الموضوع: مرور السلام ( عفوا مغارة على بابا و ال 400 حرامى )

انا رحت النهارده مرور السلام ( عفوا مغارة على بابا و ال 400 حرامى ) علشان اجدد الرخصه
اولا انت داخل على سوق و يا ريت سوق فيه بنى ادمين لا للاسف ده سوق للنصب و البلطجه
ثانيا مافيش اى حاجه تدلك تعمل ايه ولا تروح فين ولا تيجى منين
ثالثا رحت افحص لقيت ناس بدخل العربيات و المفروض انهم بيخلصولك حوار الفحص و بعد دفع الرشاوى للمهندس و الذى منه الواد اخد الورق و الرخصه و جيت اديله 20جنيه طلع بأه عايز كااااااااام 300 جنيه.................. لا يا شباب انا كتبها صح والله 300 جنيييييييييه
المهم بعد خناقه ما يعلم بيها الا ربنا و الصييع اللى حولين المرور اتلموا عليا الواد خد 70 جنيه
و بعد ما خلصت الجوله دى رحت ادفع المخالافات لقت 550 جنيه منهم 500 جنيه تعطيل حركة المرور وفين فى طنطا ( حركة مرور ايه يا ولاد.......) انا صحيح كنت هناك من سنه لكن مش عارف مرور ايه اللى انا عطلته ب 500 جنيه وحسبىالله ونعم الوكيل
لا وكمان عايزين شهادة بيانات بالنمر القديمه اللى انا اساسا جبتهم لما نقلت ملكيت العربيه السنه اللى فاتت
(طيب يا جماعه مانتوا عندكوا الدوسيه بتاع العربيه بيقول ان العربيه كان نمرها كذا) لكن وليه يريحوك احنا لسه هندور
رحت مرور النزهه (انت داخل فندق مش مرور ناس غير الناس و موظفين غير الموظفين و دنيا غير الدنيا) جبت الشهاده فى 5 دقايق و رجعت(مع انى كنت عايز اقعدلى ساعه ارييح فيها اعصابى) دفعت ال 550 المتينه لانى مستعجل و قلولى ان التظلم هيخصملك 100 او 200 جنيه بالكتير لو رحت الدراسه
رحت اجدد الساعه 12 الضهر مش باليل طبعا قلولى خلاص خلصنا يا بيه احنا مامنقبلش ملفات بعد الساعه 12 ... طيب يا عم دا انا دافع كل حاجه و مظبط.......... ولااااا الهوا
( ناس ماشيه زى الساعه صحيح ميزانهم ما ينقصش خردله)
الخلاصه وانا اسف على الاطاله لكن من همى
ما حدش يتعامل نهائى مع العيال اللى جوه او بره المرور كلهم صييع و بلطجيه ونصبيين ولاد تيييييت
و اخيرا ياجماعه و الله البلد دى عمرها ما هايتعدل حلها ولو بعد 300سنه و الثوره الحاجه الوحيده اللى غيرتها انها خلت السرقه والنصب عينى عينك مش من تحت لتحت زى زمان ايام حسحس ودا مش معناه انى كنت راضى على حال البلد لكنها انتقلت الى ليس الاسوأ فقط لكن الى اسوأ شئ وسيبكم من هجس الفلول و الذى منه لكن فعلا الناس نفسها هى اللى لازم تتغيير

ربنا معاك