السلام عليكم
اخوكم خالد استلمت التيدا بتاعتى من اوتو ايجيبت فى مدينى نصر من يومين بالظبط و كل الاجراءات تمت بهدوء و الناس بتاعت اوتو ايجيبت بصراحة محترمين جدا.
انا من السويس فولت العربية و طلعت على السويس و بعد 40 كيلو بالظبط لمبة الحرارة نورت احمر فاضريت انى اوقف العربية فورا و البفعل وقفتها و تصلت بالاخوة بتوع الصيانة بتاعت اوتو ايجيبت , اتصل بية فى الاول مهندس و قالى حاول تمشى بيها وحدة وحدة كدة نغيت لما توصل السويس و احنا حنبعتلك مهندس و فنى لعندك فى السويس.
بعديها بشوية قولت طب اجرب امشى شوية يمكن تروح ..............مشيت شوية و بعدين لقيت اللمبة نورت تانى اتصلت بونش و جة شالى العربية و رحت نزلت على السويس وانا متنكد جداااااااا
اتصل بية يوميها بليل المهندس احمد الرزاز مدير الصيانة بتاع مركز الخدمة بتاع اوتو ايجيبت ( مهندس محترم جدا)
عرفنى بنفسة و قالى ان شاء الله احنا حنبعتلك بكرة ونش يشيل العربية من السويس و نجبها هنا فى المركز
وانا بصراحة كانت روحى فى منخيرى بقى دة اول يوم لية عشان استلم العربية.
المهم تانى يوم فعلان الونش جة شال العربية و رحت اوتو ايجيبت و طلعت العربية الريداتير مخروم و قالولى انتى كدة فى الضمان حنغير الريداتير بواحد جديد و الحمد لله رجعوهالى السويس.

بحب بس اشكر جدا استاذ / احمد مصطفى منسق قسم نيسان بصراحة الراجل مسبنيش و كان علطول بيطمن علية
و اشكر اعضاء اوتو ايجيبت كلهم لانهم ناس محتــــــــــــــــــــــ رمين جدا و خاصتا المهندس / احمد الرزاز