بتحس بأية وأنت نازل رايح الشغل؟!
ويا ترى لية بتحس بكدة؟!
عرض للطباعة
بتحس بأية وأنت نازل رايح الشغل؟!
ويا ترى لية بتحس بكدة؟!
بحس إني مش عايز أنزل
ليه؟ No comment
مش عايز اروح.... لكن ما باليد حيلة..... كل اللى مر عليه فى نفس الشغل عدة سنوات تتجاوز ال 5 سنوات مثلا اعتقد لازم بيحس بكده، اللهم الا اذا كان بيحب شغله فده موضوع تانى، لكن اعتقد ده شئ نادر شوية ان انت تحب شغلك..... بس نعمل ايه اكل العيش مر مهما تحط عليه سكر :) و فى النهاية نحمد ربنا انه لسه فيه شغل اصلا....
كأنى نازل انفذ حكم أو عقوبه .. و ف نفس الوقت لو قعدت ف البيت باكون متضايق ومللان .. غالبا بتكون فتره مؤقته بتنتهى ان الواحد يشد العربية و ياخد اجازه و يسافر يغير جو
أنا زيك بالظبط وهقولك لية....
أولآ أنا مبحبش شغلى زى ناس كتيييييييييييييييييير أوى ....
ثانيآ عشان رؤسائى فى العمل للأسف الشديد جدآ جدآ معظمهم ستااااااااااات .... :019F3B~14:
مسك الست أى شغلانة يا معلم وهى بعون الله تخربها وتقعد على تلها ....
والمصيبة أنها فاكرة أنها صاحبة عقلية معملية فذة :Ob_mak1[1]: وهى مش دريانة أنها عمالة تبوظ كل حااااااااااااجة .... :120146b
ربنا ينتقم منك يا قاسم يا أمين .... :khd:
ربنا ينتقم منك يا شيخ ....
أنا بقالي 3 سنين وكام شهر في الشركة دي ونفسي ومنى عيني تفلس أو يرفدونا جماعي
لأني في مجال نادر في البلد وفرصه قليلة + إني أضعف من إني أقدم استقالة وأقعد في البيت
أول مرة أكره المكان اللس بشتغل فيه بالشكل ده
+1
والله اللي انت بتقوله بالحرف
ونزود عليه إن رئيسنا المشترك محترم وطيب بس مايعرفش يقف قدامهم أو قدامهنّ بقى
على الرغم إن أقل منه في كل حاجة بس برضه يتفادى أي احتكاك مباشر معاهم ويسيبنا إحنا نطبطب عشان هما أي رد عليهم مش بنفس حتى تلاقي النهنهة اشتغلت
سبحان من خلق شخصية قوية وشخصية ضعيفة
الحل هو الاستقالة إن آجلا أو عاجلا
لا يمكن أي بني آدم سوي يستحمل إلا على حساب تغيير سخيف في شخصيته
على الأقل أنا مش ناوي أكمل كتير هنا
انا مش طايق اصحى الصبح
للاسف ربنا ابتلانى بمدير عندة 25 معرفش مين عينة مدير اصلا ومخة مخ طفل وامور صبيانية دة غير انك تحس بردو بتتعامل مع ست فنفس الوقت يااااااااارب صبرنى
أنا بقى بحب شغلي جدا بس أكيد بشوف بلاوي فيه
ومعندييش مانع إني أنزل ويك اند وأسهر فالشغل
بس للأسف الشركة اللي أنا فيها دلوقتي فعلا وصلتني لمرحلة إني كرهت شغلي وكرهت نفسي كمان
والحمدلله أنا سبتها الاسبوع ده وهروح مكان تاني بس أنا عارف إن عمري مهدي في شغلي زي الأول
تخيل إنت بقى الشعور مع نفسك
أنا شغلي فى آآآآآآآآآآآآخر 6 أكتوبر وساكن فى مصر الجديدة! بأصحي الساعة 5 الصبح عشان أوصل..بأخد حوالي ساعتين إلى 3 ساعات عشان أروح....عمار يا مصر!
بأصحي بالليل وباروح بالليل وغالبا بأنام من الساعة 9 بالليل من التعب.
الحمد لله ان فيه شغل اصلا!
تحياتي.
