

اما لو غير السيناريو ده فمعتقدش ان المشكله منها...

تحياتي

**dr.hazem** · 28-03-2012 02:17 PM

المشاركة الأصلية كتبت بواسطة gougou81

هيا العربية اول مرة عملت كدة ورحت جبت كهربائى قلى المشكلة فى الدنمو شحن البطرية ضعيف وحط بطارية بس وقلى صلحتلك الدنمو كان فية سليكونات ولما سئلت قلولى صعب على العربية موديل2006 الدنمو بتعها يبوظ المهم امبارح كنت فى مشوار وجيت اركن العربية بطلت ومردتش تدور زاى المرة اللى فات وفتحت الكبوت وحطيت ايدى على البوبينة لقتها سخنة وعملتلها فوطة بمية ودارت على طول

لو الكهربا بتاعة العربية مظبوطه من حيث ابلاتين اول حاجه وبوجيهات تاني حاجه والكوندنسر اخر حاجه
لو دول مظبوطين ميه ميه يبقى الموبينا عندك محتاجه تغيير

اما لو اللي فوق مش مظبوطين وبالترتيب ده يبقى مقدرش اقول موبينا

تحياتي

**dr.hazem** · 29-03-2012 12:35 AM

المشاركة الأصلية كتبت بواسطة gougou81

حبص عليهم هيا عملت كدة بعد مغيرت البوجيهات والابلاتين والكوندنسر

لا بقا كده احب اقولك 100% بالنسبالي الابلاتين والكوندنسر الملعونين اللي في السوق وتحديدا الكوندنسر قبل الابلاتين

عشان متدوخش كتير لان معانا هنا واحد الميكانيكي خلاه يغير 4 موبينات وجاب الكتروني وفي الاخير الكوندنسر

حضرتك محتاج تجيب كوندنير دينسو ياباني وحاليا مش لاقيين غير واحد بيبيعه ومش هعمله دعاية لانه محتكره

لو عايزه كلمني عالخاص ونتقابل نجيبه باذن الله

تحياتي

**gougou81** · 29-03-2012 01:31 AM

هوة ممكن اشترى كوندنسر بتاع عربية تنية زاى الادة
واركبة ممكن يكون اقوى
لوهوة نفس الطريقة فى التركيب

**dr.hazem** · 29-03-2012 03:53 AM

المشاركة الأصلية كتبت بواسطة gougou81

انا من اسكندرية

المشاركة الأصلية كتبت بواسطة gougou81

هوة ممكن اشترى كوندنسر بتاع عربية تنية زاى الادة
واركبة ممكن يكون اقوى
لوهوة نفس الطريقة فى التركيب

معلش مخدتش بالي ياباشا

بالنسبه لكوندنسر عربية تانيه اللي اعرفه انه ممكن
هو 25 ميكرو فاراد ممكن تركب حاجه لحد 30 ميكروفاراد
شوف عند بتوع التويوتا والياباني ماركة دينسو
غالبا هو هو بتاع كورولا التسعينات
دينسوdenso او SGP
ده سعره المفروض 25
احنا بنجيبه هنا لانه محتكر ب 50

تحياتي