الموضوع: عمل تقرير مصور عن جناح هوندا فى معرض فورميولا الاهرام

المشاركة الأصلية كتبت بواسطة ahmedeihab

يا عم سامح قلتلك التصوير متشيلش همه
اعمل انت التقرير و سيبلى انا التصوير
^_^

hahahahahahahahahahahahahahahaha

سمسم أنا بعتلك الصور على الهوتميل مش الياهو

المشاركة الأصلية كتبت بواسطة mostafa53

السلام عليكم ورحمة الله وبركاته
دى أول مداخلة ليه فى قسم الهوندا. أنا أساسا جديد فى المنتدى كله ليه كام شهر لكنى معجب جدا بنظامه وحوارات الشباب الجميلة واستفدت كتير من أراء الأعضاء. من كام شهر كنت قررت أشترى سيارة جديدة بين 160 و 170 ألف وكانت اختياراتى بين الكورولا والبيجو 308 sw والسكودا الفنتازيا, والشباب فى المنتدى أضافو الفورد فوكس والرينو فلوينس والنيسان قشقاى, وحيرتى زادت جدا. الكلام اللى قريته فى المنتدى على الهوندا السيفيك 2012 كان غير مشجع وخلانى أخرجها من اختياراتى.
يوم 29 مارس رحت توكيلات نيسان وتويوتا وبعدين اتجهت لمعرض الأهرام. موديلات جديدة كتير وكلها مبهرة وهايلة والاختيار كان صعب جدا. طبعا أول المدخل فى المعرض بدأت بالبيجو وشفت ال308 وال408 وكمان ال5008 وال3008 وال508 والتلات موديلات الأخيرة خرافية لكن أعلى من إمكانياتى ودخلت على الرينو وشفت الفلوينس والميجان ودخلت الفورد وشفت الفوكس. فى الوقت ده كنت أميل أكتر للبيجو 408 وكنت خلاص ماشى وأنا مقرر كده لحد ماوصلت للهوندا وقلت أتفرج لمجرد المعرفة وزوجتى تقوللى "أنا خلاص تعبت ياللا نروح بلاش تضييع وقت". قلت معلش برضه ناخد فكرة, وحصل اللى حصل. أكمل بعد شوية الحكاية لأن ورايا شغل

قبل ماأكمل أحب أقول إن التعليقات السلبية على السيفيك الجديدة ضللتنى وأبعدت السيفيك عن اختياراتى رغم إن كان عندى نية من عدة سنوات إنى أشتريها لأن الموديل السابق كان رائع ومافيش أى خلاف عليه. لما دخلت على جناح الهوندا وشفت السيفيك بألوانها المعروضة (النبيتى والأسود والرمادى والأزرق) إتغير اتجاه تفكيرى 180 درجة. الشكل الخارجى محترم جدا وده الوصف المناسب. يعنى هوه مش روش ولا ثورى ولا هجومى لكنه شيك ومحترم. يعنى فى تصورى إن شركة هوندا المرة دى مالت ناحية الأعمار والفئات الأعلى على حساب الشباب. إنما مستحيل نوصف السيارة دى بأنها قبيحة أو إنها فاشلة زى ما بعض التعليقات قالت. أعتقد إن الناس من تعودها المتكرر بأن السيفيك دايما تيجى بشكل مذهل وباهر فوجئوا هذه المرة بشكل أكثر تقليدية واحتراما وده اللى أدى إلى ردود الفعل السلبية.
دخلت السيارة وجلست فى الأمام وبجوار السائق وفى الخلف. واسعة وأنيقة ومريحة. يعنى أنا طولى 190 سم مافيش أى مشكلة فى أى مكان والتابلوه معقول وإمكانيات السيارة معقولة وكمان الشركة عاملة عرض هايل بإضافة عدة إمكانيات للسيارة اللى ب176 ألف تخليها قريبة جدا للسيارة اللى ب 199 فيما عدا فتحة السقف والجنوط السبور. يعنى كده بقى السعر مش بعيد عن السيارات المنافسة. أنا مش حادخل فى التفاصيل الميكانيكية أو إمكانيات السيارة لأن ده الأخ "سمسم" شرحه قبل كده بالتفصيل إنما أحب أضيف إن ليه حوالى 27 سنة باستعمل سيارات ومعظم خبراتى مع السيارات كان فى السعودية. السيفيك والكورولا والفوكس وال308 والميجان والإلنترا كلها واللى فى نفس الفئة فى العالم بيسموها سيارات صغيرة. ولو قسمنا السيارات إلى أوروبى ويابانى وكورى نجد أن السيارات اليابانية تتفوق فى الفئة الصغيرة عن الأوروبية بوضوح وحتى الآن ولو قارنا السيارات اليابانية ببعضها فى هذه الفئة نجد أن السيفيك والكورولا هما أكثر تلك السيارات شعبية فى الخارج. الكورولا أرخص وقطع غيارها أوفر وأرخص وتوكيلا أكثر حضورا لكن السيفيك ركوبة وشياكة وإمكانيات أعلى وعمر أطول فى قطع الغيار. حا كمل الحكاية بعد شوية لما أكون فاضى

