الموضوع: صوت طكه وكركره مع الدبرياج

السلام عليكم,

انا عربيتي اتخبطت من يومين خبطه جامده من ورا وطبعا شيست العربيه بس مش اوي, الحمدلله الاستبن خفف تأثير الخبطه جدا, المهم بعد ما السمكري عملها زرجينه وظبطها لقيت في صوت غريب ظهر وهو ااني وانا ماشي وادوس على الدبرياج علشان انقل غيار بسمع صوت طكه خفيفه وساعات تانيه صوت كركره طالع من تحت الهاند بريك, وصوت الكركره واضح و بيطول وانا برجع بضهري بالعربيه. المهم ان الصوت مش بيظهر لما ادوس على الدبرياج والعربيه واقفه, لازم اكون ماشي وادوس دبرياج. ايه ممكن يكون السبب؟وهل ممكن يكون بسبب الحادثه؟ وايه الي ممكن يكون السمكري عمله غلط؟

انا عربيتي سبيرانزا 516 موديل 2010 وماشيه 67000 تقريبا.

شكرا يا شباب