علي حسب
لو المشروع بييس وحلو ببقي عايز اطير وانزل ولو رخم وشغل كتيير ببقي مش عايز اروح
انا لما بنزل اروح المدرسة اللهى يارب تولع بحس انى رايح اتسجن واقضى فترة عقوبة :d
رايح غرفة الاعدام
طبعا بدخل قبل الشمس ما تطلع اروح لعد غروب الشمس طبعا مبشفش الشمس يعنى 12 ساعة واقف ومديرة مطلعة عينك لما الواحد جاب اخره خلاص
شعورك ايه لما تقعد قى البيت منذ 6 شهور بلا عمل
كثيرون من يحبون اعمالهم ولكن لم اجد من اشاد بجو العمل او بمعنى ادق بروح الفريق وللاسف الشديد فشلنا فى العمل بروح الفريق حتى فى الالعاب الرياضية ولا تجد لمصر تميز الا فى الالعاب الفردية غالبا ولا تجد فى الاعمال تميز الا فى الاعمال الفردية وما عدى ذلك فتحطيم معنويات واهدار طاقات وامكانيات وحدث ولا حرج
الاصل فى منظومة العمل الجماعى فى مصر الحقد والحسد والغل والوشاية والاهمال ونظام الشئون الاجتماعية فى مساواة الجميع من يعمل كمن لا يعمل بل من لا يعمل تفضل وهو محبوب لانه لا تثار حوله مشاكل ولا يتعجل احد ولا يكشف تباطؤ احد او اخطاءه
لقد سافرت الى دول عربية واجنبية ورأيت كيف ان الغرب يقيل على العمل فى الصباح والابتسامة ملىء فاه وكيف ان الانسان له مكانه اولى ومقدم على المكان وعلى الماكينه
امامنا مئات السنين حتى يتغير الفكر ولن يتغير الفكر حتى نرى جيل جديد بتربية مختلفة بعيده عما هو كائن الان
بيبقي قلبي مقبوض و مش متفائل و بحس اني بردان و بفضل اقول لنفسي work sucks
بحس انى داخل الحرب و عمال بشرب فى ينسون علشان اعرف ازعق
دى غير كولو كوم و مشوار مرسى علم البعملو سد رد ده كوم ااااااااااااااااوف
زمان كنت بأخللى نفسى اسرح بالعافية (بادخل نفسى فى أحلام يقظة) عن اليوم اللى اتقاعد فيه.
دلوقتى بقيت روبوت يعنى انسان آلى مابحسش بحاجة وماشى بضرب الجزمة علشان خاطر العيال.
انا بحب شغلي جدااااااا...واناونازل ببقي مستعجل عاوز اوصل و برتب افكاري هعمل ايه في يومي في الشغل..بس بكون عصبي جدااااا فتره الصبح
بادعى ربنا ياخد المجلس العسكرى وكل اللواءت السابقيين وربنا يرحينا من المعاشات و بخلى امى تدعيلى انا مفيش طيارات تتعطل فى حتت فيها حروب اهلية علشان اى طيارة بتعطل فى حتة فيها لبش بيضحوا
بحد مننا احنا الصغييرين لكان لما طيارة تعطل فى باريس او فيينا تلقيهم راشقيين انا لسه لبس رحلة علشان اجيب طيارة كانت عطلانة فى جوبا بجنوب السودان الشقيق اعدت هناك يوم ونصف فى رعب كافيه اقولك ان المطار بيقفل باليل وبحمد ربنا لان كانت مسافر ليبيا بس جت فى واحد زميلى الحمد لله اضرب عليهم مدفعية مورتر فى مطار اسمه معتيجة المهنة باصلاح طيارات
إحساس صعب أوى
شغلتى طالب كنت الاول بحب الكلية بس حاليا مبقتش احبها وبروح إصب عنى , وبقيت شايل همها مش عارف لية ؟ :(
انا طبعا بشكر ربنا جدا وفى صلاتى على نعمل العمل
وانا رايح الشغل الصبح ببقى عادى ولا مبسوط ولا مسرور
الناس اللى بشتغل معاها والناس اللى مش بتشتغل معايا بس موجودين فى نفس المكتب بصراحة ناس فى غاية الجمال والروعة فى الاخلاق والمعاملة وبالاخص البنات فيهم الواحده فيهم ب10 رجالة ...بنحترو بعض وبنخاف على بعض يعنى الجو العام جوه المكتب زى الفل
بس...