المشاركة الأصلية كتبت بواسطة mostafa53

قبل ماأكمل أحب أقول إن التعليقات السلبية على السيفيك الجديدة ضللتنى وأبعدت السيفيك عن اختياراتى رغم إن كان عندى نية من عدة سنوات إنى أشتريها لأن الموديل السابق كان رائع ومافيش أى خلاف عليه. لما دخلت على جناح الهوندا وشفت السيفيك بألوانها المعروضة (النبيتى والأسود والرمادى والأزرق) إتغير اتجاه تفكيرى 180 درجة. الشكل الخارجى محترم جدا وده الوصف المناسب. يعنى هوه مش روش ولا ثورى ولا هجومى لكنه شيك ومحترم. يعنى فى تصورى إن شركة هوندا المرة دى مالت ناحية الأعمار والفئات الأعلى على حساب الشباب. إنما مستحيل نوصف السيارة دى بأنها قبيحة أو إنها فاشلة زى ما بعض التعليقات قالت. أعتقد إن الناس من تعودها المتكرر بأن السيفيك دايما تيجى بشكل مذهل وباهر فوجئوا هذه المرة بشكل أكثر تقليدية واحتراما وده اللى أدى إلى ردود الفعل السلبية.
دخلت السيارة وجلست فى الأمام وبجوار السائق وفى الخلف. واسعة وأنيقة ومريحة. يعنى أنا طولى 190 سم مافيش أى مشكلة فى أى مكان والتابلوه معقول وإمكانيات السيارة معقولة وكمان الشركة عاملة عرض هايل بإضافة عدة إمكانيات للسيارة اللى ب176 ألف تخليها قريبة جدا للسيارة اللى ب 199 فيما عدا فتحة السقف والجنوط السبور. يعنى كده بقى السعر مش بعيد عن السيارات المنافسة. أنا مش حادخل فى التفاصيل الميكانيكية أو إمكانيات السيارة لأن ده الأخ "سمسم" شرحه قبل كده بالتفصيل إنما أحب أضيف إن ليه حوالى 27 سنة باستعمل سيارات ومعظم خبراتى مع السيارات كان فى السعودية. السيفيك والكورولا والفوكس وال308 والميجان والإلنترا كلها واللى فى نفس الفئة فى العالم بيسموها سيارات صغيرة. ولو قسمنا السيارات إلى أوروبى ويابانى وكورى نجد أن السيارات اليابانية تتفوق فى الفئة الصغيرة عن الأوروبية بوضوح وحتى الآن ولو قارنا السيارات اليابانية ببعضها فى هذه الفئة نجد أن السيفيك والكورولا هما أكثر تلك السيارات شعبية فى الخارج. الكورولا أرخص وقطع غيارها أوفر وأرخص وتوكيلا أكثر حضورا لكن السيفيك ركوبة وشياكة وإمكانيات أعلى وعمر أطول فى قطع الغيار. حا كمل الحكاية بعد شوية لما أكون فاضى

