بتحب مهنتك و لا نفسك تغيرها ؟؟

**A_H_M_A_D** · 11-01-2009 12:59 PM

عندي سؤال بسيط :

إنت بتحب مهنتك اللي بتشتغلها ؟؟
ولا نفسك تغيرها و تشتغل في مجال تاني كنت بتحلم بيه بس الظروف اللي ماساعدتكش إنك تشتغله؟
ومش شرط يكون المجال التاني ده له علاقة بدراستك , لكن كان نفسك برضه تخوض تجربة العمل بالمجال ده

ولا إنت شغال بنظرية إذا لم تعمل ما تحب ... فحب ما تعمل ؟!!

أنا عن نفسي شغال مهندس تصميم و بصراحة زهقت من المجال ده بس خلاص ماعدش ينفع أفكر أشتغل في مجال تاني بعد ما أخدت كل خبرتي فيه
و لما باسأل نفسي أنا عايز أشتغل إيه بيكون الرد حاجه غريبة جدا ... عايز أشتغل طيار !! (مش على فيزبا ..لأ!!):k48:
أنا عايز أشتغل طيار مدني

يا ترى إنتم بقى نفسكم في إيه؟؟

**tamohsen** · 11-01-2009 01:36 PM

المشاركة الأصلية كتبت بواسطة ahmadzowail

عندي سؤال بسيط :

أنا عن نفسي شغال مهندس تصميم

و بصراحة زهقت من المجال ده بس خلاص ماعدش ينفع أفكر أشتغل في مجال تاني بعد ما أخدت كل خبرتي فيه

نفس المهنه بالظبط بالنسبالي وصعب تخرج منها

علشان كده بحاول أغير لحاجه بس في نفس المجال اللي أنا فيه
زي Planning Engineer مثلا

**twinsrashed** · 11-01-2009 01:44 PM

أنا شغال محاسب بس طول عمري نفسي اشتغل قبطان

**Ahmed_Elkhateb** · 11-01-2009 01:56 PM

انا عندى محل زجاج ودلوقتى شغال محاسب فى شركة سياحه وده اللى كنت بحلم بييييييييييييييييييييه
بس لو اتاحت الفرصه اشتغل ظابط هعملها بس ه الصعب المستحيل ههههههههههههه

**mbisar** · 11-01-2009 02:45 PM

انا طول عمرى وانا صغير كنت نفسى اكون ظابط جيش و كانت امنيه حياتى ويوم ما وصلت لكشف الهيئه فى الكليه الحربيه مكنتش مصدق نفسى بس للأسف مدخلتش عشان مكانش فى واسطه مع ان والدى و جدى كانوا ظباط جيش بس مش من النوع اللى ممكن يطلب خدمه من حد يعنى ، المهم باعونى بيعه وحشه اوى
ولما خلصت الكليه دخلت الجيش عسكرى مش ظابط الحمد لله و ساعتها بس عرفت اد ايه ظباط الجيش دول بيتعذبوا بجد والله دول اكتر ناس فى مصر بتتعذب و حمدت ربنا انى مدخلتش الكليه الحربيه
انا دلوقتى عندى معرض نجف و انتريهات كبير الحمد لله و اعتقد ان اى واحد بيشتغل فى عمل حر مستحيل يكون زهقان منه او عايز يسيبه الا لو المشروع بتاعه فاشل لكن لو المشروع ناجح وكويس مستحيل الواحد يبقا زهقان منه و او كارهه

**rockana9112007** · 11-01-2009 07:59 PM

انا خريج تجارة .ايام الكلية كنت بشتغل فى شركة فى الحسابات .المحاسبة مهنة محترمة جدااا بس كنت ببص بأعجاب لأدارة المبيعات فى الشركة .المبيعات فى اى شركة ليها كلمتها المسموعة حتى على صاحب الشركة ذات نفسة .ومديرين المبيعات عاملين زى نجوم الكورة بيتنططو من مكان لمكان ومرتباتهم خرافية دة غير المزايا غير اى ادارة فى الشركة .واشتغلت فى المبيعات بعد التخرج وبقالى دلوقتى اكتر من سنتين وبحلم اروح بيتنا فى يوم والشمس لسة فى السما ولماا بيحصل بفرح زى العيال الصغيرين
بس انا فعلااا بحلم اتعلم الطيران فى يوم من الايام

**TIMODAX** · 11-01-2009 10:52 PM

أنا كنت ألسن ألماني باشتغل في السياحه بس كان نفسي ابقا طباخ

**ringoo84** · 11-01-2009 10:54 PM

انا محامي وشغال في شركة مقولات ...............

**A_H_M_A_D** · 12-01-2009 09:56 AM

المشاركة الأصلية كتبت بواسطة mbisar

اعتقد ان اى واحد بيشتغل فى عمل حر مستحيل يكون زهقان منه او عايز يسيبه الا لو المشروع بتاعه فاشل لكن لو المشروع ناجح وكويس مستحيل الواحد يبقا زهقان منه و او كارهه

فعلا انا مقتنع جدا بالكلام ده
عشان كده أنا كان من امانيه إني يكون عندي مشروع كبير و أبقى بيزنس مان و عندي توكيلات تجارية

لأن أكيد حياة رجال الأعمال فيها إثارة

أكتر بكتير من حياة الموظفين

و ربنا يباركلك في مشروعك

**megaman** · 13-01-2009 01:54 PM

كانت امنية حياتى ابقى طيار حربى لان ابويا كان فى القوات الجوىة وكنت وانا صغير بروح معاه المطار واشوف الطياريين بيطلعوا بالطيارات ولكن نظرى كان هو المشكلة المهم دخلت طب الاسنان وفشلت ولم اكمل بعدها دخلت لغات وترجمة المانى ولم اكمل ايضا والله ليس غباء منى ولكن قدرى وعلى فكرة انا مش مكسوف من ده الان اعمل مبيعات فى شركة مجوهرات الماس وخلافه ومتزوج وعندى ولد وبنت ومستواى الاجتماعى كويس والحمد لله وسعيد مع زوجتى

الموضوع: بتحب مهنتك و لا نفسك تغيرها ؟؟

LinkBack

أدوات الموضوع

عرض

-

-

-

-

المواضيع المتشابهه

رجاء المساعدة عن الاشياء التى يتم تغيرها مع سير الكاتينة

الاشياء الضرورية المطلوب تغيرها فى لانوس ماشية 81 الف؟؟

متحرمش نفسك من العربية اللي نفسك فيها (هو انت هاتعيش كام مرة؟)

مسألتش نفسك قبل كده؟! ايه اجزاء العربية اللي بتدخل في الضمان وممكن تغيرها ببلاش

كيف غيرت مهنتك أو دراستك في شخصيتك ؟؟

الكلمات الدلالية لهذا الموضوع

المفضلات

المفضلات

ضوابط المشاركة