الموضوع: سؤال بخصوص الزجاج الملون .....

المشاركة الأصلية كتبت بواسطة kofta

بصراحة اللى قالى تعالا مرضيش يقولى هياخد كام و مش عارف كمان هيعمل حاجة فى الملف ولا لأ هو قالى انا مظبط مع بتاع الكمبيوتر هيعملك الرخصة على طول و خلاص ... طب كدة لو اتعملت كمبيوتر يعنى كدة اتكتبت فى ملف العربية ولا ايه بالظبط ...؟؟؟
الراجل اللى بيسجل الرخص على الكمبيوتر بياخد من الورق اللى كتوب امامه..فلازم يكون مكتوب فى الملف الفامية او على الاقل فيه ورقة بتقول انه فابريقة.لان بينزل الفامية فى الرخصة..فامية فابريقة او مظلل فابريقة.


لا مش مثبوت و الازاز بتاعها ابيض مفهوش فاميه خالص و الورق بتاعها عادى مفهوش فاميه .. مهو ده اللى مجننى وواحد اللى جه معايا من المعرض رخصها معايا و خلص كل حاجة .... بس فيه ناس قالولى الكلام ده بعد ما خلاص رخصت قالولى مروحتش ليه للمهندس بتاع الفحص و شربتو شاى كان ظبط الحاجة كلها ... طب كدة كان هيكتب فى الورق انها فاميه ولا برضو هيكتبها على الكمبيوتر !!

المشاركة الأصلية كتبت بواسطة kofta

صاحب المعرض كات قايلى بعمل الموضوع ده من زمان لكن دلوقتى مبقاش يعمله .... بالنسبة لمصنع الازاز ده مكانه فين بالظبط لانى سمعت عنه قبل كدة بس معرفش مكانه بس هو كدة هيعملى الازاز ده عمولة ولا ايه ؟؟ و هيتكلف كام كدة حوالى العربية كلها عدا الازاز القدام يعنى جانبى كله و خلفى

معلش السعر دا كان من 2007 لانى كنت بغير زجاج عربيتى عند د.جريش و قال ان العربية بتتكلف كلها 1000جنيه.و الزجاج اصلا موجود عنده معمول جاهز للى عاوز و لو عمولة على حسب ما هيقولك من نسبة اللون فاتح وسط غامق..و مصنع د.جريش فى العاشر من رمضان طريق الاسماعيلية الصحرواى على ايدك اليمين مباشرة لكن مش فاكر مش هتطلع اول كوبرى والا تانى كوبرى عموما هوة مش صعب لانك من على الطريق هتلاقى على ايدك اليمين يافطة واضحة جدا بحجم ضخم اعلى المصنع مكتوب عليها د.جريش

المشاركة الأصلية كتبت بواسطة kofta

تمام ... طيب و كدة لما اغير الزجاج من شفاف لفاميه هيدينى ورق عشان اثبته على الرخصة و لا هعمل ايه ساعتها كدة ؟؟

مش هيديك اكتر من فاتورة البيع.و انتى ظبط نفسك مع بتاع المرور.بس اتاكد ان يكتب فى ملف العربية انها فامية مش الرخصة بس.لان مع التجديد هتلاقى نفسك دخلت فى الحيط و الكلام كلة مش اكتر من تظبيطك و معارفك فى المرور.مفيش تغيير الثورة و الكلام دا للاسف

المشاركة الأصلية كتبت بواسطة kofta

ايوة ايوة ... انا بشكرك جداً يا باشا

انا كلمتهم بتوع د.جريش قالولى مش عندنا الازاز بتاع الكوبيه ده

شكلى كدة هيبقى علية و على المرور بقى ... بس كدة لازم اثبته على الورق و ده تقريباً صعب مش كدة

شوف عندنا فى مصر صعب و مش صعب لان الكلام كلة عبارة عن تظبيط و لسان كويس و استلطاف مش اكتر و ممكن الواحد منهم يستجدعك و ميخدش منك فلوس و ياخد من غيرك..حاول تبعد عن الرشوة لانها حرام و متحاولش تغالط نفسك و تقول مهو خدمنى و مش عارف اعملة ايه.
و على العموم طول ما الرخصة مثبوتة محدش ليه عندك حاجة انما الملف هو الاساس.يعنى شوية ورق,و فيه ناس مركباة و لما بتشوف اللجنة بتلف من قبلها,معنا فى مصر الموضوع كلة بركة و حظوظ