و الله ياباشا نفس انطباعي و مش فاهم الناس كانت بتهاجم من قبل ما تشوف العربيه
والظاهر ان العربيه عشان طول عمرها معقداهم اما صدقوا يلقوا حاجه و يغنوا زي موضوع انها واطيه للجيل السابق اللي عامل زي الاسطوانه المشروخه رغم انها بالتجربه اعلى من عربيات كتيييير انما هم بيبصوا على الشكل وبس فالحين يطبلوا و يزمروا على عربيات في رأيي تصنف كا توكتوك
و الهوندا فعلا متوازنه في جميع العناصر

المشاركة الأصلية كتبت بواسطة hany63

و الله ياباشا نفس انطباعي و مش فاهم الناس كانت بتهاجم من قبل ما تشوف العربيه
والظاهر ان العربيه عشان طول عمرها معقداهم اما صدقوا يلقوا حاجه و يغنوا زي موضوع انها واطيه للجيل السابق اللي عامل زي الاسطوانه المشروخه رغم انها بالتجربه اعلى من عربيات كتيييير انما هم بيبصوا على الشكل وبس فالحين يطبلوا و يزمروا على عربيات في رأيي تصنف كا توكتوك
و الهوندا فعلا متوازنه في جميع العناصر

أكمل الحكاية وأبدأ بالمقارنة بين السيارات التى فاضلت بينها وبين السيفيك بعيدا عن التفاصيل التقنية التى لا أدعى معرفتها. تتميز السيارات اليابانية عن الأوروبية بالتكييف الأقوى بمراحل والذى لا يؤثر على كفائة الموتور, هذه ميزة تساوى الكثير ولا زالت حتى الآن تمثل مشكلة كبيرة فى السيارات الأوروبية الصغيرة, وأظن أن التكييف أهميته ازدادت جدا فى السنين الأخيرة, هذا بالإضافة إلى نعومة السيارات اليابانية وخشونة معظم السيارات الأوروبية. السيارات الأوروبية الصغيرة عامة صيانتها صعبة وقطع غيارها فى بعض الأحيان غير متوفرة. المقارنة مع الكورولا ذكرتها سابقا, والسيفيك عامة تجمع بين مميزات اليابانى والأوروبى وهذا لا يتوفر إلا نادرا فى معظم السيارات الصغيرة.
المهم أنى وقعت فى غرام السيفيك وقررت شراؤها خلال أيام قليلة وإن شاء الله أكون عضو هونداوى لكن عجوز ممكن تقولولى ياجدو أو ياعمو أو ياحاج. إلى لقاء قريب والسلام عليكم ورحمة الله وبركاته

مبروك مقدما
و فعلا السيفيك اعلى ياباني في النعومه و الاداء و تقترب من الالماني في الثبات و الفخامه و حضرتك ممكن تراجع الموضوع المثبت بخصوص سيفيك الجيل التامن اللي في اول المواضيع و تعملنا تقرير انشاء الله عن الجيل التاسع

المشاركة الأصلية كتبت بواسطة ahmedeihab

واحد بالك انت
ههههههههههههههههههههههههه ههه
^_^

هاهاهاهاهاهاهاهاهاهاهاهاه ا هاهاهاهاهاهاهاهاها ....مش عارف بصراحة اقولك ايه ...بطني وجعتني من كتر الضحك .....الكاميرا بطاريتها فاسسسسست بعد ساعة من دخولنا المعرض ....حاجة تكسف ....وانا هونداوي وماصورتيش غير تابلوه العربية ....هاهاهاها .....كان لازم أضحك ....ده أنت مصيبة