اللى مضايقنى فى الشغل ومخلينى قرفان شوية انى مش بشتغل فى تخصصى ..انا مهندس ميكانيكا فى شركة ...وشغلى دلوقتى منصب على الردود والخطابات والتقارير
يعنى مش عملى ...وانا اعشق الشغل العملى عن الادارى
وفكرت كذا مره انقل من مكانى لمكان اكتر عملية...بس انا بشتغل مع حتة مدير زى البلسم محترم جدا واكن له من الوفاء لدرجة انه عنده ظروف مرضية وواخد اجازة وانا مينفعش اسيب المكان فى الوقت الحالى
ناهيكم عن ان باقى الاقسام والادارات كله عك فى عك وشغل بطاطا يعنى لو حبيت اشتغل عملى بجد هصطدم كتيير بناس كبيره وصغيره ودماغى هتورم اكتر من الورم اللى حوالينا اليومين دول.
علشان كده قررت انى احب المكان اللى بشتغل فيه ومسعش فى النقل احترما لمديرى المحترم وحبا فى زملائى فى العمل وبعدا عن الهلس ووجع الدماغ واللعب فى الامور.
ادارى ادارى مش مشكلة بس راحة البال
الحمد لله ان الواحد شغال اصلا ويبوس ايديه وش وضهر ويحمد ربنا فعلا..
من غير تريقة ياجماعة أرجوكوا
حد فكر إنو يغير الروتين اليومى بتاعه بدل ما تتتحرك فى مواعيد الموظفين وزحمة الشوارع والأرف أنك تصحى بدرى ساعه أو نص ساعه تروح النادى لو مشترك فى نادى تجرى شويه او تشترك فى جيم وتروحه الصبح بدرى قبل الشغل .
صدقنى هتروح الشغل بإحساس مختلف تماما
الموضوع فى وجهة نظرى موضوع جودة حياة وأستمتاعك بيها . لازم تاخد وقت من يومك لنفسك تمارس فيه هوايه أو رياضه أو أى شئ انت بتحبه . ساعتها يومك هيختلف كتيييييييييييييييير
صح هتروح الشغل بإحساس مختلف ...بس انت لو بتركب مواصلات ولو الشغل نفسه منكد عليك تفتكر هيبقى الاحساس ازاى
على فكره انا بعمل شبه ما بتقول بصحى بدرى نص ساعة واتفرج على التليفزيون والاخبار وجزء من فيلم اجنبى كمان
بس اللى مريحنى انى عندى عربية وفى 7دقايق بكون فى قلب الشغل ولا زحمة ولا ناس رخمه على الصبح...بس انا فين فى اخر بلاد مصر فى مطروح ..ممكن تعمل اللى نفسك فيه هنا ..لكن فى مصر او اسكندريه او او او وانت رايح الصبح الشغل هتتظبط
بس اجمالا فكرة حضرتك جميلة جدا
في شغلي الاولاني كنت بكره سيرة الشغل و اللي بيشتغلوا من كتر ما ادارة الشركة ظلموني . و ربنا وفقني و سبتهم في يناير 2011 و رحت مصنع تاني انا عامل التصميم و مختار المعدات و معين الموظفين كلهم و بدير الشركة بجميع الصلاحيات و صاحب المصنع بيثق فيا جدا و بيناقشني كاني ابنه او اخوه الصغير و لما بروح الشغل اول ما ادخل من البوابة بيكون شعوري بالفخر و السعادة و كاني طاير في الهواء لأن اللي كنت برسمه على ورق بقى واقع و حقيقة ...
بس من اسبوعين تلاتة اتحول احساسي لاحباط و قلق و خوف شديد من المستقبل القريب لأن ازمة الجاز و البنزين و الأزمات السياسية موقفة حال البلد و كل المصانع قللت الانتاج او وقفت النشاط
ربنا يستر و الدنيا تتحرك بقى عشان خلاص الواحد جاب اخره
يا رباقتباس:
ربنا يستر و الدنيا تتحرك بقى عشان خلاص الواحد جاب اخره
طيب انا اعمل ايه بقى اولع فى نفسى بعد 12 سنه شغل ونحت فى الصخر
لقيت نفسى فى الشارع وبدور على شغل منذ اكثر من 6 شهور دعواتكم بقى
عشان وحشنى بوذ الصبح وانت نازل رايح الشغل ونسكافيه الصبح ياة ايام بقى
من وجهة نظرى من أسوأ الأمور الى ممكن يقابلها الإنسان
تسليمه بالأمر الواقع وعدم محاولته إنه يغيره
لو ظروف شغلك قرفاك حاول تغيرها
لو مش عاجبك شغلك دور على غيره مش لاقى طور من نفسك عشان تفتح مجال تانى ليك
طول ما انت عندك مشكله ومأخدتش خطوات ومدفعتش تضحيات عشان تحلها عمرها ما هتتحل
تقبل تجياتى